2 Sam 23:16 - BAEBOLO ANZƐƐ BULUKU NWUANZANWUANZA

¹⁶ Na katakyiema nsa ne bɔle vale Filisitiama azokoɛleɛ ne hɔle Bɛtelɛhɛm hɔzale nzule wɔ bula ne mɔɔ wɔ anlenkɛ kpole ne anloa la bie rɛlɛle Devidi. Bɛ nee ye rale la yeanno. Ɔguale ye aze ɔmanle Ɛdɛnkɛma;

2 Sam 23:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:14

Na Gyekɔbo kpɔnlanle bolɛ sika wɔ ɛleka mɔɔ Nyamenle dendɛle hilele ye la, ɔguale nza zolɛ ɔbɔle azu, na ɔguale ɔlivi nwole zolɛ.

2 Sam 23:9

Katakyiema nsa ne, mɔɔ tɔ zolɛ nwiɔ la a le Ɛlieza; Dodo mɔɔ vi Aho abusua nu la ara ɔ. Kenle ko ɔ nee Devidi bɛhɔdoale Filisitiama mɔɔ ɛboɔboa bɛ nloa la na bɛ nee bɛ honle. Yizilayɛma nriandile,

1 Edk 11:18

Menli katakyiema nsa ne bɔle vale Filisitiama avinli wɔ ɛleka mɔɔ bɛdɛ la na bɛhɔzale nzule wɔ Bɛtelɛhɛm bula ne mɔɔ wɔ sua ne anlenkɛ kpole ne anloa la bie bɛrɛlɛle Devidi. Noko Devidi anno. Ɔguale ye aze, ɔvale ɔyɛle azubɔdeɛ ɔmanle Ɛdɛnkɛma,

Nolo 4:12

Saa awie teta menli nwiɔ a, bɛkɛhola bɛkɛgyinla bɛ gyakɛ anu bɛkɛdɛla sonla ko. Nyɛma bɔ nwolɛ nsa a nuhua ɛdelɛ ɛnla aze.

Gyɛlɛmaya Awolɛyelɛ 2:19

Dwazo, su aledwolɛ nu amuala, bɔ ɔ bo nɔsonɔso ne ala! Wola wɔ nyane gua Awulae anyunlu, kɛ ɛwola nzule wɔagua. Sɛlɛ ye wɔ ɛ mra ne mɔ ngoane ti; ɛhɔne ti bɛ nye zo bulu awɔdenle ne mɔ azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:7

Boane ko biala, fa nza anu ɛsesebɛ litili ko yɛ azubɔdeɛ gua ye aze wɔ ɛleka nwuanzanwuanza ne maa Ɛdɛnkɛma.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Wulo 5:7

Ɔyɛ se kɛ awie kɛwu kɛmaa tenlenenli. Ɔyɛ a bie kɛhulo kɛ ɔkɛwu ɔkɛmaa sonlakpalɛ bɔbɔ ɛdeɛ,

2 Kɔl 5:14

Ɔluakɛ Kelaese ɛhulolɛ ne a sie yɛ a, ɔboalekɛ yɛdie yɛto nu kɛ sonla ko wule manle menli kɔsɔɔti, na ye zɔhane ati menli kɔsɔɔti ɛwu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”

1 Sam 7:6

Yemɔti bɛhɔyiale Mezepa; bɛguale nzule aze bɛmanle Ɛdɛnkɛma na bɛhyele ɛhɔne kenle ko ne na bɛzele kɛ, “Yɛyɛ ɛtane yɛtia Ɛdɛnkɛma.” (Mezepa ɛkɛ ne yɛɛ Samoɛle dɛnlanle ziele Yizilayɛma a.)