2 Sam 22:32 - BAEBOLO ANZƐƐ BULUKU NWUANZANWUANZA

³² Nyamenle a le nwane? Ɛdɛnkɛma ɔ. Nwane a le bodane a? Kyesɛ yɛ Nyamenle ne.

2 Sam 22:32 ပူးပေါင်းရင်းမြစ်များ

2 Sam 23:3

Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

2 Sam 7:22

O Ɛdɛnkɛma Nyamenle, ɛle kpole; nyamenle bieko ɛnle ɛkɛ mɔɔ le kɛ ɛdawɔ a, yɛɛ nyamenle bieko ɛnle ɛkɛ mɔɔ yɛdayɛ yɛde ye yɛ nzo nu kɛ ɛ ngome ala.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Ayezaya Buluku ne 44:8

Bɛmmasulo yɛɛ bɛmmamaa ɛzulolɛ ka bɛ; meha mehile bɛ dɛba yɛɛ meva medo gua. Bɛmɛ a bɛle me alasevolɛ a! Asoo ɛye me a nyamenle bieko wɔ ɛkɛ ɔ? Pepɛdievolɛ biala ɛnle ɛkɛ kɛ medame; menze bie memboka me nwo.”

Ayezaya Buluku ne 45:21

Bɛha bɛ tendile ne bɛdo gua; bɛ muala bɛva adwenle! Nwane a dɛbadɛba ne hanle ɛhye a? Nwane a vale dole gua wɔ mɔmoane a? Medame Ɛdɛnkɛma a menganle a, yɛɛ ɛye me a nyamenle bieko ɛnle ɛkɛ. Mele Nyamenle tenlene yɛɛ medie ngoane, ɛye me a bieko ɛnle ɛkɛ.

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Mɛla 32:31

Ɔluakɛ bɛ bodane ne ɛnle kɛ yɛ Bodane ne, yɛ kpɔvolɛma bɔbɔ ze ɛhye sie.

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

1 Sam 2:2

“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.