2 Sam 22:3 - BAEBOLO ANZƐƐ BULUKU NWUANZANWUANZA

³ Me Nyamenle, me bodane mɔɔ mefea nu a, ɔpepɛ ɔdie me na ɔfa me ɔsie gyɛlɛɛnye. Ɔle me aranemgbole nee me ɛvealeka, ɔle me dievolɛ, ɔdie me ɔfi konle nu.

2 Sam 22:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

2 Sam 22:31

Nyamenle ɛhye, ye nyɛleɛ di munli, ye edwɛkɛ ɛnli mgbanwo! Ɔle enyinlike ɔmaa bɛdabɛ mɔɔ bɛtane ye la.

2 Sam 22:47

Ɛdɛnkɛma de aze! Ayɛlɛyelɛ ɛha me pepɛdievolɛ ne! Bɛbɔ me ngoanelielɛ pepɛdievolɛ Nyamenle ne nolo!

2 Sam 22:49

Nyamenle mɔɔ liele me vile me kpɔvolɛma asa anu la, manle menlile me kpɔvolɛma anwo zo konim, na ɔliele me ɔvile nzakadolɛma asa anu.

2 Sam 22:51

Nyamenle maa ye belemgbunli ne di konim mgbole; ɔkile ye ɛhulolɛ kpundii ne ɔmaa sonla ne mɔɔ yekpa nu yeye ye la, Devidi nee ɔ bo zo amra, wɔ mekɛ mɔɔ ɛnlɛ awieleɛ la.

2 Sam 23:3

Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

Edwɛndolɛ Buluku ne 14:6

Bɛbazɛkye ehyianli adwenle ngyehyɛlɛ, noko Ɛdɛnkɛma le ye ɛvealeka.

Edwɛndolɛ Buluku ne 140:1

O Ɛdɛnkɛma, die me fi ɛtanema asa anu; bɔ me nwo bane wɔ amumuyɛma asa anu.

Edwɛndolɛ Buluku ne 140:11

Mmamaa mɔɔ bɔ ɔ gɔnwo anwo nzekue la tɛnla maanle ne anu; maa munzule ɛdu kɔdiawuma ne mgbaliko.

Edwɛndolɛ Buluku ne 140:4

O Ɛdɛnkɛma, sinza me wɔ amumuyɛma asa anu; bɔ me nwo bane wɔ kɔdiawuma asa anu; bɛhyehyɛ kɛ bɛkpane me gyakɛ.

Edwɛndolɛ Buluku ne 142:4

Meto me nye fema zo menea, na awie ɛmpili me; ɛvealeka biala ɛnle ɛkɛ ɛmmaa me, awie biala ɛndwenle me nwo.

Edwɛndolɛ Buluku ne 144:2

Ɔle me bodane nee me ɛvealeka, me aranemgbole nee me dievolɛ. Ɔle me enyinlike, ye nuhua yɛɛ mefea a, na ɔmaa medi maanle maanle nwo zo konim.

Edwɛndolɛ Buluku ne 18:2

Ɛdɛnkɛma le me bodane, me aranemgbole nee me dievolɛ, me Nyamenle, me bodane mɔɔ menriandi mefea nu a, me enyinlike, me ngoanedievolɛ nee me ɛvealeka kpundii.

Edwɛndolɛ Buluku ne 27:5

Ɔluakɛ ɔbava me yeavea ɔ ndɛba abo wɔ amaneɛnwunlɛ mekɛ nu. Ɔbava me yeavea ye Ɛzonlenlɛ Sua ne anu, na yeava me yeazie bodane zo anwuma.

Edwɛndolɛ Buluku ne 28:7

Ɛdɛnkɛma le me anwosesebɛ nee me enyinlike. Ye nuhua yɛɛ me rɛle wɔ a. Yemɔti menyia moalɛ, yɛɛ medi fɛlɛko, na mefa edwɛndolɛ meye ye ayɛlɛ.

Edwɛndolɛ Buluku ne 3:3

Na wɔmɔ, O Ɛdɛnkɛma, ɛle me enyinlike, ɛmaa menyia me nyunlu na ɛkpogya me ti zo.

Edwɛndolɛ Buluku ne 32:7

Ɛle me feabelɛ, ɛdie me ɛfi ngyegyelɛ nu; ɛfa wɔ ɛlielɛ tumi ne ɛbɔ me nwo bane.

Edwɛndolɛ Buluku ne 46:1

Nyamenle le yɛ ɛvealeka nee yɛ anwosesebɛ, yɛ mgbemgbene nu boavolɛ wɔ anwongyelelɛ nu.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:2

Yemɔti ewiade kakyi ɔ ti aze bɔbɔ a, yɛnrɛzulo, saa awoka tudu kɔgua nyevile buma nu,

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 5:12

O Ɛdɛnkɛma, ɛyila tenlenema; ɛfa wɔ ɛlolɛ ne ɛbɔ bɛ nwo bane.

Edwɛndolɛ Buluku ne 55:9

O Awulae, sɛkye bɛ ngyehyɛlɛ biala; mmamaa bɛ adwenle yɛ ko. Ɔluakɛ menwu konle nee nzaka wɔ suakpole ne azo.

Edwɛndolɛ Buluku ne 59:16

Na mame, mebado wɔ anwosesebɛ nwo edwɛne; mebado wɔ ɛhulolɛ kpundii ne anwo edwɛne nwonlomɔ, ɔluakɛ wɔyɛ me aranemgbole nee me ɛvealeka wɔ me amaneɛnwunlɛ mekɛ nu.

