2 Sam 24:14 - BAEBOLO ANZƐƐ BULUKU NWUANZANWUANZA

¹⁴ Na Devidi zele Gaade kɛ, “Mewɔ anwongyelelɛ nu! Noko akee kɛ dasanli kɛdua me kakɛ la, maa Ɛdɛnkɛma mumua ne ɛdua me kakɛ, ɔluakɛ yemɔ, ye anwunvɔnezelɛ le kpole.”

2 Sam 24:14 ပူးပေါင်းရင်းမြစ်များ

2 Sam 9:8

Mɛfebɔhyɛte bɔle ɔ ti aze bieko na ɔzele kɛ, “Mame bɔbɔ a le nwane? Twea funli bɔbɔ tɛla me ɛkpɔyɛ. Duzu ati bɔbɔ yɛɛ wɔyɛ nyele kpole ɛhye wɔmaa me a?”

2 Arl 6:15

Mɔɔ Nyamenle kpɔmanvolɛ ne sonvolɛ ne dwazole nwonlomɔ mangyee ne na ɔtudu agyakɛ la, ɔnwunle kɛ ɛlɔne ɛva sua ne. Na ɔbizale Yilaehya kɛ, “O, me menle, na duzu yɛɛ yɛkɛyɛ a? Yɛwu bɔkɔbɔkɔ.”

1 Edk 21:13

Devidi zele Gaade kɛ, “Edwɛkɛ ɛdo me, mennwu mɔɔ meka a. Noko mmamaa sonla sa ka me. Maa Ɛdɛnkɛma ɔdaye ɔdea me, ɔluakɛ yemɔ, ye anwunvɔnezelɛ le kpole.”

Edwɛndolɛ Buluku ne 119:156

O Ɛdɛnkɛma, wɔ anwunvɔnezelɛ le kpole; wɔ pɛlepɛlelilɛ ti, maa me ngoane.

Edwɛndolɛ Buluku ne 130:4

Na wɔmɔ, ɛlɛ fakyɛ, amaa bɛazulo wɔ.

Edwɛndolɛ Buluku ne 130:7

O Yizilayɛma, bɛmaa bɛ nye ɛla Ɛdɛnkɛma anwo zo! Ɔluakɛ Ɛdɛnkɛma lɛ ɛhulolɛ kpundii, na ɔlɛ ngoanelielɛ dɔɔnwo.

Edwɛndolɛ Buluku ne 145:9

Ɛdɛnkɛma le kpalɛ maa awie biala, ye anwunvɔnezelɛ wɔ debie biala mɔɔ yebɔ la anwo zo.

Edwɛndolɛ Buluku ne 51:1

O Nyamenle, nwu me anwunvɔne, kɛmɔ wɔ ɛhulolɛ kpundii ne de la; wɔ anwunvɔnezelɛ kpole ne ati, nunu me mɛladonlɛ ne mɔ.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Mrɛlɛbulɛ Buluku ne 12:10

Sonla tenlene biala dwenle ye nyɛmoa nwo, na amumuyɛnli anwunvɔnezelɛ le atisesebɛyɛlɛ.

Ayezaya Buluku ne 47:6

Menvale me menli ne anwo ɛya, menguale me agyadeɛ nwo evinli; menyele bɛ menwulale ɛ sa nu, wɔannwu bɛ anwunvɔne, na ɛmanle mrelera yɛle gyima ɛsesebɛ.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Gyɛlɛmaya Buluku ne 39:17

Na medame Ɛdɛnkɛma, mebalie wɔ, bɛnrɛye wɔ bɛnrɛmaa menli mɔɔ ɛsulo bɛ la,

Gyɛlɛmaya Awolɛyelɛ 3:22

Ɛdɛnkɛma ɛhulolɛ kpundii ne ɛmbɔ aze, ye anwunvɔnezelɛ ne abo ɛndu ɛlɛ;

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Maeka Buluku ne 7:19

Ɛbanwu yɛ anwunvɔne bieko, ɛbakpa yɛ ɛtane kɔsɔɔti wɔagua. Ɛbado yɛ ɛtane ne mɔ wɔagua nyevile kunlu lɔ.

Zɛkalaya Buluku ne 1:15

Meva maanle maanle ne mɔ anwo ɛya kpole kpalɛ kɛ bɛmɛ bɛ nwo ɛdɔ bɛ a. Ɔluakɛ saa mame meva me menli ne anwo ɛya ekyii bie a, akee bɛmɛ bɛmaa munzule ne ɛyɛ kpole.

Dw 12:27

“Nyane ɛha me kpole; na duzu edwɛkɛ a menga a? Asoo menga ye kɛ, ‘Egya, mmamaa mekɛ zɔhane to me’ ɔ? Kyɛkyɛ, ɛhye ala ati a membale a; membale kɛ meba mearazɔ nyane sa wɔ zɔhane mekɛ ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

1 Sam 13:6

Bɛmianle bɛ nwo bɛ nee Yizilayɛma honle kpalɛ. Mɔɔ Yizilayɛma nwunle kɛ konle ne ɛyɛ ɛsesebɛ ɛmaa bɛ la, bie mɔ nriandile hɔveale mbɔne nu, awolɛ nu, adokule nu, bula nu nee sɛka nu.