2 Sam 24:11 - BAEBOLO ANZƐƐ BULUKU NWUANZANWUANZA

¹¹ Nwonlomɔ ne mɔɔ Devidi dwazole la, Ɛdɛnkɛma edwɛkɛ ne dwule Nyamenle kpɔmanvolɛ Gaade mɔɔ yemɔ a ɔka Nyamenle nrɛlaleɛ ɔkile Devidi la anwo zo na ɔzele ye kɛ,

2 Sam 24:11 ပူးပေါင်းရင်းမြစ်များ

2 Sam 12:1

Ɛdɛnkɛma zoanle Neetan wɔ Devidi anwo ɛkɛ. Ɔhɔle la ɔzele ye kɛ, “Menli nwiɔ woale suakpole bie azo. Ko le sukoavolɛ yɛɛ ko ne noko le ehyianli.

2 Sam 24:12

“Kɔha kile Devidi kɛ, Ɛdɛnkɛma se: Memaa wɔ ninyɛne nsa; nea nuhua ye ko maa menyɛ memaa wɔ.”

1 Edk 2:19

Azuba wule la, Kalɛbe gyale Yifelate na ɔ nee ye wole nrenya ko, bɛfɛlɛ ye Huuli.

1 Edk 21:9

Na Ɛdɛnkɛma zele Gaade, Devidi ɔdaye ye Nyamenle kpɔmanvolɛ ne mɔɔ sinza ye la kɛ,

1 Edk 25:5

Nyamenle a manle ɔwole mralɛ mrenya ɛhye mɔ nee mralɛ mraalɛ nsa ne a, amaa Himan anyia anwosesebɛ dɔɔnwo, kɛmɔ Nyamenle vale bɔle ye ɛwɔkɛ la. Himan le Nyamenle Kpɔmanvolɛ na ɔka Nyamenle nrɛlaleɛ ɔkile belemgbunli ne.

1 Edk 29:29

Belemgbunli Devidi anwo edwɛkɛ nee ye nyɛleɛ biala mɔɔ ɔyɛle la, bɛhɛlɛ bɛ wɔ Nyamenle Kpɔmanvolɛma Samoɛle, Neetan, yɛɛ Gaade Mbuluku nsa ne anu.

2 Edk 29:25

Akee ɔvale Livaema ne ɔziele bɛ bo zo ne wɔ Ɛdɛnkɛma Ɛzonlenlɛ Sua ne anu na ɔmanle bɛ sɔnwosɔnwo, yɛɛ getaa mgbole nee ngyikyi, kɛmɔ Belemgbunli Devidi, Gaade mɔɔ ka Nyamenle nrɛlaleɛ ne kile Devidi, nee Nyamenle kpɔmanvolɛ Neetan hyehyɛle dole ɛkɛ ne la, ɔluakɛ Ɛdɛnkɛma yɛɛ luale ye kpɔmanvolɛma anwo zo hyehyɛle a.

1 Sam 22:5

Nyamenle kpɔmanvolɛ Gaade razele Devidi kɛ, “Ɛvi ɛke finde kɔ Dwuda maanle nu.” Yemɔti Devidi vindele na ɔhɔle Hɛlɛte kpɔkɛ nu.

1 Sam 9:9

Sɔɔlo buale ye kɛ, “Wɔ adwenle ne le kpalɛ, maa yɛhɔ.” Yemɔti bɛhɔle suakpole ne mɔɔ Nyamenle sonla ne wɔ zolɛ la azo. Mɔɔ bɛfo boka ne bɛahɔ sua ne azo la, bɛ nee mbɛlɛra bie mɔɔ ɛlɛkɔ azule la yiale. Bɛbizale mbɛlɛra ne mɔ kɛ, “Sonla ne mɔɔ nwu Nyamenle ɛhulolɛdeɛ la wɔ ɛkɛ ɔ?” (Mekɛ ne anu, wɔ Yizilayɛ maanle nu ɛnee bɛfɛlɛ Nyamenle kpɔmanvolɛma “Sonla mɔɔ nwu Nyamenle ɛhulolɛdeɛ la.” Yemɔti mekɛ biala mɔɔ awie kpondɛ abiza Nyamenle edwɛkɛ la ɛnee ɔse, “Maa yɛhɔ sonla ne mɔɔ nwu Nyamenle ɛhulolɛdeɛ la” ɛkɛ.)