2 Sam 22:7 - BAEBOLO ANZƐƐ BULUKU NWUANZANWUANZA

⁷ Wɔ me ngyegyelɛ nu, menvɛlɛle Ɛdɛnkɛma; menzɛlɛle me Nyamenle kɛ ɔboa me. Ɔdele me ne wɔ ye Ɛzonlenlɛ Sua ne anu, na me ɛzunlɛ dwule ɔ nzo nu.

2 Sam 22:7 ပူးပေါင်းရင်းမြစ်များ

Edwɛndolɛ Buluku ne 107:6

Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu.

Edwɛndolɛ Buluku ne 116:4

Na menvɛlɛle Ɛdɛnkɛma kɛ, “O Ɛdɛnkɛma, mebodo wɔ, die me!”

Edwɛndolɛ Buluku ne 120:1

Me anwongyelelɛ nu mesu mefɛlɛ Ɛdɛnkɛma, amaa yeabua me;

Edwɛndolɛ Buluku ne 18:6

Me rɛle bɔle la menvɛlɛle Ɛdɛnkɛma; menvɛlɛle me Nyamenle ne kɛ ɔboa me. Ɔdele me ne wɔ ye Ɛzonlenlɛ Sua ne anu, na me ɛzunlɛ dwule ɔ nzo nu.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Edwɛndolɛ Buluku ne 34:6

Ehyianli ɛhye zunle, na Ɛdɛnkɛma diele ye, na ɔliele ye ɔvile ye amaneɛnwunlɛ muala anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:7

Akee Ɛdɛnkɛma zele kɛ, “Menwu me menli mɔɔ wɔ Yigyibiti la amaneɛnwunlɛ ne, eza mede bɛ ɛzunlɛ ne, ɔlua abodelɛ mɔɔ bɛ gyima zo neavolɛma ne ɛlɛfa ahile bɛ la.

Dwona Buluku ne 2:4

Na menganle kɛ, ‘Akee meminli ɛ nye zo ala ɛne, na menrɛnwu wɔ Ɛzonlenlɛ Sua Nwuanzanwuanza ne bieko!’

Dwona Buluku ne 2:7

Mɔɔ ɛnee me nye zo ɛbulu la, mengakyele, na menzɛlɛle Ɛdɛnkɛma; me nzɛlɛlɛ dwule ɛ nyunlu wɔ wɔ Ɛzonlenlɛ Sua Nwuanzanwuanza ne anu.

Habakɛke Buluku ne 2:20

Ɛdɛnkɛma wɔ ye Ɛzonlenlɛ Sua Nwuanzanwuanza ne anu; bɛmaa aleɛabo amra amuala ɛyɛ koonwu wɔ ɔ nyunlu.

Edwɛkpa ne kɛmɔ Luku hɛlɛle la 22:44

Ɔvale nyane kpole kpalɛ ɔzɛlɛle ɛsesebɛ ɛsesebɛ, na ɛhɛlɛnra mɔɔ dule ye la le kɛ mogya ndɔkɛ tetele guale aze.]

Kɛlata mɔɔ bɛhɛlɛle bɛhɔmanle Hibuluma la 5:7

Mekɛ mɔɔ Gyisɛse wɔ ewiade ye anu la, ɔvale ɛzunlɛ nee nyane ɔdeɛdeanle nu ɔvale ye nzɛlɛlɛ ɔdole Nyamenle mɔɔ yemɔ ala a kɛhola kɛye ye kɛvi ewule nu la anyunlu. Kɛmɔ ɔhanle ɔ nwo aze na ɔvale ɔ nwo amuala ɔmanle la ati, Nyamenle diele ye.

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.