2 Sam 22:5 - BAEBOLO ANZƐƐ BULUKU NWUANZANWUANZA

⁵ Ewule azɛlɛkye bɔle yiale me; azɛlɛkye sɛkyelera bule vale me nwo zo.

2 Sam 22:5 ပူးပေါင်းရင်းမြစ်များ

Edwɛndolɛ Buluku ne 18:4

Ewule nyɛmanyɛma bɛkɛbɛkale me, azɛlɛkye sɛkyera bule vale me nwo zo;

Edwɛndolɛ Buluku ne 42:8

Alehyenlɛ nu, Ɛdɛnkɛma kile ye ɛhulolɛ kpundii ne; aledwolɛ nu, meto edwɛne memaa ye, mefa mesɛlɛ Nyamenle ne mɔɔ le me ngoane la.

Ayezaya Buluku ne 59:19

Yemɔti ɔvi aduduleɛ mɔɔ kɔdwu adɔleɛ, awie biala bazulo Ɛdɛnkɛma nee ye tumi ne, ɔluakɛ saa kpɔvolɛ ne ba yɛ nwo zo kɛ azuyilɛ a, Ɛdɛnkɛma Sunsum ne bapia ye azia.

Dwona Buluku ne 2:3

Ɔluakɛ ɛdawɔ yɛɛ ɛvuandinle me ɛdole buma ne anu, wɔ nyevile kunlu nehane a; mengɔle azule bo na elonra nee azelɛkye mgbole bule vale me ti zo.

Edwɛkpa ne kɛmɔ Luku hɛlɛle la 21:20

“Na saa bɛnwu kɛ ɛlɔnema ɛbɔ ɛyia Gyɛlusalɛm a, ɛnee bɛnwu ye kɛ ɔnrɛhyɛ biala na bɛazɛkye ye.

1 Tɛs 5:3

Mekɛ mɔɔ menli kɛdwenle kɛ akee “Debie biala ɛla boɛ” la, mekɛ ne anu ala yɛɛ munzule ne bazi a. Biala ɛnrɛvi ɛsalɛ, ɔbayɛ arɛlevilɛ nu kɛ raalɛ mɔɔ ako ɛha ye la.

Yekile 17:1

Nyamenle soanvolɛma nsuu ne mɔɔ dedɛ dwora ne mɔ la anu ko rale me nwo ɛkɛ na ɔzele me kɛ, “Bɛla maa mengile wɔ kɛ bɛsi bɛadea tuutuunli ne mɔɔ ɛlie duma la, meka suakpole ne mɔɔ ɛlie duma mɔɔ bɛhye ye wɔ azudenle ne mɔ anloa la.

Yekile 17:15

Nyamenle soanvolɛ ne eza zele me kɛ, “Azule ne mɔ mɔɔ ɛnwunle kɛ tuutuunli ne de ɔ nloa la le maanle maanle, menli, aneɛ ngakyile, yɛɛ mbusua kɔsɔɔti.