2 Sam 24:16 - BAEBOLO ANZƐƐ BULUKU NWUANZANWUANZA

¹⁶ Na mɔɔ Nyamenle soanvolɛ ne dendenle ɔ sa kɛ ɔbɔ Gyɛlusalɛm la, Ɛdɛnkɛma hakyile ye adwenle wɔ suakpole ne ɛzɛkyelɛ nwo na ɔzele Nyamenle soanvolɛ ne kɛ, “Gyakyi! Ɛhye ala le kpalɛ!” Ɛnee Nyamenle soanvolɛ ne wɔ Gyibɛsenli Alɔna ma ɛwozolɛ ɛleka ne.

2 Sam 24:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:16

Keena abo zo amra ne bie mɔ a le Gyibɛsema, Amɔlema, yɛɛ Gɛgahyema.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:6

Na ɔyɛle Ɛdɛnkɛma nyane kɛ yebɔ sonla yedo azɛlɛ ye azo a. Ɔyɛle ye nyane somaa,

2 Sam 24:18

Gaade rale Devidi ɛkɛ ne kenle ko ne razele ye kɛ, “Kɔ Gyibɛsenli Alɔna ma ɛwozolɛ ɛleka ne kɔzi azukponle maa Ɛdɛnkɛma.”

2 Sam 5:8

Kenle ko ne, Devidi zele ye menli ne kɛ, “Awie wɔ ɛke mɔɔ kyi Gyibɛsema tɛla me, mɔɔ kɛhola kɛhu bɛ ɔ? Ɛnee bɛva azɛlɛ bo adenle ne anu na bɛva konle bɛhɔdoa anyenzinliravolɛma nee abuburama ne mɔ mɔɔ Devidi kyi bɛ la.” (Ɛhye ati yɛɛ bɛse, “Anyenzinliravolɛma nee abuburama ɛnrɛhɔ Ɛdɛnkɛma sua nu” la.)

1 Arl 19:4

na ɔdiale kenle ko adenle ɔhɔle fienemgbole ne anu lɔ, ɔhɔdɛnlanle baka bie abo na ɔzɛlɛle kɛ, “O Ɛdɛnkɛma, akee yeyɛ boɛ. Maa menwu na menle kpalɛ mendɛla egya mɔ.”

2 Arl 19:35

Kenle ko ne nɔe ne Ɛdɛnkɛma soanvolɛ hɔle Aseleama azokoɛleɛ ne hɔhunle ɛlɔnema ne anu apenle ngoko ɛya ko abulatwɛ nee nnu. Aleɛ kahye la ɛnee bɛwu bɛgua ɛkɛ.

1 Edk 1:14

Keenan abo zo amra a le Gyibɛsema, Amɔlema, Gɛgahyema,

2 Edk 3:1

Mekɛ ne anu ɛnee Sɔlɔmɔn ɔ ze Belemgbunli Devidi ɛziezie ɛleka mɔɔ bɛbazi Ɛzonlenlɛ Sua ne la ɛwie. Ɛleka ne wɔ Gyɛlusalɛm, wɔ Molaya Boka, ɛleka mɔɔ Ɛdɛnkɛma yele ɔ nwo hilele Devidi mɔɔ Gyibɛsenli Alɔna (Ɔnan) ɛnee wozo ye ma ne la. Belemgbunli Sɔlɔmɔn bɔle sua ne ɛzilɛ bo

2 Edk 32:21

Na Nyamenle manle ye soanvolɛ rahunle Aseleama safohyenlema nee mgbanyima nee katakyiema kɔsɔɔti mɔɔ wɔ Aseleama azokoɛleɛ ne la. Yemɔti Aselea belemgbunli ne vale nyiane ziale hɔle ye maanle nu. Mɔɔ ɔhɔdwule ye bozonle ne anyunlu la, ɔdaye ɔ kunlu mralɛ mrenya ne bie mɔ rahunle ye.

Edwɛndolɛ Buluku ne 135:14

Ɔluakɛ Ɛdɛnkɛma balie ye menli ne ati, na yeanwu ye sonvolɛma anwunvɔne.

Edwɛndolɛ Buluku ne 35:6

Maa bɛ adenle nu ɛyɛ awozinli, ɛyɛ teteletetele, na Ɛdɛnkɛma soanvolɛ ne ɛlɛtu bɛ ako la.

Edwɛndolɛ Buluku ne 78:38

Noko yemɔ, kɛmɔ ɔse anwunvɔne la ati, ɔvale bɛ ɛtane ɔhyɛle bɛ, yɛanzɛkye bɛ; mekɛ dɔɔnwo ɔmenle ye ɛya ne, yeanva ye ɛya ne amuala yeangua bɛ nwo zo.

Edwɛndolɛ Buluku ne 90:13

O Ɛdɛnkɛma, sia bɛla! Kenlenzu? Nwu wɔ sonvolɛ anwunvɔne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:13

Mogya ne bayɛ azua mɔɔ bɛwɔ nu la sɛkɛlɛneɛ, ɛleka biala mɔɔ menwɔnwu mogya la, mebapɛ nu, amaa saa melɛku Yigyibitima a meangu bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:23

Ɔluakɛ Ɛdɛnkɛma barapɛ nuhua yeahɔhu Yigyibitima. Saa ɔnwu mogya ne mɔɔ wɔ felɛmo ne anwo la a ɔbapɛ nuhua; ɔnrɛmaa sɛkyevolɛ ne ɛnrɛwolo bɛ azua nu ɛnrɛhu bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:14

Yemɔti Ɛdɛnkɛma hakyile ye adwenle. Yeammaa munzule ne mɔɔ ɔdwenlenle nwolɛ la amba menli ne anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:28

Bɛzɛlɛ Ɛdɛnkɛma bɛmaa maanle nu ɛhululɛ nee ezuawolɛ ɛdɔlɛ ne ɛgyakyi na memaa bɛahɔ; menrɛmaa bɛnrɛdɛnla ɛke bieko.”

