2 Sam 22:28 - BAEBOLO ANZƐƐ BULUKU NWUANZANWUANZA

²⁸ Ɛdie bɛdabɛ mɔɔ bɛle bɛlɛvo la, na ɛbɛlɛ adubɛnwoma aze.

2 Sam 22:28 ပူးပေါင်းရင်းမြစ်များ

Edwɛndolɛ Buluku ne 12:5

Ɛdɛnkɛma se, “Kɛmɔ bɛsisi ehyianvolɛma, na anwongyelelɛma kponle la, akee medwazo na meava bɛ meazie boɛ, kɛmɔ bɛkpondɛ la.”

Edwɛndolɛ Buluku ne 131:1

O Ɛdɛnkɛma, metɛmemanle me nwo zo, me nye ɛtɛtɛlale me ndo; menva ninyɛne mɔɔ le mgbole nee mɔɔ yɛ nwanwane ɔmaa me la membɔ me ɛbolɛ.

Edwɛndolɛ Buluku ne 138:6

Ɔluakɛ Ɛdɛnkɛma wɔ anwuma bɔbɔ ɛdeɛ, noko ɔbu mɔɔ bɛlɛ ɔ nwo aze la, na mɔɔ memaa ɔ nwo zo la ɛmbikye ye.

Edwɛndolɛ Buluku ne 140:12

Meze kɛ Ɛdɛnkɛma di mɔɔ ɛlɛnwu amaneɛ la edwɛkɛ maa ye, na ɔbua mɔɔ ɛhyia la ndɛne nɔhalɛ nu ɔmaa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Mrɛlɛbulɛ Buluku ne 21:4

Adubɛnwo nee mgbanyizonle ɛyɛlɛ le amumuyɛnli kɛnlaneɛ, yɛɛ bɛle ɛtane.

Ayezaya Buluku ne 2:17

Sonla adubɛnwo muala bara awieleɛ, yɛɛ mgbolede mɔɔ menli yɛ la amuala abo bagua; Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 37:23

Nwane a wɔgolo ɔ nwo, wɔyɛ ye aholoba la? Nwane a wɔmaa ɛ nloa ɛdo ye na wɔholoholo ɛ nye wɔhile ye la? Wɔyɛ wɔtia medame Yizilayɛ Nwuanzanwuanza Ko ne!

Ayezaya Buluku ne 5:15

Sonla ti ɛzi aze, menli nyunlu ɛgua aze, yɛɛ bɛdabɛ mɔɔ bɛmemaa bɛ nwo zo la anye ɛnwoso.

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Edwɛkpa ne kɛmɔ Luku hɛlɛle la 14:11

Ɔluakɛ mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”