2 Sam 23:3 - BAEBOLO ANZƐƐ BULUKU NWUANZANWUANZA

³ Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

2 Sam 23:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:20

Ɔzile azukponle wɔ ɛkɛ ne na ɔdonle ye Ɛle-Ɛlohee Yizilayɛ.

2 Sam 22:32

Nyamenle a le nwane? Ɛdɛnkɛma ɔ. Nwane a le bodane a? Kyesɛ yɛ Nyamenle ne.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

1 Arl 10:9

Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ na bɛayɛ tenlenema.”

Nihɛmaya Buluku ne 5:14

Ɔvi mekɛ mɔɔ ɛnee Belemgbunli Atazɛzɛse ɛnyia ɛvolɛ abulanwiɔ wɔ Pɛhyea ebia ne azo, toonwo mɔɔ ɔnyianle ɛvolɛ abulasa nee nwiɔ, mɔɔ ɔvale me kɛ menyɛ Dwuda amɛnlado la, medame o, anzɛɛ me sonvolɛma o, yɛ biala anlie ɛkponledolɛ ezukoa ɛlɛ wɔ ɛvolɛ bulu nee nwiɔ ne anu.

Dwobu Buluku ne 34:17

Asoo sonla mɔɔ kyi pɛlepɛlelilɛ la sie maanle? Asoo ɛkɛbua sonla mɔɔ di pɛlepɛle na ɔle katakyie la ewule fɔlɛ,

Edwɛndolɛ Buluku ne 110:2

Ɛdɛnkɛma bamaa wɔ belemgbunli kpɔma kpole ne vi Zayɔn ara. Ɔse, “Di wɔ kpɔvolɛma anwo zo belemgbunli.”

Edwɛndolɛ Buluku ne 42:9

Meka mekile Nyamenle, me bodane ne kɛ, “Duzu ati a ɛ rɛle ɛvi me ɛ? Duzu ati a ɔwɔ kɛ medi nyane kɛ me kpɔvolɛma ɛholo me nwo zo a?”

Edwɛndolɛ Buluku ne 72:1

O Nyamenle, kilehile belemgbunli ne wɔ pɛlepɛlelilɛ ne, na kilehile ɔ ra nrenya ne wɔ tenleneyɛlɛ ne.

Edwɛndolɛ Buluku ne 72:2

Maa ɔva tenleneyɛlɛ ɔbua ye menli ne ndɛne, na ɔva pɛlepɛle ɔbua ehyianvolɛma ndɛne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:21

Akee ye menli mɔɔ di munli wɔ menli ne anu la, menli mɔɔ sulo Nyamenle, menli mɔɔ di nɔhalɛ, yɛɛ menli mɔɔ kyi ndoloboa la, na maa menli zɛhae mɔ ɛnlea menli apenle apenle, menli ɛya ɛya, menli abulanlu abulanlu, yɛɛ menli bulu bulu nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Mrɛlɛbulɛ Buluku ne 31:9

Buke ɛ nloa, bua ndɛne tenlene nu, na gyinla maa ehyianvolɛma nee menli mɔɔ ɛhyia la.”

Ayezaya Buluku ne 32:1

Bɛnlea, belemgbunli bie bara mɔɔ ɔbava tenleneyɛlɛ a yeabu ye maanle a, yɛɛ maanle mgbanyima bava pɛlepɛlelilɛ abu bɛ amaamuo.

Gyɛlɛmaya Buluku ne 23:5

“Bɛnlea, mekɛ ɛlɛba mɔɔ mebamaa tenlene Ɛhane akpakye Devidi sua nu. Ɔbali belemgbunli na ɔ nee ye menli ne adɛnla nrɛlɛbɛ nu, yeali edwɛkɛ pɛlepɛle nee tenlene nu wɔ azɛlɛ ne azo.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Kɛlata mɔɔ bɛhɛlɛle bɛhɔmanle Hibuluma la 1:8

Wɔ Ralɛ ne anwo, Nyamenle hanle kɛ, “O Nyamenle, wɔ belemgbunlililɛ ɛnrɛbɔ aze ɛlɛ! Ɛfa nɔhalɛlilɛ a ɛsie wɔ menli mɔɔ ɛnea bɛ nwo zo la a.