2 Sam 21:17 - BAEBOLO ANZƐƐ BULUKU NWUANZANWUANZA

¹⁷ Na Zɛluaya ara Abehyae raboale ye; ɔtetale Filisitianli kakanyinli ne na ɔhunle ye. Akee Devidi menli ne hanle ndane dole ɔ nwo kɛ, “Ɔvi ɛnɛ mɔɔ kɔ la, ɛngɔ konle bieko, anrɛɛ ɛkɛmaa Yizilayɛ kɛnlaneɛ ne kɛnlu.”

2 Sam 21:17 ပူးပေါင်းရင်းမြစ်များ

2 Sam 14:7

Kɛkala, me nwo amra kɔsɔɔti ɛhɔ afoa na bɛze me kɛ, ‘Fa sonla ne mɔɔ hunle ɔ diema ne la bɛla maa yɛhu ye bie.’ Saa bɛyɛ ɛhye a ɛnee ɔkile kɛ bɛnlua me anyevinli ala ɛne. Me hu ɛnrɛnyia ye kɔliagya yɛɛ ye duma baminli ewiade ye anu.”

2 Sam 18:2

Ɔvale ekpunli ko ɔwulale Dwowabe asa anu; ɔvale ekpunli ne mɔɔ tɔ zo nwiɔ la ɔwulale Dwowabe adiema nrenya Zɛluaya ara Abehyae asa anu yɛɛ ɔvale ekpunli ne mɔɔ tɔ zolɛ nsa la ɔwulale Gatenli Yetae asa anu. Akee belemgbunli ne zele menli ne kɛ, “Medame mumua ne me nee bɛ bahɔ.”

2 Sam 18:3

Na menli ne zele ye kɛ, “Nana, ɛngɔ bie. Ɔluakɛ yɛmɛ, saa ɔkyele zolɛ na yɛnriandi bɔbɔ a, menli ɛnrɛdwenle yɛ nwo. Saa bɛbu yɛ nuhua nwiɔ na bɛku ko a, bɛnrɛdwenle yɛ nwo. Na wɔmɔ, ɛsonle bolɛ ɛtɛla yɛ nuhua apenle kɛyɛ bulu; yemɔti ɔle kpalɛ kɛ ɛkɛdɛnla suakpole ye azo na ɛkɛrɛlɛ yɛ moalɛ ala.”

2 Sam 22:19

Menwunle me nyunlu la, bɛratetale me; na Ɛdɛnkɛma liele me ti.

2 Sam 22:29

O Ɛdɛnkɛma, wɔmɔ, ɛle me kɛnlaneɛ; O me Nyamenle, ɛkpa me awozinli.

1 Arl 11:36

Mebamaa Sɔlɔmɔn ara nrenya ne azie abusua ekpunli ko ala na dahuu meanyia me akɛlɛ Devidi abo zo amra ne bie ali ebia wɔ Gyɛlusalɛm. Suakpole ɛhye yɛɛ mekpa nu meye kɛ bɛzonle me wɔ zolɛ a.

1 Arl 15:4

Noko ɔlua Devidi ati Ɛdɛnkɛma ye Nyamenle ne manle Abaegya ara nrenya lile ye agya lile belemgbunli wɔ Gyɛlusalɛm, amaa Gyɛlusalɛm agyinla kpundii.

Edwɛndolɛ Buluku ne 132:17

Ɛke a mebamaa Devidi abo zo amra ne mɔ ko adwazo ayɛ belemgbunli kpole a, na mebazinza mɔɔ mekpa nu meye ye belemgbunli la.

Edwɛndolɛ Buluku ne 144:10

wɔmɔ mɔɔ ɛmaa arelemgbunli di konim, wɔmɔ mɔɔ ɛdie wɔ sonvolɛ Devidi a,

Edwɛndolɛ Buluku ne 46:1

Nyamenle le yɛ ɛvealeka nee yɛ anwosesebɛ, yɛ mgbemgbene nu boavolɛ wɔ anwongyelelɛ nu.

Gyɛlɛmaya Buluku ne 40:15

Akee Kalia ara nrenya Dwoheenan dule Gɛdalaya azukue wɔ Mezepa kɛ, “Maa me adenle maa mengɔngu Yehyemeeyɛle na awie ɛnrɛnwu ye. Duzu ati a ɔwɔ kɛ Yehyemeeyɛle ku wɔ, na Dwuuma mɔɔ ɛ nee bɛ de la kɔsɔɔti kɛbɔ asande, na bɛ bo zo kɛminli bɔkɔɔ ɛ?”

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.