2 Sam 23:8 - BAEBOLO ANZƐƐ BULUKU NWUANZANWUANZA

⁸ Katakyiema mɔɔ ɛnee Devidi lɛ bɛ la aluma ɛne: mɔɔ lumua la a le Dwohyɛbe Bahyibɛte mɔɔ vi Takemɔn, mɔɔ li “Nsa Ne” ati la. Ɔvale atwɛ ɔ nee menli ɛya mɔtwɛ honle na ɔhunle bɛ muala.

2 Sam 23:8 ပူးပေါင်းရင်းမြစ်များ

2 Sam 10:7

Devidi dele nwolɛ bie, yemɔti ɔmanle Dwowabe nee ye ɛlɔnema mɔɔ ze konle nye zo kpalɛ la hɔyiale bɛ.

1 Arl 1:8

Noko sɛlɛvolɛ Zeedɔko nee Gyɛhɔyada ara Bɛnaya, Nyamenle kpɔmanvolɛ Neetan, Hyemɛyae nee Riliyae yɛɛ Devidi ɛlɔne nu katakyiema ne mɔ anli angɔ Adonaegya anzi.

1 Edk 11:10

Devidi safohyenlema mɔɔ di munli na bɛboale ye kpalɛ wɔ ye belemgbunlililɛ nu la, bɛmɛ ɛne. Bɛ nee Yizilayɛma amuala hanle bɔle nuhua ziele ye belemgbunli, kɛmɔ Ɛdɛnkɛma hanle ala la.

1 Edk 27:1

Yizilayɛ mbusua safohyenlema mɔɔ nea ɛlɔnema apenle nee ɛlɔnema ɛya nwo zo, nee mbɔlɔba mgbanyinli mɔɔ nleanle maanle ne bule la ɛne. Ɛvolɛ biala anu, siane ko biala ekpunli ko mɔɔ bɛ nloa le menli apenle ngoko abulanwiɔ nee nna la yɛɛ nee bɛ safohyenle kpanyinli ne bayɛ gyima a.

1 Edk 27:2

Safohyenlema mɔɔ nleanle siane siane gyimayɛlɛ ne azo la ɛne: Siane mɔɔ lumua: Zabedeɛle ara Gyahyɔbɛyam (ɔvi Pɛlɛze abusua nu. Pɛlɛze abusua ne le Dwuda abusua ekpunli ne foa ko.) Siane mɔɔ tɔ zo nwiɔ: Dodae, ɔle Ahohae abo zo amra ne bie. (Ɔnle ɛkɛ ne a Mekelo a wɔ ɛkɛ a.) Siane mɔɔ tɔ zo nsa: Sɛlɛvolɛ Gyɛhɔyada ara Bɛnaya, yemɔ a ɔli “Abulasa Ne” ati a. (Ɔ ra Amezabade a lile ye agya nleanle ekpunli ɛhye anwo zo a.) Siane mɔɔ tɔ zo nna: Dwowabe adiema Asahɛle. (Ɔ ra Zɛbadaya a lile ye agya a.) Siane mɔɔ tɔ zo nnu: Hyamehɛte, ɔle Yezehaa abo zo sonla. Siane mɔɔ tɔ zo nsia: Yekɛhye mɔɔ vi Tɛkowa la ara Yila. Siane mɔɔ tɔ zo nsuu: Hilɛze, ɔle Yifelaemenli, ɔvi Pilɔn. Siane mɔɔ tɔ zo mɔtwɛ: Sebɛkae, ɔvi Huhya. (Ɔvi Zila abusua nu, yɛɛ Zila abusua ne le Dwuda abusua ekpunli ne foa ko.) Siane mɔɔ tɔ zo ngɔnla: Ebayizɛ, ɔvi Anato mɔɔ wɔ Bɛngyaman abusua ekpunli ne maanzinli nu la. Siane mɔɔ tɔ zo bulu: Meehalae, ɔvi Nɛtɔfa. (Ɔbɔ Zila abusua ne bie.) Siane mɔɔ tɔ zo bulu nee ko: Bɛnaya, ɔvi Paeleetɔn mɔɔ wɔ Yifelaem abusua ekpunli ne maanzinli nu la. Siane mɔɔ tɔ zo bulu nee nwiɔ: Hɛledae, ɔvi Nɛtɔfa. (Ɔle Ɔteneɛle abo zo sonla.)

1 Edk 27:32

Dwɔnatan, Belemgbunli Devidi awuvuanyi ne le sonla mɔɔ tu folɛ kpalɛ a, yɛɛ ɔle abɔlɔba. Yemɔ nee Gyɛhayɛle a hilele belemgbunli amra mrenya ne mɔ nwoma a.

Maanlebuvolɛma Buluku ne 15:15

Na ɔ nye bɔle asoaso awudwelɛ bowule amolɛ zo, na ɔvale ɔhunle menli apenle.