2 Sam 21:2 - BAEBOLO ANZƐƐ BULUKU NWUANZANWUANZA

² (Yemɔti belemgbunli ne vɛlɛle Gebɛyɔnoma manle bɛrale. Gebɛyɔnoma ɛnle Yizilayɛma. Bɛle Amɔlema ekpunli ekyi bie mɔɔ ɛha a. Yizilayɛma bɔle bɛ ɛwɔkɛ kɛ bɛkɛzinza bɛ, noko Sɔɔlo bɔle mɔdenle biala kɛ ɔkɛbɔ bɛ bo zo bɔkɔɔ, amaa ɔ sa aha Yizilayɛma nee Dwudama.)

2 Sam 21:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:16

Ɛ bo zo amra awolɛndoazo fane nna ne azo amra bazia ara ɛke, ɔluakɛ Amɔlema amumuyɛ ne ɛtɛwiele munli di mɔɔ metea bɛ a.”

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Arl 10:16

Na ɔzele ye kɛ, “Bɛla maa yɛhɔ na nea kɛ mezi meva me nwo amuala memaa Ɛdɛnkɛma la.” Na bɛ mu nwiɔ bɛdɛnlanle ehwili ne anu bɛhɔle Samɛlea.

2 Arl 10:31

Noko Gyihu annea ɔ nwo boɛ, yeanli Ɛdɛnkɛma, Yizilayɛ Nyamenle ne mɛla ne azo nɔhalɛ nu, yeangyakyi ɛtane ne mɔ mɔɔ Gyɛlɔbowam yɛle a ɔmanle Yizilayɛma yɛle ɛtane la anzi ɛlilɛ.

1 Edk 1:14

Keenan abo zo amra a le Gyibɛsema, Amɔlema, Gɛgahyema,

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Wulo 10:2

Mekola medi daselɛ kɛ me menli ne lɛ Nyamenle anwo ɛhulolɛ kpole kpalɛ; noko bɛ ɛhulolɛ mɔɔ bɛlɛ ye wɔ Nyamenle anwo la ɛngyi nɔhalɛ ndelebɛbo kpalɛ zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:17

Menli zɔhane mɔ yɛ kɛ asɛɛ bɛ nye die bɛ nwo, noko tɛ adenle kpalɛ zo a bɛ nee bɛ lua la! Mɔɔ menli zɔhane mɔ kpondɛ la a le kɛ bɛkɛhwe bɛ bɛkɛvi me nwo, amaa bɛdabɛ noko bɛ nye alie bɛmɛ bɛ nwo.

Mɛla 7:16

Bɛzɛkye menli mɔɔ Ɛdɛnkɛma bɛ Nyamenle ne kɛye bɛ kɛmaa bɛ la amuala. Ɔnle kɛ bɛse bɛ anwunvɔne fee, yɛɛ bɛmmasonle bɛ awozonle ne mɔ, ɔluakɛ zɔhane ninyɛne ne mɔ bayɛ ngane amaa bɛ.

1 Sam 14:44

Na Sɔɔlo zele kɛ, “Dwɔnatan, saa meammaa bɛangu wɔ a, Nyamenle ɛhu me.”