2 Sam 22:22 - BAEBOLO ANZƐƐ BULUKU NWUANZANWUANZA

²² Meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle amumuyɛ nu.

2 Sam 22:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

1 Arl 9:4

Na wɔmɔ, saa ɛyeye wɔ ahonle nu ɛ nee me dua nɔhalɛ nu, kɛmɔ ɛ ze Devidi yɛle la, na ɛdi me edwɛkɛ zo, ɛyɛ debie biala mɔɔ meha mehile wɔ la a,

Edwɛndolɛ Buluku ne 119:1

Nyilalɛ ɛha bɛdabɛ mɔɔ bɛ ndenle nu ɛnlɛ ngehanleɛ, na bɛbɔ bɛ ɛbɛla kɛmɔ Ɛdɛnkɛma mɛla ne de la.

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 128:1

Nyilalɛ ɛha awie biala mɔɔ sulo Ɛdɛnkɛma, na ɔdua ye ndenle ne mɔ anu la!

Edwɛndolɛ Buluku ne 18:1

O Ɛdɛnkɛma, me anwosesebɛ, mekulo wɔ.

Edwɛndolɛ Buluku ne 36:3

Ɔle ngunzi yɛɛ ɔbɔ adalɛ, yegyakyi nrɛlɛbɛ ɛbɛlabɔlɛ nee boɛlilɛ.

Mrɛlɛbulɛ Buluku ne 8:32

“Na kɛkala, me mra mrenya, bɛdie me; bɛdabɛ mɔɔ bɛfa me ndenle zo la di fɛlɛko.

Zɛfanaya Buluku ne 1:6

nee bɛdabɛ mɔɔ bɛhakyi bɛ nzi bɛzi Ɛdɛnkɛma, mɔɔ bɛmkpondɛ ye, yɛɛ bɛmbiza ye ɛkɛ ne edwɛkɛ la, mebazɛkye bɛ muala.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:15

Mosisi vale ɛya kpole na ɔhanle ɔhilele Ɛdɛnkɛma kɛ, “Mmadie azubɔdeɛ biala mɔɔ menli ɛhye mɔ kɛva kɛra la. Metɛfonle bɛ nuhua biala, yɛɛ metɛfale bɛ asoaso ne mɔ ko bɔbɔ.”

Dw 15:10

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”