2 Sam 22:44 - BAEBOLO ANZƐƐ BULUKU NWUANZANWUANZA

⁴⁴ Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

2 Sam 22:44 ပူးပေါင်းရင်းမြစ်များ

2 Sam 19:14

Devidi edwɛkɛ ne hanle Dwudama kɔsɔɔti ahonle na bɛmanle bɛhɔzele belemgbunli ne kɛ, “Ɛ nee wɔ mgbanyima ne mɔ kɔsɔɔti bɛzia bɛrɛla sua nu.”

2 Sam 19:9

Butule dɔle Yizilayɛ mbusua ekpunli ekpunli ne mɔ avinli. Bɛzele kɛ, “Belemgbunli ne liele yɛ vile yɛ kpɔvolɛma asa anu, ɔliele yɛ ɔvile Filisitiama asa anu; na kɛkala, yenriandi Abesalɛm na yegyakyi maanle ne yedo ye ɛkɛ.

2 Sam 20:22

Raalɛ ne vale ye adwenle ne manle ezuavolɛ ne, na bɛpɛle Hyiba ati bɛvuandinle bɛmanle Dwowabe wɔ bane ne anzi lɔ. Na Dwowabe wule aweɛne tendenle ne anu manle menli ne vile suakpole ne azo hɔle bɛ azua nu. Na Dwowabe ziale hɔle belemgbunli ne anwo lɔ wɔ Gyɛlusalɛm.

2 Sam 3:1

Sɔɔlo abusua ne ɛlɔnema nee Devidi ɛlɔnema ne honle hyɛle kpalɛ. Na Devidi tumi ne yɛle kpole na Sɔɔlo abusua ne ɛlɔnema anwo hanle aze.

2 Sam 5:1

Akee Yizilayɛ mbusua ekpunli ekpunli ne mɔ kɔsɔɔti rale Devidi anwo ɛkɛ wɔ Hibulɔn razele ye kɛ, “Nea, yɛ muala yɛle menli ko.

Edwɛndolɛ Buluku ne 110:6

Ɔbadea maanle maanle ne mɔ, na yeamaa avunli ayiyi bɛ ahonleɛ; ɔbahu bɛ arelemgbunli mɔɔ wɔ ewiade amuala la.

Edwɛndolɛ Buluku ne 18:43

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

Edwɛndolɛ Buluku ne 2:8

Biza me, na mebamaa maanle maanle kɔsɔɔti ayɛ wɔ ɛdeɛ, azɛlɛ ye amuala bayɛ wɔ ɛdeɛ.

Ayezaya Buluku ne 55:4

Bɛnlea, menyɛle ye maanle maanle ne mɔ dasevolɛ, maanle maanle ne mɔ safohyenlema kpanyinli mɔɔ li bɛ ti.

Ayezaya Buluku ne 55:5

Akee ɛbavɛlɛ maanle maanle mɔɔ ɛnze bɛ la, yɛɛ maanle maanle mɔɔ ɛnze wɔ la banriandi ara ɛ nwo, wɔ medame Ɛdɛnkɛma wɔ Nyamenle ne, Yizilayɛ Nwuanzanwuanza Ko ne ati, ɔluakɛ medame Nyamenle, mewula wɔ anyunlunyia.”

Ayezaya Buluku ne 60:12

Ɔluakɛ maanle maanle mɔɔ ɛnrɛzonle bɛ la Abo zo babɔ na bɛ maanle ne adɔ mgbane.

Ayezaya Buluku ne 65:1

Ɛdɛnkɛma zele kɛ, “Memboɔboale me nwo kɛ memaa menli mɔɔ ambiza me bo zo la akpondɛ me. Menyɛle kɛ memaa menli mɔɔ amkpondɛ me la anwu me. Menzele maanle ne mɔɔ anzonle me la kɛ, ‘Mewɔ ɛke, mewɔ ɛke!’

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Hozia Buluku ne 2:23

Mebalua ye azɛlɛ ne azo meamaa me nwo. Mebaze “Bɛnzebɛanwunvɔne” anwunvɔne, na meaze “Tɛmemenli ɔ” kɛ, “Bɛle me menli” na ɔdaye ɔbaha kɛ, “Ɛle me Nyamenle.”

Wulo 15:12

Ayezaya noko se, “Gyɛsi anlɔnra bie bavinde; ɔbara yearazie maanle maanle mɔɔ ɛnle Dwuuma la kɔsɔɔti, na bɛdabɛ mɔɔ bɛnle Dwuuma la bava bɛ rɛle awula ye nu.”

Wulo 9:25

Nyamenle Edwɛkɛ ne mɔɔ bɛhɛlɛ ye wɔ Hozia buluku ne anu la se: “Menli ne mɔɔ anrɛɛ ɛnle me menli la, mebavɛlɛ bɛ ‘Me menli’. Maanle ne mɔɔ meangulo ye la mebavɛlɛ ye ‘Me ɛhulolɛ maanle’.

Mɛla 28:13

Saa bɛdi Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ ɛnɛ la azo nɔhalɛ nu, bɛnea boɛ, bɛyɛ bɛ muala a, Ɛdɛnkɛma bamaa bɛali maanle maanle ti dahuu, bɛnrɛha amozi ɛlɛ, na dahuu bɛ nyunlu akpogya yɛɛ bɛnrɛkpo aze ɛlɛ.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”