2 Sam 22:4 - BAEBOLO ANZƐƐ BULUKU NWUANZANWUANZA

⁴ Mesu mefɛlɛ Ɛdɛnkɛma, mɔɔ fɛta ayɛlɛyelɛ, ɔdie me ɔfi me kpɔvolɛma asa anu.

2 Sam 22:4 ပူးပေါင်းရင်းမြစ်များ

2 Edk 20:22

Mɔɔ bɛbɔle ɔ bo kɛ bɛto edwɛne bɛaye Ɛdɛnkɛma ayɛlɛ la, Ɛdɛnkɛma manle Amɔnoma, Mowabema, nee Yidɔmma mɔɔ ɛra badoa Yizilayɛma nee bɛ aho la anye zo danle bɛ, na bɛhuhunle bɛ nwo.

Nihɛmaya Buluku ne 9:5

Akee Livaema ɛhye mɔ: Gyɛhyua, Kademeɛle, Beenae, Hahyabenaya, Hodaya, Hyɛlibaya, Hyɛbanaya yɛɛ Pɛtahaya zele kɛ, “Bɛdwazo bɛye Ɛdɛnkɛma bɛ Nyamenle ne ayɛlɛ; bɛye ye ayɛlɛ dahuu! Kanza dasanli biala ayɛlɛyelɛ le ekyi bɔbɔ a, awie biala ɛye ye duma nwuanzanwuanza ne ayɛlɛ.”

Edwɛndolɛ Buluku ne 106:2

Nwane a kɛhola kɛha ninyɛne mgbole mɔɔ Ɛdɛnkɛma ɛyɛ la, anzɛɛ kɛhola kɛhile ye ayɛlɛyelɛ muala a?

Edwɛndolɛ Buluku ne 116:13

Mebamaa ngoanelielɛ kɔpo ne zo, na meabɔ Ɛdɛnkɛma duma meazonle ye.

Edwɛndolɛ Buluku ne 116:17

Mebabɔ moyɛlɛ azu meamaa wɔ, na meabɔ Ɛdɛnkɛma duma meazonle ye.

Edwɛndolɛ Buluku ne 116:2

Kɛmɔ ɔyɛle ɛnzonlɛ ɔdiele me la ati, mebavɛlɛ ye wɔ mekɛ tendenle mɔɔ mede ngoane nu la.

Edwɛndolɛ Buluku ne 116:4

Na menvɛlɛle Ɛdɛnkɛma kɛ, “O Ɛdɛnkɛma, mebodo wɔ, die me!”

Edwɛndolɛ Buluku ne 18:3

Mefɛlɛ Ɛdɛnkɛma, yemɔ mɔɔ ɔfɛta ayɛlɛyelɛ a, ɔdie me ɔfi me kpɔvolɛma asa anu.

Edwɛndolɛ Buluku ne 34:6

Ehyianli ɛhye zunle, na Ɛdɛnkɛma diele ye, na ɔliele ye ɔvile ye amaneɛnwunlɛ muala anu.

Edwɛndolɛ Buluku ne 48:1

Ɛdɛnkɛma le kpole, ɔwɔ kɛ bɛye ye ayɛlɛ kpole wɔ yɛ Nyamenle ne suakpole ne azo!

Edwɛndolɛ Buluku ne 50:15

Bɛzu bɛvɛlɛ me kenle biala mɔɔ ngyegyelɛ kɛdo bɛ la, na mebalie bɛ, na bɛaye me ayɛlɛ.”

Edwɛndolɛ Buluku ne 55:16

Mesu mefɛlɛ Nyamenle; na Ɛdɛnkɛma balie me.

Edwɛndolɛ Buluku ne 56:9

Saa mekɛ dwu na mefɛlɛ wɔ a, me kpɔvolɛma bagua ye bɛ nzi. Meze ɛhye, ɔboalekɛ Nyamenle gyi me nzi.

Edwɛndolɛ Buluku ne 66:2

Bɛdo anyunlunyia edwɛne bɛhanvo ye duma ne; bɛyeyɛ ye anyunlunyia nu!

Edwɛndolɛ Buluku ne 96:4

Ɛdɛnkɛma le bedevinli, yɛɛ ɔwɔ kɛ bɛye ye ayɛlɛ kpole; ɔwɔ kɛ bɛsulo ye bɛtɛla nyamenle kɔsɔɔti.

Wulo 10:13

Nyamenle Edwɛkɛ ne se, “Awie biala mɔɔ kɛbɔ Awulae duma kɛzu kɛvɛlɛ ye la kɛnyia ngoane.”

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”