Ayezaya Buluku ne 27:8

Ngyikyi ngyikyi, ɛ nee bɛ lile na ɛmanle bɛhyele bɛ bɛhɔle nlɔnu, ɛvale wɔ aduduleɛ anwoma anloa ɛsesebɛ ne ɛvoanle bɛ.

Ayezaya Buluku ne 57:16

Ɔluakɛ medame a memaa ngoane a, yɛɛ me nuhua a sunsum ne vi ba a; menrɛva bɛ nwo ɛya dahuu, yɛɛ dahuu menrɛbɔ bɛ somolɛ.

Gyɛlɛmaya Buluku ne 26:19

Noko Dwuda Belemgbunli Hɛzikaya nee ye ezuavolɛ ne angye ye angu ye. Mɔɔ Hɛzikaya yɛle la a le kɛ ɔkɛli Ɛdɛnkɛma eni ɔkɛzulo Ɛdɛnkɛma ɔkɛmaa Ɛdɛnkɛma kɛva ɔ nwo edwɛkɛ kɛhyɛ ye. Na Ɛdɛnkɛma nwunle ye anwunvɔne, na ɔvale ɛzɛkyelɛ ne mɔɔ anrɛɛ ɔsɛkye bɛ la ɔhyɛle bɛ. Na yɛmɛ, yɛkpondɛ yɛahwe munzule kpole yɛamaa yɛ nwo.”

Gyɛlɛmaya Buluku ne 42:10

Saa bɛkɛdɛnla azɛlɛ ɛhye azo a, anrɛɛ mebalua bɛ na menrɛdu bɛ; mebamaa bɛ bo adila, na menrɛzɛkye bɛ, ɔluakɛ menlu me nwo kɛ medea bɛ memaa munzule ɛdo bɛ a.

Emɔzo Buluku ne 7:3

Ɛdɛnkɛma hakyile ye adwenle na ɔhanle kɛ, “Mɔɔ ɛnwunle ye la ɛnrɛyɛ zɔhane.”

Emɔzo Buluku ne 7:6

Ɛdɛnkɛma hakyile ye adwenle na ɔhanle kɛ, “Ɛhye noko ɛnrɛyɛ zɔhane.”

Habakɛke Buluku ne 3:2

O Ɛdɛnkɛma, mede wɔ nganeɛ, yɛɛ menwu wɔ gyima ne, O Ɛdɛnkɛma, na mesulo. Yɛ ye bieko wɔ yɛ mekɛ zo, da ye ali wienyi wɔ yɛ mekɛ zo; ɛfa ɛya a kakye wɔ anwunvɔnezelɛ ne.

Zɛkalaya Buluku ne 9:7

Ɛdɛnkɛma se, “Bɛnrɛli nane mɔɔ mogya wɔ nu nee bɛkyi aleɛ ne mɔ mɔɔ bɛdi la bieko. Menli mɔɔ baha la bayɛ me menli; bɛbayɛ kɛ abusua ekpulike wɔ Dwuda, yɛɛ Ɛkelɔnoma bayɛ kɛ Gyibɛsema la.

Edwɛkpa ne kɛmɔ Maake hɛlɛle la 14:41

Ɔziale ɔ nzi mɔɔ tɔ zolɛ fane nsa ne la, ɔbizale bɛ kɛ, “Bɛtɛda? Yeyɛ boɛ! Mekɛ ne ɛdwu! Bɛnlea, kɛkala bɛye Sonla Ra ne bɛwula ɛtanevolɛma asa anu.

Ɛzoanvolɛma Gyima ne 12:23

Na arɛlevilɛ nu ala Awulae soanvolɛ rabɔle Hɛlɔdo dole aze manle ɔ nwo dole ye, ɔlɔle azonlɛ na ɔwule, ɔluakɛ yeanva anyunlunyia yeammaa Nyamenle.

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

2 Kɔl 2:6

Ɔle kpalɛ bɔkɔɔ ɔmaa sonla zɔhane kɛ bɛ nuhua dɔɔnwo ne ala ɛhwi ɔ nyunlu a.

Dwɔhyua Buluku ne 15:63

Na Dwudama angola andu Gyibɛsema wɔ Gyɛlusalɛm. Ɛnɛ nee ɛnɛ ala Gyibɛsema nee Dwudama a de a.

Maanlebuvolɛma Buluku ne 1:21

Bɛngyaman asa azo ɛdeɛ ne, bɛandu Gyibɛsema mɔɔ wɔ Gyɛlusalɛm la; yemɔti Gyibɛsema nee Bɛngyamanema ɛdɛnla toonwo a yeradwu ɛnɛ a.

Maanlebuvolɛma Buluku ne 19:11

Mɔɔ bɛbikyele Gyibɛse la, ɛnee mekɛ ne ɛhɔ dɔɔnwo. Na ye sonvolɛ ne zele ye kɛ, “Bɛmaa yɛmakyi Gyibɛsema suakpole ɛhye azo yɛkpondɛ ɛleka yɛhyea.”

1 Sam 15:11

ɔluakɛ yehakyi ɔ nzi yezi me. Yeanli me mɛla ne mɔ azo.” Samoɛle vale ɛya, na ɔzɛlɛle Ɛdɛnkɛma nɔe ne toonwo alehyenlɛ.