2 Sam 21:22 - BAEBOLO ANZƐƐ BULUKU NWUANZANWUANZA

²² Menli nna ɛhye mɔ le menli kakanyinlima mɔɔ vi Gate la abo zo amra ne mɔ bie, na Devidi nee ye ɛlɔnema ne hunle bɛ.

2 Sam 21:22 ပူးပေါင်းရင်းမြစ်များ

2 Sam 21:16

Filisitia menli kakanyinlima ne mɔ anu ko mɔɔ bɛfɛlɛ ye Yehyebaebinɔbo na ɔlɛ kɔbele atwɛ mɔɔ ye ɛnlomboɛ kɛyɛ kilo nsa nee foa ko, na ɔlɛ konle dadeɛ fofolɛ la yɛle kɛ ɔkahu Devidi.

2 Sam 21:21

Ɔgolole Yizilayɛma anwo na Devidi adiema Hyemɛyae ara Dwɔnatan hunle ye.

1 Edk 20:8

Menli kakanyinli nsa ɛhye mɔ mɔɔ Devidi nee ye menli ne hunle bɛ la le Gate kakanyinlima ne mɔ abo zo amra.

Edwɛndolɛ Buluku ne 108:13

Nyamenle wɔ yɛ afoa a yɛbaho yɛadɔ zo; yemɔ yɛɛ ɔbaha kpɔvolɛma ne yeagua a.

Edwɛndolɛ Buluku ne 118:15

Bɛdie, bɛlɛto konimlilɛ edwɛne fɛlɛkolilɛ nu wɔ tenlenema ndanlɛ sua ne anu: “Ɛdɛnkɛma tumi kpole ne ɛli gyima ne,

Edwɛndolɛ Buluku ne 60:12

Saa Nyamenle boka yɛ nwo a yɛbaho yɛadɔ zo; yemɔ yɛɛ ɔbaha kpɔvolɛma ne yeagua a.

Nolo 9:11

Eza menwunle kɛ aleɛabo, tɛ menli mɔɔ anwo yɛ ndɛ la a dahuu di konim wɔ ɛnriandilɛ nu a, yɛɛ tɛ anwosesebɛma angome a dahuu di konim wɔ konle nu a. Tɛ nrɛlɛbɛvolɛma angome a dahuu asa kɔ bɛ nloa a, tɛ sonla mɔɔ lɛ adwenle la angome a nyia ɔ nwo a, yɛɛ tɛ bɛdabɛ mɔɔ bɛze debie yɛ kpalɛ la angome a nyia gyinlabelɛ kpole a. Tɛ mekɛ ne amuala a bɛdi ye moavolɛ a.

Gyɛlɛmaya Buluku ne 9:23

Ɛdɛnkɛma se, “Nrɛlɛbɛvolɛma mmafa bɛ nrɛlɛbɛ ne tu bɛ nwo, anwosesebɛma mmafa bɛ anwosesebɛ ne tu bɛ nwo, yɛɛ sukoavolɛma mmafa bɛ anwonyia ne tu bɛ nwo.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

Dwɔhyua Buluku ne 14:12

Yemɔti fa azɛlɛ ne mɔɔ wɔ awoka ne mɔ azo lɔ la maa me. Ɛdɛnkɛma vale bɔle me ɛwɔkɛ wɔ mekɛ mɔɔ me nee me menli ne yɛrale la. Yɛhanle yɛhilele wɔ kɛ menli kakanyinli bie mɔɔ bɛfɛlɛ bɛ ‘Anakema’ la wɔ maanle ne anu, na bɛdede azuamgbole mɔɔ bɛlie nwolɛ bane la azo. Ɛdɛnkɛma baboa me yeamaa meavoa bɛ, kɛmɔ ɔdaye yeha la.”