2 Sam 21:3 - BAEBOLO ANZƐƐ BULUKU NWUANZANWUANZA

³ Devidi bizale Gebɛyɔnoma kɛ, “Duzu a menyɛ memaa bɛ a? Ɛtane mɔɔ bɛva bɛyɛ bɛ la, duzu debie yɛɛ meyɛ a bɛ kunlu kɛdwo na bɛayileyila Ɛdɛnkɛma menli ne a?”

2 Sam 21:3 ပူးပေါင်းရင်းမြစ်များ

2 Sam 20:19

Anzonudwolɛ menli nee menli mɔɔ di nɔhalɛ wɔ Yizilayɛ la ko a le me. Ɛkpondɛ kɛ ɛbɔ suakpole ɛhye mɔɔ le tete wɔ Yizilayɛ la ɔ? Ɛkpondɛ kɛ ɛsɛkye debie mɔɔ le Ɛdɛnkɛma ɛdeɛ la ɔ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30

Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Sɛlɛ 1:4

Ɔwɔ kɛ ɔfa ɔ sa ɔto ɛyelalɛ azubɔdeɛ ne ati zo, na bɛkɛlie bɛkɛdo nu kɛ ɔle ahenle ne ati mgbɔdalɛ.

Dwona Buluku ne 1:11

Mekɛ ne anu ɛnee akee ahumu ne ɛlɛtu kpole kpalɛ. Na bɛbizale Dwona kɛ, “Duzu debie a yɛva yɛyɛ wɔ na ahumu ye agua amaa yɛ a?”

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

1 Sam 2:25

Saa sonla fo ɔ gɔnwo a, Nyamenle a di ɔ ti edwɛkɛ maa ye a, na saa sonla fo Ɛdɛnkɛma a ɛnee nwane a di ɔ ti mgbɔdalɛ a?” Noko Yilae amra ne mɔ andie bɛ ze aneɛ, ɔluakɛ ɛnee ɔle Ɛdɛnkɛma ɛhulolɛ kɛ ɔku bɛ.

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.