2 Sam 22:31 - BAEBOLO ANZƐƐ BULUKU NWUANZANWUANZA

³¹ Nyamenle ɛhye, ye nyɛleɛ di munli, ye edwɛkɛ ɛnli mgbanwo! Ɔle enyinlike ɔmaa bɛdabɛ mɔɔ bɛtane ye la.

2 Sam 22:31 ပူးပေါင်းရင်းမြစ်များ

2 Sam 22:3

Me Nyamenle, me bodane mɔɔ mefea nu a, ɔpepɛ ɔdie me na ɔfa me ɔsie gyɛlɛɛnye. Ɔle me aranemgbole nee me ɛvealeka, ɔle me dievolɛ, ɔdie me ɔfi konle nu.

Nihɛmaya Buluku ne 9:8

Ɛnwunle kɛ ɔdi nɔhalɛ ɔmaa wɔ, na ɛ nee ye yɛle ngyekyeleɛ. Ɛbɔle ye ɛwɔkɛ kɛ ɛkɛva Keenama, Hɛtema, yɛɛ Amɔlema, Pɛlɛzema nee Gyibɛsema, yɛɛ Gɛgahyema azɛlɛ ne mɔ ɛkɛmaa ɔ bo zo amra. Ɛlile wɔ ɛwɔkɛ zo, ɔboalekɛ ɛdi nɔhalɛ.

Dwobu Buluku ne 34:10

“Yemɔti, bɛmɛ mɔɔ bɛlɛ ndelebɛbo la, bɛdie me, ɔle bɛkyi kɛ Nyamenle kɛyɛ amumuyɛ, anzɛɛ Tumivolɛ ne kɛyɛ ɛtane.

Edwɛndolɛ Buluku ne 119:140

Mezɔ wɔ ɛwɔkɛ ne menlea ye kpalɛ, na wɔ sonvolɛ mekulo ye somaa.

Edwɛndolɛ Buluku ne 12:6

Ɛdɛnkɛma ɛwɔkɛbɔlɛ ne mɔ anwo te, bɛle kɛ ezukoa fufule mɔɔ bɛdu nuhua wɔ fonlomo senle nu fane nsuu la.

Edwɛndolɛ Buluku ne 145:17

Ɛdɛnkɛma di pɛlepɛle wɔ ye ndenle kɔsɔɔti anu, yɛɛ ɔ ti akunlu le kɛnlɛma wɔ ye nyɛleɛ kɔsɔɔti anu.

Edwɛndolɛ Buluku ne 18:30

Nyamenle ɛhye, ye nyɛleɛ di munli, ye edwɛkɛ ɛnli mgbanwo! Ɔle enyinlike ɔmaa bɛdabɛ mɔɔ bɛtane ye la.

Edwɛndolɛ Buluku ne 2:7

Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

Edwɛndolɛ Buluku ne 35:2

Fa ɛ sa nu enyinlike ne, na dwazo baboa me.

Edwɛndolɛ Buluku ne 84:9

O Nyamenle, nea yɛ enyinlike ne; nea sonla ne mɔɔ wɔkpa nu wɔye ye la.

Edwɛndolɛ Buluku ne 91:4

Ɔbava ɔ ndɛba yeaheda ɛ nwo zo, ɔ ndɛba abo yɛɛ ɛbavea a; ye nɔhalɛlilɛ ne le enyinlike nee nwowa.

Mrɛlɛbulɛ Buluku ne 30:5

“Nyamenle anloa edwɛkɛ biala yɛ nɔhalɛ; ɔle enyinlike ɔkeda bɛdabɛ mɔɔ bɛnriandi bɛba ye ɛkɛ ne la anwo zo.

Nolo 3:14

Meze kɛ debie biala mɔɔ Nyamenle yɛ la bawoa ɛkɛ dahuu; bɛnva bie bɛmboka nwolɛ, yɛɛ bɛnye bie bɛnvi nuhua. Nyamenle ɛyɛ ye zɔhane amaa menli azulo ye.

Daneɛle Buluku ne 4:34

“Ɛvolɛ nsuu ne dwule la, medame Nɛbukadenɛza, mendole me nye anwomanyunlu, na me nye rale me nwo zo. Menyele Anwuma Anwumanli ne ayɛlɛ na menyeyɛle teasenli ne menlile ye eni kɛ: “Ye belemgbunlililɛ ɛnrɛbɔ aze ɛlɛ, ye belemgbunlililɛ vi awolɛndoazo dwu awolɛndoazo.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.