2 Sam 23:5 - BAEBOLO ANZƐƐ BULUKU NWUANZANWUANZA

⁵ Ɛhɛe, kɛ Nyamenle bayila me bo zo amra la ɛne, ɔboalekɛ ɔ nee me ɛyɛ ngyekyeleɛ mɔɔ ɛntulu ɛlɛ a, ɔle ngyekyeleɛ mɔɔ bɛnrɛtulu nu noko ɛlɛ, ɛwɔkɛ mɔɔ ɛngakyi ɛlɛ a. Ɔbamaa meakpazi wɔ me anyelazo nu, na meanyia moalɛ kɔsɔɔti.

2 Sam 23:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 9:16

Mekɛ biala mɔɔ nyangondonle kɛdo anwomanyunlu la, mebahakye zɛhae damɛnlangoate ngyekyeleɛ ye mɔɔ me nee azɛlɛ ye azo abɔdeɛ muala ɛkyekye la.

2 Sam 12:10

Kɛmɔ wɔkpo me na wɔva Yulaya aye ne la, dadeɛ nloa ewule ɛnrɛvi wɔ abusua ne anu ɛlɛ.

2 Sam 13:14

Noko Amenɔn amkponle; kɛmɔ ɔ nwo yɛ se tɛla ye la ati, ye anwosesebɛ ne bole Teemaa anwo zo, yemɔti ɔhyele ye mialera nu ɔvale ye.

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

2 Sam 18:14

Dwowabe zele kɛ, “Menlɛ ɛ nwo alagye.” Ɔvale atwɛ nsa ɔhɔwowɔle Abesalɛm akɛnra azo wɔ mekɛ mɔɔ ɛnee ɔ nye gyi zo na ɔtɛsinze oku baka ne azo la.

2 Sam 7:12

Saa mekɛ dwu na ɛsia ɛkɔ wɔ ɛkɛla nzi, na bɛwula wɔ mrɛlatɛlɛ nu wɔ wɔ mgbanyinli avinli a, mebakpogya ɛ bo zo amra ne mɔ ko zo na meakyekye ye belemgbunli maanle ne kpundii meamaa ye.

2 Sam 7:18

Akee Belemgbunli Devidi hɔle Ndanlɛ Sua ne anu hɔdɛnlanle Ɛdɛnkɛma anyunlu na ɔzɛlɛle kɛ, “O Tumivolɛ Ɛdɛnkɛma, me nee me awuke nu amra, mɔɔ wɔyɛ wɔmaa yɛ la, yɛnfɛta.

1 Arl 1:5

Akee Adonaegya mɔɔ ɔ nli a le Hagete la dwazole zile ye ɛbolɛ hanle kɛ, “Medame a medi ebia ne a.” Na ɔboɔboale konle ehwili nee menli mɔɔ ka mgbɔnwɔ la anloa na ɔvale menli abulanlu mɔɔ ko ɔ nyunlu a.

1 Arl 11:38

Saa ɛyɛ tieyɛ ɛmaa me bɔkɔɔ, ɛdi me mɛla zo, na ɛyɛ mɔɔ menwɔze wɔ la, ɛsɔ me nye, kɛmɔ me akɛlɛ Devidi yɛle la a, me nee wɔ badɛnla dahuu; ɛbazie Yizilayɛma na ɛ mra ali ebia ne, kɛmɔ menyɛle memanle Devidi la.

1 Arl 12:14

ɔlile ɔ gɔnwo mɔ mgbavolɛ ne mɔ folɛdulɛ ne azo na ɔdendɛle ɛtane ɛtane ɔhilele ye menli ne mɔ kɛ, “Saa egya zoale bɛ adesoa ɛnlomboɛ a, mame, mebazoa bɛ ye molozo. Saa egya bilale bɛ nɛnemile a, mame, mebava empele a meabila bɛ a.”

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 119:81

Me ɛkɛla anwo dɔ wɔ ngoanelielɛ; melɛ anyelazo wɔ wɔ edwɛkɛ ne anu.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Edwɛndolɛ Buluku ne 62:2

Ɔ ngomekye ala a ɔle me bodane nee me ngoanelielɛ a, ɔle me aranemgbole; awie ɛnrɛli me nwo zo konim.

