2 Sam 24:13 - BAEBOLO ANZƐƐ BULUKU NWUANZANWUANZA

¹³ Yemɔti Gaade rale Devidi ɛkɛ rahanle mɔɔ Ɛdɛnkɛma hanle la hilele ye, na ɔbizale Devidi kɛ, “Boni a ɛkulo a? Ɛvolɛ nsa ɛhɔnezilɛ wɔ wɔ maanle ye anu, siane nsa ɛnriandilɛ mɔɔ ɛnriandi wɔ kpɔvolɛma anyunlu anzɛɛ kenle nsa ewule nzane wɔ wɔ maanle ye anu? Dwenle nwolɛ na maa me nwolɛ mualɛ maa menva mengɔmaa Ɛdɛnkɛma.”

2 Sam 24:13 ပူးပေါင်းရင်းမြစ်များ

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”

2 Sam 24:12

“Kɔha kile Devidi kɛ, Ɛdɛnkɛma se: Memaa wɔ ninyɛne nsa; nea nuhua ye ko maa menyɛ memaa wɔ.”

2 Arl 8:1

Mekɛ bie Yilaehya hanle hilele raalɛ ne mɔɔ ɔ ra ne wule a ɔdunwuele ye la kɛ, “Dwazo na ɛ nee wɔ sua nu amra amuala bɛlɔ nu bɛhɔ ɛleka biala mɔɔ bɛkola la na Ɛdɛnkɛma ɛlɛmaa ɛhɔne ara azɛlɛ ye azo ɛvolɛ nsuu.”

1 Edk 21:12

‘Ɛvolɛ nsa ɛhɔne, anzɛɛ wɔ kpɔvolɛma mɔɔ foa wɔ nee wɔ ɛlɔnema agua ɛbɔ nu ahu bɛ bie mɔ dedee siane nsa, anzɛɛ Ɛdɛnkɛma ndeanlɛ kenle nsa, mɔɔ ye soanvolɛ fa munzule, nyane, abodelɛ, nee ewule arado maanle ye anu ɛleka biala la, nuhua boni yɛɛ ɛkulo a?’ Nea nuhua fa ko maa mengɔnga mengile Ɛdɛnkɛma.”

Edwɛndolɛ Buluku ne 91:6

Ɛnrɛzulo nɔɔzo ewule nyane biala, anzɛɛ ewia henlema munzule biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:25

Ɛdɛnkɛma zɛkyele azule Naele ne la, kenle nsuu pɛle nu na yeayɛ kpalɛ.

Yizikeɛle Buluku ne 14:13

“Sonla ra, saa maanle bie anu amra yɛ ɛtane tia me, bɛgyakyi me bɛkɔsonle nyamenle gyɛne, na meka kɛ metea maanle zɔhane, mefa ɛhɔne nee sane mebato maanle ne anu, na mɔɔ menli nee nane ɛlɛwu la,

Sɛlɛ 26:20

Bɛbavɛ mgbane, ɔluakɛ bɛ azɛlɛ ɛnrɛhye aleɛ yɛɛ ɛbɔ nu mbaka ɛnrɛzo.

Sɛlɛ 26:25

Mebamaa ɛlɔnema ara bɛ nwo zo na bɛahu bɛ bɛadua me ngyekyeleɛ ne mɔɔ bɛtulu ye la abo zo. Saa bɛnriandi bɛkɔfea bɛ azuamgbole zo a, mebava ewule meado bɛ nwo, meamaa bɛ kpɔvolɛma asa aha bɛ.

Edwɛkpa ne kɛmɔ Luku hɛlɛle la 4:25

“Bɛdie mɔɔ meka la. Ɔle nɔhalɛ kɛ Yilaegya mekɛ zo, ezule andɔ toonwo ɛvolɛ nsa siane nsia, na sane kpole zile maanle ne kpokpoti anu.

Mɛla 28:22

Ɛdɛnkɛma bamaa avinli ewule adɔ bɛ nwo ahu bɛ. Ɔbamaa ebunlu ahye bɛ, bɛ nwo anwunwu. Ɔbavi ewia katekate yeadua ezule, na yeamaa ahumu kpole mɔɔ anu dɔ la ayela bɛ egyinli nu ninyɛne. Debie zɛhae bahɔ zolɛ toonwo yeahɔdwu kɛ ɔkɛzɛkye bɛ muala la.

Mɛla 28:25

“Ɛdɛnkɛma bamaa bɛ kpɔvolɛma ali bɛ nwo zo konim. Bɛbava bɛ nyunlu bɛahɔ na bɛava bɛ nzi bɛara. Na ɔbayɛ ewiade amra amuala nwanwane kɛ ɛhye ɛzi bɛ nwo zo a.

Mɛla 28:27

Ɛdɛnkɛma bamaa nyila ne mɔ mɔɔ nwunwunle Yigyibitima la bie anwunwu bɛ. Bɛ nwo bayɛ nganlɛ, na bɛ nwo agua asa ayɛ nzabenle, mɔɔ bɛnrɛhola bɛ nwo ayile yɛ ɛlɛ a.

Mɛla 28:35

Ɛdɛnkɛma bamaa nyila anwunwu bɛ gyakɛ agbɔkɛ nee bɛ gyakɛ agbɔma ne mɔ anwo, ɔvi bɛ gyakɛ akunlu toonwo yeahɔdwu bɛ ti zo, mɔɔ bɛnrɛhola bɛ ayile yɛ ɛlɛ a.

Mɛla 28:52

Bɛbava konle bɛadoa bɛ wɔ bɛ azua mɔɔ Ɛdɛnkɛma bɛ Nyamenle ne ɛva ɛmaa bɛ wɔ azɛlɛ ne azo la azo, na bɛ bane ndendenle nee aranemgbole ne mɔ mɔɔ bɛ ti zua bɛ la bagologolo agua.

1 Sam 25:17

Mesɛlɛ wɔ, dwenle ɛhye anwo ɛsesebɛ na bu nwolɛ amaamuo kpalɛ. Ɔluakɛ ɛhye kola twe munzule maa yɛ menle ne nee ye awuke nu amra; yɛɛ ɔnlɛ subane noko bɔbɔ mɔɔ bɛka ye edwɛkɛ a ɔfa a.”