Edwɛndolɛ Buluku ne 61:3

Ɔluakɛ wɔmɔ a ɛle me ɛvealeka, ɛle me pepɛdievolɛ anwosesebɛ mɔɔ ko tia me kpɔvolɛ ne a.

Edwɛndolɛ Buluku ne 71:7

Meyɛ ndonwo memaa dɔɔnwo, noko wɔmɔ yɛɛ ɛle me ɛvealeka ɛsesebɛ a.

Edwɛndolɛ Buluku ne 72:14

Ɔdie bɛ ɔfi nzisi nee konle nu; bɛ mogya sonle bolɛ wɔ ɔ nye zo.

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Edwɛndolɛ Buluku ne 84:9

O Nyamenle, nea yɛ enyinlike ne; nea sonla ne mɔɔ wɔkpa nu wɔye ye la.

Edwɛndolɛ Buluku ne 86:14

O Nyamenle, adubɛnwoma ɛdwazo me nwo zo; menli amgbamgbanvolɛ kpondɛ ahu me, bɛndwenle ɛ nwo bɔbɔ.

Edwɛndolɛ Buluku ne 9:10

Menli mɔɔ ze wɔ la fa bɛ rɛle wula wɔ nu, ɔluakɛ, O Ɛdɛnkɛma, ɛtɛkpole menli mɔɔ sonle wɔ la.

Edwɛndolɛ Buluku ne 9:9

Ɛdɛnkɛma le ɛvealeka maa mɔɔ bɛsisi ye la, ɔle ɛvealeka wɔ ngyegyelɛ mekɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Mrɛlɛbulɛ Buluku ne 30:5

“Nyamenle anloa edwɛkɛ biala yɛ nɔhalɛ; ɔle enyinlike ɔkeda bɛdabɛ mɔɔ bɛnriandi bɛba ye ɛkɛ ne la anwo zo.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 32:2

Bɛ nuhua ko biala bayɛ kɛ ɛvealeka, bodane bɔne mɔɔ bɛfea nu wɔ anwoma anzɛɛ ahumudulɛ kpole nu la. Bɛbayɛ kɛ azudenle wɔ ɛleka mɔɔ le resee, bodane kpole bie alubo wɔ azɛlɛ mɔɔ mbaka ɛnle zo la azo.

Ayezaya Buluku ne 45:21

Bɛha bɛ tendile ne bɛdo gua; bɛ muala bɛva adwenle! Nwane a dɛbadɛba ne hanle ɛhye a? Nwane a vale dole gua wɔ mɔmoane a? Medame Ɛdɛnkɛma a menganle a, yɛɛ ɛye me a nyamenle bieko ɛnle ɛkɛ. Mele Nyamenle tenlene yɛɛ medie ngoane, ɛye me a bieko ɛnle ɛkɛ.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 16:9

Ɔluakɛ medame Tumivolɛ Ɛdɛnkɛma, Yizilayɛ Nyamenle ne, mese: Nea, mebadu anyelielɛ anzɛɛ fɛlɛkolilɛ bo wɔ maanle ye anu wɔ ɛdawɔ ɛ nye zo wɔ wɔ mekɛ zo. Bɛbagyakyi atɔfolɛlielɛ nee nwolɛ ɛkponledolɛ nee anyelielɛ.

Edwɛkpa ne kɛmɔ Luku hɛlɛle la 1:47

yɛɛ me sunsum di fɛlɛko wɔ Nyamenle, me Ngoanedievolɛ ne ati,

Edwɛkpa ne kɛmɔ Luku hɛlɛle la 1:69

Yemaa yɛ Ngoanedievolɛ kpole bie mɔɔ vi ye sonvolɛ Devidi abusua nu a.

Edwɛkpa ne kɛmɔ Luku hɛlɛle la 1:71

ɔbalie yɛ yeavi yɛ agbɔvolɛ asa nu, nee bɛdabɛ mɔɔ bɛkyi yɛ la tumi bo.

Mɛla 32:37

Akee ɔbaha kɛ: Na bɛ nyamenle ne mɔ, bodane ne mɔɔ bɛhɔveale ɔ bo,

Mɛla 32:4

“Bodane ne, ye gyima di munli, ɔluakɛ ɔdi pɛlepɛle. Ɔle Nyamenle mɔɔ di nɔhalɛ, ɔnle amumuyɛ, ɔdi pɛlepɛle, ye edwɛkɛ le fɔɔnwo.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:6

Ɔluakɛ Nyamenle luale yɛ Ngoanedievolɛ Gyisɛse Kelaese anwo zo wolale Sunsum Nwuanzanwuanza ne guale yɛ nwo zo,

Kɛlata mɔɔ bɛhɛlɛle bɛhɔmanle Hibuluma la 2:13

Eza ɔse, “Mebava me rɛle meawula Nyamenle anu.” Eza ɔhanle ye bieko kɛ, “Me nee ngakula mɔɔ Nyamenle ɛva bɛ ɛmaa me la ɛra.”

1 Sam 2:1

Hana zɛlɛle zele kɛ: “Ɛdɛnkɛma ɛmaa me nye ɛlie; Ɛdɛnkɛma ɛmaa me anwosesebɛ kpole! Na yemaa mezele me kpɔvolɛma, me nye ɛlie somaa, ɔboalekɛ wɔboa me.

1 Sam 2:2

“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.