2 Sam 23:10 - BAEBOLO ANZƐƐ BULUKU NWUANZANWUANZA

¹⁰ na ɔgyinlanle ɔ gyakɛ anu kpundii ɔ nee Filisitiama honle toonwo ɔ sa nyianle mɔɔ ɛnee akee ɔgyakyi dadeɛ ne anu a ɔnyɛ boɛ a. Ɛdɛnkɛma lile konim kenle ko ne. Konle ne wiele la, Yizilayɛma ziale hɔle ɛleka mɔɔ Ɛlieza wɔ la na bɛhɔyeyele avunli ne mɔ konle adɛladeɛ ne mɔ.

2 Sam 23:10 ပူးပေါင်းရင်းမြစ်များ

2 Sam 23:12

na Hyama gyinlanle ɔ gyakɛ anu kpundii wɔ ɛya ne anu. Ɔbɔle nwolɛ bane na ɔhunle Filisitiama bɔkɔɔ; Ɛdɛnkɛma lile konim kpole bie.

2 Arl 5:1

Nrenya bie, bɛfɛlɛ ye Neeman; ɔle safohyenle kpanyinli mɔɔ nea Selea ɛlɔnema ne anwo zo a. Selea belemgbunli ne bu ye kpalɛ eza ɔkulo ye edwɛkɛ, ɔboalekɛ ɔlua Neeman anwo zo Ɛdɛnkɛma ɛmaa Seleama ɛli Yizilayɛma anwo zo konim. Neeman le katakyie, noko ɔle kokobɛvolɛ.

1 Edk 11:13

Mekɛ mɔɔ Filisitiama nee Yizilayɛma yiale nu wɔ Pase Damem konle ne anu la, Ɛlieza honle manle Belemgbunli Devidi. Yizilayɛ ɛlɔnema ne ravindele baale ɛya bie anu na bɛguale ndwɛlɛ aze.

Edwɛndolɛ Buluku ne 108:13

Nyamenle wɔ yɛ afoa a yɛbaho yɛadɔ zo; yemɔ yɛɛ ɔbaha kpɔvolɛma ne yeagua a.

Edwɛndolɛ Buluku ne 144:10

wɔmɔ mɔɔ ɛmaa arelemgbunli di konim, wɔmɔ mɔɔ ɛdie wɔ sonvolɛ Devidi a,

Edwɛndolɛ Buluku ne 68:12

Bɛse, “Ɛlɔnema nee bɛ arelemgbunli ne mɔ ɛlɛnriandi, bɛlɛnriandi!” Mraalɛ bɔbɔ mɔɔ wɔ sua nu mɔɔ nee mboane a de la

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

2 Kɔl 4:5

Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.

Dwɔhyua Buluku ne 10:10

Amɔlema nwunle Yizilayɛ ɛlɔnema ne la, Ɛdɛnkɛma manle ɛzulolɛ hanle bɛ na bɛ nye zo danle bɛ. Yizilayɛma hunle bɛ dɔɔnwo wɔ Gebɛyɔn ɛkɛ ne na bɛdoale bɛ ndinlizo, bɛlua Bɛte Hɔlɔn Boka ne ndololeɛ nu adenle zo toonwo bɛrale Azika nee Makidaa.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Maanlebuvolɛma Buluku ne 15:14

Mɔɔ bɛ nee ye radwule Lihae la, Filisitiama vale ɛwudolɛ nriandile rayiale ye. Na Ɛdɛnkɛma Sunsum ne dwule ɔ nwo zo kpole kpalɛ, na ɔtetele samgbe nyɛma amolɛ nwiɔ ne mɔɔ bɛvale bɛkyekyele ɔ sa la kɛ asɛɛ dwɛsɛ mɔɔ senle ɛdɔ nu la.

Maanlebuvolɛma Buluku ne 15:18

Akee nzuhɔne hunle ye kpole kpalɛ, na ɔzɛlɛle Ɛdɛnkɛma kɛ, “Wɔlua wɔ sonvolɛ nwo zo wɔlie wɔ menli ye ngoane. Na nzuhɔne ɛlɛku me yeamaa meadɔ donvula wɔ menli mɔɔ ɛnze Nyamenle la asa anu ɔ?”

1 Sam 11:13

Sɔɔlo zele kɛ, “Bɛmmaku awie biala ɛnɛ, ɔluakɛ ɛnɛ a le kenle mɔɔ Ɛdɛnkɛma ɛlie Yizilayɛ ɛzie aze a.”

1 Sam 14:23

toonwo hɔle Bɛtehavɛn anzi lɔ a. Na Ɛdɛnkɛma liele Yizilayɛma kenle ko ne.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:53

Akee Yizilayɛma gyakyile bɛ ɛvoanlɛ na bɛziale bɛrale Filisitiama azokoɛleɛ ne, bɛravulovulale bɛ ninyɛne ne mɔ kɔsɔɔti bɛhɔle.

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”