2 Sam 20:9 - BAEBOLO ANZƐƐ BULUKU NWUANZANWUANZA

⁹ Na Dwowabe bizale Ameesa kɛ, “Me diema, wɔ agbɔkɛ nu ɛ?” Dwowabe vale ɔ sa fema ne zɔle Ameesa akɛsa kɛ asɛɛ ɔfo ɔ nloa anwo.

2 Sam 20:9 ပူးပေါင်းရင်းမြစ်များ

2 Sam 15:5

Saa ahenle bikye ye kɛ ɔbabɔ ɔ ti aze yeamaa ye a ɛnee yezɔ ahenle yeyɛ ye atuu.

2 Sam 17:25

(Abesalɛm ɛyɛ Ameesa ɛlɔnema ne anwo zo neavolɛ yeva yehakyi Dwowabe. Ameesa le Yehyemeeyɛlenli Gyitɛ ara nrenya; ɔ nli a le Neehahye ara raalɛ Abegeli mɔɔ ɔ diema raalɛ a le Dwowabe ɔ nli Zɛluaya la.)

2 Sam 18:29

Belemgbunli ne bizale ye kɛ, “Kakula Abesalɛm anwo kɔlɔnwo ɔ?” Ahaemaze buale ye kɛ, “Mɔɔ Dwowabe zoanle me la, menwunle kɛ ɛnee ɛkɛ ne ɛyɛ begyebegye zɛhae, noko meangola meannwu deɛ holɛ ko ne.”

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

1 Arl 2:32

Ɛdɛnkɛma ɛdua ye kakɛ wɔ ye amumuyɛ ne mɔɔ ɔyɛle ɔhunle Abenɛɛ mɔɔ le Yizilayɛ Safohyenlema Kpanyinli ne nee Ameesa mɔɔ le Dwuda Safohyenlema Kpanyinli, wɔ mekɛ mɔɔ egya Devidi ɛnze nu la. Ɛnee mrenya nwiɔ ɛhye le kpalɛ yɛɛ eza bɛbɔ mɔdenle bɛtɛla ye.

Edwɛndolɛ Buluku ne 55:21

Ɔ nloa anu menlemenle tɛla ngyenle, noko konle ala yɛɛ ɔzo ɔlua a. Ye edwɛkɛ yɛ fɛ tɛla asikyelɛ, noko bɛpɛ kɛ konle dadeɛ.

Mrɛlɛbulɛ Buluku ne 26:23

Ɛdendɛlɛ bɛtɛɛ mɔɔ munzule adwenle li ɔ nzi la le kɛ ɛyɛba mɔɔ bɛyɛ nuhua nee nwolɛ tonlotonlo la.

Mrɛlɛbulɛ Buluku ne 27:6

Agɔnwolɛ bɔ wɔ hanlɛ a ɔle kpalɛ, na saa kpɔvolɛ yɛ wɔ atuu dɔɔnwo dɔɔnwo a, nea ye boɛ.

Gyɛlɛmaya Buluku ne 41:2

Yehyemeeyɛle nee menli bulu ne dwazole Gɛdalaya anwo zo, bɛhwenle bɛ dadeɛ ne mɔ bɛhunle ye. Gɛdalaya a Babelonia belemgbunli ne ɛyɛ ye amɛnlado wɔ Dwuu maanle ne anu a.

Maeka Buluku ne 7:2

Menli mɔɔ sulo Nyamenle la ɛwie wu, sonlakpalɛ ko bɔbɔ anga menli ne anu. Menli mɔɔ ɛha la kɔsɔɔti, biala kpondɛ kɛ ɔka mogya ɔgua, yɛɛ ko biala sua ɔ diema ɛhane.

Maanlebuvolɛma Buluku ne 3:15

Yizilayɛma zunle vɛlɛle Ɛdɛnkɛma. Na Ɛdɛnkɛma yele Yihɛde, mɔɔ le Gila ara nrenya ne mɔɔ asa le bɛne, mɔɔ vi Bɛngyaman abusua ekpunli ne anu la manle ɔliele bɛ. Yizilayɛma duale adwule manle Yihɛde kɛ ɔva ɔhɔmaa Mowabe Belemgbunli Ɛgelɔn.