2 Sam 23:18 - BAEBOLO ANZƐƐ BULUKU NWUANZANWUANZA

¹⁸ Dwowabe adiema Abehyae (mɔɔ bɛ nli a le Zɛluaya la) a le katakyiema “Abulasa Ne” kpanyinli a. Ɔvale ye atwɛ ne ɔ nee menli ɛya nsa honle ɔhunle bɛ kɔsɔɔti na ɔnyianle duma kpole wɔ bɛdabɛ “Abulasa Ne” anu.

2 Sam 23:18 ပူးပေါင်းရင်းမြစ်များ

2 Sam 10:10

Ɔvale ɛlɔnema ne mɔɔ hale la ɔwulale ɔ diema Abehyae asa anu. Ɔdaye noko ɔvale bɛ ɔhɔzɔle Amɔnoma anloa.

2 Sam 10:14

Mɔɔ Amɔnoma nwunle kɛ Seleama ɛgua ɛbɔ nu la, bɛdabɛ noko bɛguale ndwɛlɛ aze wɔ Abehyae anyunlu, na bɛhɔnwenwenle suakpole ne azo. Na Dwowabe vi konle ne anloa ziale hɔle Gyɛlusalɛm.

2 Sam 18:2

Ɔvale ekpunli ko ɔwulale Dwowabe asa anu; ɔvale ekpunli ne mɔɔ tɔ zo nwiɔ la ɔwulale Dwowabe adiema nrenya Zɛluaya ara Abehyae asa anu yɛɛ ɔvale ekpunli ne mɔɔ tɔ zolɛ nsa la ɔwulale Gatenli Yetae asa anu. Akee belemgbunli ne zele menli ne kɛ, “Medame mumua ne me nee bɛ bahɔ.”

2 Sam 2:18

Ɛnee Zɛluaya amra mrenya nsa ne, Dwowabe, Abehyae nee Asahɛle wɔ ɛkɛ ne. Asahɛle anwo yɛ ndɛ tɛla ɛhoayelɛ nu kɛtɛboɛ.

2 Sam 20:10

Ameesa annwu dadeɛ ne mɔɔ wɔ Dwowabe asa bɛne ne anu la, yemɔti Dwowabe vale dadeɛ ne wɔle Ameesa akunlu tulule ye anyalɛ manle ɔwule. Yeanwɔ ye fane nwiɔ. Akee Dwowabe nee ɔ diema Abehyae hɔle zolɛ voanle Hyiba.

2 Sam 23:19

Ɔnyianle duma kpole wɔ katakyiema “Abulasa Ne” avinli na ɔyɛle bɛ kpanyinli, noko yeando katakyiema “Nsa Ne.”

2 Sam 3:30

Yemɔti Dwowabe nee ɔ diema Abehyae zenrale Abenɛɛ kɛ ɔhunle bɛ diema Asahɛle wɔ Gebɛyɔn konle ne anu la.

1 Edk 2:16

Eza ɔwole mralɛ mraalɛ nwiɔ. Bɛmɛ a le Zɛluaya nee Abegeli. Gyɛsi ara raalɛ Zɛluaya wole mrenya nsa. Bɛmɛ a le Abehyae, Dwowabe, yɛɛ Asahɛle.

Nolo 4:12

Saa awie teta menli nwiɔ a, bɛkɛhola bɛkɛgyinla bɛ gyakɛ anu bɛkɛdɛla sonla ko. Nyɛma bɔ nwolɛ nsa a nuhua ɛdelɛ ɛnla aze.