2 Sam 21:10 - BAEBOLO ANZƐƐ BULUKU NWUANZANWUANZA

¹⁰ Na Eyiya ara raalɛ Relezepa vale ɛrele bɔle kpɔda wɔ bolɛ ne anwo, ɛleka mɔɔ avunli ne mɔ hendɛhenda la. Ɔdɛnlanle ɔ bo ɔzinzale avunli ne mɔ, ɔvi ɛbuhenle ne mɔlebɛbo toonwo ɔhɔdwule mekɛ mɔɔ ezule dɔle guale bɛ nwo zo la. Yeammaa nloma annyia adenle ambansuso avunli ne wɔ alehyenlɛ nu, yɛɛ nanemgbole noko annyia adenle anli bɛ nɔɔzo.

2 Sam 21:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:19

Ɛnɛ anwo zo kenle nsa belemgbunli ne bamaa bɛaraye ɛ ti ne bɛavi zolɛ. Bɛbahenda wɔ baka zo, na nloma bali wɔ nwonane ne.”

2 Sam 21:11

Mɔɔ Devidi dele mɔɔ Sɔɔlo mgbɔnla Relezepa ɛyɛ la,

2 Sam 3:7

Ɛnee Sɔɔlo lɛ ye mgbɔnla bie, bɛfɛlɛ ye Relezepa; ɔ ze a le Eyiya. Kenle ko Sɔɔlo ara Yehyebɔhyɛte vale zile Abenɛɛ anyunlu kɛ, “Duzu ati a wɔva ɛ sa wɔha egya mgbɔnla ne a?”

1 Arl 21:27

Yilaegya anloa dɔle ala la, Ehabe suosuanle ye adɛladeɛ mɔɔ ɔwula la anu na ɔvale ɛrele ɔhedale, ɔhyele ɛhɔne, ɔvale ɛrele ɔlale na ɔluale ye alɔbɔlɛ alɔbɔlɛ nu.

Gyɛlɛmaya Buluku ne 14:22

Asoo maanle maanle ne mɔ nyamenle ne mɔ kola tɔ ezule? Asoo anwomanyunlu angome kola tɔ ezule? Tɛ wɔmɔ Ɛdɛnkɛma yɛ Nyamenle ne a tɔ ezule a? Yɛ anyelazo a le wɔ, ɔluakɛ ɛdawɔ a ɛyɛ ninyɛne ɛhye mɔ amuala a.

Yizikeɛle Buluku ne 39:4

Ɛdawɔ yɛɛ wɔ ɛlɔnema nee maanle maanle mɔɔ li ɛ nzi la amuala badɔ Yizilayɛ awoka ne mɔ azo. Mebava bɛ nwonane meamaa nloma nee nanemgbole ali.

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Dwowɛle Buluku ne 1:18

Nanemgbole ɛlɛkponle! Nlankɛ adwenle ɛha ɛbɔ nu, ɔboalekɛ bɛnlɛ adidileka; mboane bɔbɔ ɛlɛnwu amaneɛ.

Dwowɛle Buluku ne 2:23

“Bɛli fɛlɛko, O Zayɔnoma, na bɛmaa bɛ nye ɛlie Ɛdɛnkɛma bɛ Nyamenle ne anwo, ɔluakɛ yemaa ezule ɛdɔ ndɛ ɛbua bɛ benle, yemaa ezule ɛdɔ, nzule ɛbu bɛ nwo zo, alumua nee amozi ezule ɛdɔ kɛ dɛba ne ala la.

Zɛkalaya Buluku ne 10:1

Bɛbiza Ɛdɛnkɛma kɛ ɔmaa ezule ɛdɔ wɔ nyenyensuo mekɛ nu. Ɛdɛnkɛma a maa anwomanyunlu yɛ dukuduku na ɔtɔ ezule ɔmaa menli, na ɔmaa awie biala egyinli kye a.

Mɛla 11:14

ɔbadɔ ezule yeagua azɛlɛ ne azo wɔ bɛ ɛlobɔ nloa. Alumua ezule ne badɔ yɛɛ amozi ezule ne noko badɔ, amaa bɛanyia aleɛ dɔɔnwo nee nwanye nee nwole.

Mɛla 21:13

Akee maa ɔye ye nuokɛ tɛladeɛ ne ɔgua, na ɔdɛnla wɔ sua nu ɛkɛ ne ɔzu ɔ ze nee ɔ nli dedee siane ko. Saa ɔwie a akee ɛkola ɛ nee ye da na ɛyɛ ɔ hu, ɔdaye noko ɔyɛ ɛ ye.

Mɛla 21:22

“Saa awie to mɛla bie mɔɔ ɔfɛta ɛhunlɛ la na bɛkenda ye bɛku ye a,

Mɛla 21:23

ɔnle kɛ bɛmaa ye funli ne kenda baka ne azo aledwolɛ ne amuala. Ɔwɔ kɛ bɛye ye bɛsie ye kenle ko ne ala. Ɔluakɛ awie mɔɔ bɛkɛhenda ye bɛkɛhu ye la ɛbɔ Nyamenle anwo ebele na yeva munzule yeha azɛlɛ ne. Ɔnle kɛ bɛmaa ɔkenda ɛkɛ ne ɔsɛkye azɛlɛ ne mɔɔ Ɛdɛnkɛma bɛ Nyamenle ne bava amaa bɛ kɛ bɛ ɛdeɛ ɔ la.

1 Sam 17:44

Ɔzele Devidi kɛ, “Bɛla maa menva wɔ nwonane memaa anwomanyunlu nloma nee ɛbɔkunlu nanemgbole ɛli.”

1 Sam 17:46

Ɛnɛ kenle ye, Ɛdɛnkɛma baye wɔ awula me sa nu, mebabɔ wɔ meado aze na meapɛ ɛ ti. Mebava Filisitia ɛlɔnema ne avunli meamaa anwomanyunlu nloma nee ɛbɔkunlu nanemgbole ali, amaa aleɛabo amra kɔsɔɔti anwu kɛ Yizilayɛma lɛ Nyamenle,