2 Sam 22:20 - BAEBOLO ANZƐƐ BULUKU NWUANZANWUANZA

²⁰ Ɔyele me ɔvile munzule nu; ɔliele me, ɔboalekɛ ɔ nye liele me nwo.

2 Sam 22:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:22

Akee ɔvi ɛkɛ ne ɔhɔle ɔ nyunlu ekyii na ɔhɔbɔle bula bieko, na yemɔ butule amba nwolɛ. Yemɔti ɔdonle ye Rilihɔbo, ɔzele kɛ, “Kɛkala akee Ɛdɛnkɛma ɛmaa yɛ ɛleka, na yɛbakpazi wɔ azɛlɛ ye azo.”

2 Sam 15:26

na saa ɔse kɛ ɔ nye ɛnlie me nwo a, debie biala mɔɔ ɔkulo la ɔva ɔyɛ me.”

2 Sam 22:37

Ɛvale me ɛziele azɛlɛ mɔɔ tɛlɛ la azo, na meamkpo aze ɛlɛ.

1 Edk 4:10

Na Gyeebɛze zɛlɛle Yizilayɛ Nyamenle ne kɛ, “Yila me, Nyamenle, na maa me azɛlɛ kpole. Ɛ nee me ɛlua na ye me fi munzule mɔɔ kɛmaa menwɔde nyane la anu.” Na Nyamenle diele ye nzɛlɛlɛ, ɔyɛle mɔɔ ɔkpondɛ la ɔmanle ye.

Edwɛndolɛ Buluku ne 118:5

Menvɛlɛle Ɛdɛnkɛma wɔ me nyanenwunlɛ nu; Ɛdɛnkɛma buale me na ɔyele me kɔme kpomgbolo.

Edwɛndolɛ Buluku ne 147:11

na Ɛdɛnkɛma anye die bɛdabɛ mɔɔ bɛsulo ye la anwo, bɛdabɛ mɔɔ bɛ anyelazo wɔ ye ɛhulolɛ kpundii ne anu la.

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Edwɛndolɛ Buluku ne 22:8

“Ɔvale ye ahonle ɔmanle Ɛdɛnkɛma, bɛmaa ɔlie ye, bɛmaa ɔlie ye ngoane, ɔluakɛ ɔ nye die ɔ nwo!”

Edwɛndolɛ Buluku ne 31:8

Ɛtɛyele me ɛtɛmanle me kpɔvolɛma; wɔva me wɔzie azɛlɛ tɛtɛlɛ zo.

Edwɛndolɛ Buluku ne 31:9

O Ɛdɛnkɛma, nwu me anwunvɔne, ɔluakɛ ngyegyelɛ ɛdo me, nyane ngome ɛbɔ me nye; me nwonane ne nee me ɛkɛla ɛwie kɔ.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Hozia Buluku ne 4:16

Yizilayɛma anzo yɛ se kɛ mgbɔnwɔndua. Kɛ ɔkɛyɛ na meamaa bɛ aleɛ kɛ mboane mralɛ mɔɔ wɔ adidileka mɔɔ le tɛtɛlɛ la ɛ?

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 27:43

Ɔfa ɔ rɛle ɔwula Nyamenle nu na ɔka kɛ ɔle Nyamenle Ara. Akee bɛmaa yɛnlea saa Nyamenle kɛlie ye ngoane kɛkala a!”

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”