2 Sam 24:12 - BAEBOLO ANZƐƐ BULUKU NWUANZANWUANZA

¹² “Kɔha kile Devidi kɛ, Ɛdɛnkɛma se: Memaa wɔ ninyɛne nsa; nea nuhua ye ko maa menyɛ memaa wɔ.”

2 Sam 24:12 ပူးပေါင်းရင်းမြစ်များ

2 Sam 12:14

Kɛmɔ wɔanli Ɛdɛnkɛma eni fee na wɔyɛ nyɛleɛ ɛhye la, ɛ ra ne mɔɔ bɛbawo ye la bawu.”

2 Sam 24:11

Nwonlomɔ ne mɔɔ Devidi dwazole la, Ɛdɛnkɛma edwɛkɛ ne dwule Nyamenle kpɔmanvolɛ Gaade mɔɔ yemɔ a ɔka Nyamenle nrɛlaleɛ ɔkile Devidi la anwo zo na ɔzele ye kɛ,

2 Sam 24:13

Yemɔti Gaade rale Devidi ɛkɛ rahanle mɔɔ Ɛdɛnkɛma hanle la hilele ye, na ɔbizale Devidi kɛ, “Boni a ɛkulo a? Ɛvolɛ nsa ɛhɔnezilɛ wɔ wɔ maanle ye anu, siane nsa ɛnriandilɛ mɔɔ ɛnriandi wɔ kpɔvolɛma anyunlu anzɛɛ kenle nsa ewule nzane wɔ wɔ maanle ye anu? Dwenle nwolɛ na maa me nwolɛ mualɛ maa menva mengɔmaa Ɛdɛnkɛma.”

1 Edk 27:24

Dwowabe mɔɔ ɔ nli a le Zɛluaya la bɔle ɔ bo kɛ ɔtia menli ne, noko yeandwu ɛleka bie. Nyamenle deanle Yizilayɛma wɔ menli ɛdianlɛ ɛhye anwo, yemɔti menli dodo mɔɔ bɛnyianle ye la bɛangɛlɛ ye wɔ Belemgbunli Devidi mbuluku ne mɔ anu.

Mrɛlɛbulɛ Buluku ne 3:12

ɔluakɛ Ɛdɛnkɛma tea mɔɔ ɔkulo ye la, kɛmɔ selɛ tea ɔ ra nrenya mɔɔ ɔ nye die ɔ nwo la.

Gyɛlɛmaya Buluku ne 30:11

Ɔluakɛ me nee bɛ lua kɛ medie bɛ ngoane; mebazɛkye maanle maanle mɔɔ memkpondenle bɛ zo la kɔsɔɔti, na bɛmɛ, menrɛbɔ bɛ bo zo; bɛnrɛva bɛ nwo dwɔɔ ɛdeɛ, noko mebazuzu meadea bɛ. Medame Ɛdɛnkɛma a mese a.”

Sɛlɛ 26:41

mɔɔ yemɔti medame memkpole bɛ na menvale bɛ mengɔle bɛ kpɔvolɛma maanle nu la bɛto gua, na saa akee bɛbɛlɛ bɛ ahonle ne mɔ mɔɔ ɛsolo la aze, na bɛsia bɛ nzi bɛfi bɛ amumuyɛ ne mɔ anwo a,

Sɛlɛ 26:43

Noko bɛbagyakyi azɛlɛ ne bɛamaa yealie ye ɛnwomenle wɔ mekɛ mɔɔ bɛnde zolɛ la; eza ɔwɔ kɛ bɛsia bɛ nzi bɛfi bɛ amumuyɛ nwo, ɔboalekɛ bɛbulule me ngyehyɛlɛ ne mɔ azo, yɛɛ bɛanli me mɛla ne mɔ azo.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.