2 Sam 24:17 - BAEBOLO ANZƐƐ BULUKU NWUANZANWUANZA

¹⁷ Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

2 Sam 24:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:23

Na Ebileham hwenle bikyele Ɛdɛnkɛma na ɔhanle kɛ, “Asoo amgba ala ɛbazɛkye tenlenema wɔaboka amumuyɛma ne anwo?

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:33

Yemɔti mebodo mesɛlɛ wɔ, maa wɔ sonvolɛ, menga ɛke kɛ wɔ kanranli, na maa kakula ne nee ɔ mediema ne mɔ ɛhɔ.

2 Sam 12:13

Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

2 Sam 24:10

Mɔɔ Devidi wiele menli ne tia la ye adwenle bule ye fɔlɛ. Na ɔhanle kɛ, “Ɛdɛnkɛma, meyɛ ɛtane kpole wɔ mɔɔ meyɛ la anwo. Mesɛlɛ wɔ, fa wɔ sonvolɛ, me ɛtane kyɛ me, ɔluakɛ meli ngoaseasɛm.”

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Arl 22:17

Maekaya buale kɛ, “Menwu Yizilayɛma amuala kɛ mboane mɔɔ ɛzande awoka zo na bɛnlɛ bɛ menle la, na Ɛdɛnkɛma ɛlɛka kɛ, ‘Mboane ɛhye mɔ ɛnlɛ bɛ menle, yemɔti biala ɛzia ɛhɔ ye sua nu anzonudwolɛ nu.’ ”

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Dwobu Buluku ne 7:20

Saa meyɛ ɛtane a, ɛnee duzu a meyɛ wɔ a, wɔmɔ menli sinzavo? Duzu ati a ɛ nye gyi me nyunlu zɛhae a? Duzu ati a meyɛ adesoa memaa wɔ a?

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Edwɛndolɛ Buluku ne 44:11

Wɔyɛ yɛ kɛ mboane mɔɔ bɛ nee bɛ ɛlɛkɔ ahunleɛ, na wɔkponde yɛ maanle maanle zo.

Edwɛndolɛ Buluku ne 74:1

O Nyamenle, duzu ati a wɔpɛ yɛ wɔgua bɔkɔɔ ɛ? Duzu ati a wɔ ɛya kpu esike yelɛyela wɔ adidileka mboane ɛ?

Edwɛndolɛ Buluku ne 78:71

ɔmanle ɔgyakyile mboane mralɛ ɛnleanlɛ, na ɔ nee ye rale kɛ ɔranlea ye menli Gyekɔbo abo zo amra, Yizilayɛma mɔɔ le ye agyadeɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:16

Na ndɛndɛ ne ala belemgbunli ne vɛlɛle Mosisi nee Aalɔn na ɔzele bɛ kɛ, “Meyɛ ɛtane metia Ɛdɛnkɛma bɛ Nyamenle ne nee bɛdabɛ.

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Dwona Buluku ne 1:12

Dwona zele bɛ kɛ, “Bɛmaa me zo, bɛvuandi me bɛdo nyevile nu na nyevile ne bagua amaa bɛ, ɔluakɛ meze kɛ medame me ti yɛɛ ahumu kpole ɛhye ɛdwazo a.”

Zɛkalaya Buluku ne 13:7

Tumivolɛ Ɛdɛnkɛma se, “Dwazo, konle dadeɛ, dwazo ku me mboaneneavolɛ ne, ku ahenle ne mɔɔ gyi me nwo ɛke la. Bɔ mboaneneavolɛ ne ku ye maa mboane ne mɔ ɛbɔ asande. Medame mebava me sa meazie ngyikyi ne mɔ anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:22

Na Mosisi nee Aalɔn dule guale mutule nu na bɛhanle kɛ, “O Nyamenle, menli kɔsɔɔti bɛ Nyamenle, na saa sonla ko yɛ ɛtane a, ɛnee ɔwɔ kɛ ɛfa ɛlɔne ne anwo ɛya ɔ?”