Edwɛndolɛ Buluku ne 89:3

Ɛdawɔ wɔha kɛ, “Me nee me sonla ne mɔɔ mekpa nu meye ye la ɛyɛ ngyekyeleɛ, mebɔ me sonvolɛ Devidi ɛwɔkɛ kɛ,

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Ayezaya Buluku ne 27:6

Mekɛ mɔɔ bara la anu Gyekɔbo abo zo amra abo bazɔ ndinli, Yizilayɛma bakpazi na bɛ nwo azo dɔɔnwo, na bɛ bo zo amra ava ewiade amuala.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 54:10

Awoka mgbole badudu ahɔ, awoka ngyikyi bavi bɛ bo zo ne mɔ, na me ɛhulolɛ kpundii ne ɛnrɛvi ɛ nwo ɛlɛ, yɛɛ me anzonudwolɛ ngyekyeleɛ ne ɛnrɛkpa nwo ɛlɛ, medame Ɛdɛnkɛma, mɔɔ menwu wɔ anwunvɔne la a mese a.”

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Ayezaya Buluku ne 61:8

Ɛdɛnkɛma se, “Medame Ɛdɛnkɛma, mekulo pɛlepɛlelilɛ, Mekyi awule nee nwolɛ ɛyelalɛ azubɔdeɛ; Mebamaa me menli ne nɔhalɛ ahatualɛ, Me nee bɛ bakyekye ngyekyeleɛ mɔɔ ɛmbɔ aze la.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Gyɛlɛmaya Buluku ne 32:40

Me nee bɛ bayɛ ngyekyeleɛ mɔɔ bɛntulu ye ɛlɛ la, amaa meangyakyi bɛ boɛyɛlɛ. Mebamaa bɛanwu kɛ me nwo yɛ ɛzulolɛ, amaa bɛangakyi bɛ nzi bɛanzi me.

Gyɛlɛmaya Buluku ne 33:21

ɛnee noko awie kola sɛkye ngyekyeleɛ mɔɔ wɔ me nee me sonvolɛ Devidi avinli la, amaa yeannyia ɔ bo zo sonla andɛnla ye belemgbunli ebia ne azo. Zɔhane ala yɛɛ ɛnee awie kɛhola kɛzɛkye ngyekyeleɛ mɔɔ wɔ me nee me sɛlɛvolɛma mɔɔ le Livae abo zo amra avinli la, na ɔnrɛmaa bɛnrɛzonle me a.

Yizikeɛle Buluku ne 37:26

Me nee bɛ bayɛ anzonudwolɛ ngyekyeleɛ; ɔbayɛ me nee bɛ yɛ ngyekyeleɛ mɔɔ bɛntulu ye ɛlɛ a. Mebayila bɛ na meamaa bɛ nwo azo, na meazi me Ɛzonlenlɛ Sua ne bɛ avinli, mɔɔ bɛndu ye bieko ɛlɛ a.

Emɔzo Buluku ne 9:11

Ɛdɛnkɛma se, “Mekɛ ɛlɛba mɔɔ mebava Devidi belemgbunli maanle ne mɔɔ ɛtete kɛ sua mɔɔ ɛyɛ kpasakpasa la gyinlabelɛ ne meamaa ye bieko. Mebalie ye bane ne mɔ fofolɛ meazie bɛ bo zo ne mɔ, na meakyekye maanle ne fofolɛ meayɛ ye kɛ ye dɛba ne ala la.

Ɛzoanvolɛma Gyima ne 13:34

Mɔɔ fane ye mɔwuamra anu ɛdwazolɛ mɔɔ kile kɛ ɔnrɛkpɔlɔ ɛlɛ la, kɛ Nyamenle se la ɛne, ‘Mebava me nyilalɛ ne mɔɔ sonle bolɛ mɔɔ menvale membɔle Devidi ɛwɔkɛ la meamaa wɔ.’

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

1 Sam 2:35

Mebaye sɛlɛvolɛ mɔɔ bali nɔhalɛ amaa me na yeayɛ debie biala mɔɔ menwɔze ye kɛ ɔyɛ la. Mebamaa ye nlɔnra mɔɔ dahuu bazonle me wɔ belemgbunli ne mɔɔ mebaye ye la abo a.

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.