2 Sam 24:10 - BAEBOLO ANZƐƐ BULUKU NWUANZANWUANZA

¹⁰ Mɔɔ Devidi wiele menli ne tia la ye adwenle bule ye fɔlɛ. Na ɔhanle kɛ, “Ɛdɛnkɛma, meyɛ ɛtane kpole wɔ mɔɔ meyɛ la anwo. Mesɛlɛ wɔ, fa wɔ sonvolɛ, me ɛtane kyɛ me, ɔluakɛ meli ngoaseasɛm.”

2 Sam 24:10 ပူးပေါင်းရင်းမြစ်များ

2 Sam 12:13

Devidi zele Neetan kɛ, “Meyɛ ɛtane metia Ɛdɛnkɛma.” Neetan zele Devidi kɛ, “Ɛdɛnkɛma ɛva wɔ ɛtane ɛhyɛ wɔ; ɛnrɛwu.

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

1 Arl 8:35

“Saa wɔ menli ne fo wɔ na ɛmaa ezule gyakyi ɛdɔlɛ kɛ ɛfa wɔadea bɛ, na bɛnu bɛ nwo, bɛkakyi bɛ nye Ɛzonlenlɛ Sua ye anwo bɛsɛlɛ wɔ wɔ mekɛ mɔɔ ɛlɛtea bɛ la a,

1 Edk 21:7

Nyamenle anye anlie deɛ ɛhye anwo, yemɔti ɔdeanle Yizilayɛma.

1 Edk 21:8

Na Devidi zɛlɛle Nyamenle kɛ, “Meyɛ ɛtane kpole kɛ meyɛ ɛhye a. Mesɛlɛ wɔ, fa kyɛ me na meandwenle nwolɛ.”

2 Edk 16:9

Ɔluakɛ Ɛdɛnkɛma fa ɔ nye bɔ ewiade ye anwo mgbɔlɔka, na ɔfa tumi ɔdie bɛdabɛ mɔɔ bɛdi nɔhalɛ bɛmaa ye la. Wɔli kɔnwɔne edwɛkɛ wɔ ɛhye anu, yemɔti ɔvi ɛnɛ mɔɔ kɔ la konle ɛnrɛkpa ɛ nwo ɛlɛ.”

2 Edk 32:26

Na Hɛzikaya lunle ɔ nwo wɔ ye adubɛnwo ne anwo. Zɔhane ala yɛɛ menli mɔɔ wɔ Gyɛlusalɛm la amuala yɛle a. Yemɔti Ɛdɛnkɛma ɛya ne annyia amba bɛ nwo zo wɔ Hɛzikaya mekɛ zo toonwo ɔhɔle ayile nu.

Dwobu Buluku ne 7:21

Duzu ati a ɛnrɛva me mɛladonlɛ ɛnrɛhyɛ me, na ɛnrɛva me amumuyɛ ɛnrɛhyɛ me ɛ? Ɔluakɛ mebala azɛlɛ ye abo; ɛbakpondɛ me, na ɛnrɛnwu me.”

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:16

Na ndɛndɛ ne ala belemgbunli ne vɛlɛle Mosisi nee Aalɔn na ɔzele bɛ kɛ, “Meyɛ ɛtane metia Ɛdɛnkɛma bɛ Nyamenle ne nee bɛdabɛ.

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Dwowɛle Buluku ne 2:12

Ɛdɛnkɛma se, “Kɛkala bɔbɔ, awie biala ɛva ɛhɔnehyelɛ, ɛzunlɛ nee nyanelilɛ, yɛɛ ye ahonle kɔsɔɔti ɛzia ɛrɛla me nwo ɛke.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:11

Na ɔhanle ɔhilele Mosisi kɛ, “O me menle, yɛli ngoaseasɛm, yɛyɛ ɛtane bɔbɔ ɛdeɛ, noko mmamaa yɛnwu amaneɛ ɛhye.

Edwɛkpa ne kɛmɔ Maake hɛlɛle la 7:22

ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 8:9

Menli ne dele ɛhye la, bɛbɔle ɔ bo, ɔvi bɛ mgbanyinli ne mɔ anwo zo, bɛhɔle ngoko ngoko dedee bɛwiele kɔ bɔkɔɔ. Ɔhale Gyisɛse nee raalɛ ne angome wɔ ɛkɛ ne.

Mɛla 32:6

Bɛmɛ menli ahɔnwɔne mɔɔ ɛnlɛ adwenle a, asoo bɛ mo mɔɔ bɛyɛ Ɛdɛnkɛma la ɛne. Asoo tɛ yemɔ yɛɛ ɔle bɛ ze, mɔɔ bɔle bɛ, na ɔyɛle bɛ maanle la?

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Dw 1:9

Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.

1 Sam 13:13

Na Samoɛle zele Sɔɔlo kɛ, “Wɔli edwɛkɛ ɛtane. Wɔanli Ɛdɛnkɛma wɔ Nyamenle ne mɛla mɔɔ ɔmanle wɔ la azo; anrɛɛ Ɛdɛnkɛma kɛmaa wɔ nee ɛ bo zo amra kɛzie Yizilayɛ maanle ne dahuu,

1 Sam 24:5

Akee Devidi adwenle bɔle ɔ bo kɛ ɔgyegye ye, kɛ yepɛ Sɔɔlo tɛladeɛ ne sinli a.

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

1 Sam 26:21

Na Sɔɔlo zele kɛ, “Meyɛ ɛtane, me ra Devidi, sia bɛla. Menrɛdu wɔ mgbaliko bieko, ɔboalekɛ wɔnwu me anwunvɔne, wɔangu me ɛnɛ nɔe. Meyɛ koasea na meyɛ ɛtane.”