2 Sam 20:6 - BAEBOLO ANZƐƐ BULUKU NWUANZANWUANZA

⁶ Na Devidi zele Abehyae kɛ, “Bekelae ara Hyiba bayɛ maamɔvo adɛla Abesalɛm. Fa me ɛlɔnema ne toa ye ndinlizo, saa ɔnyia azuamgbole mɔɔ bɛlie nwolɛ la bie azo ɔfea a ɔbayɛ ngyegyelɛ yeamaa yɛ.”

2 Sam 20:6 ပူးပေါင်းရင်းမြစ်များ

2 Sam 10:14

Mɔɔ Amɔnoma nwunle kɛ Seleama ɛgua ɛbɔ nu la, bɛdabɛ noko bɛguale ndwɛlɛ aze wɔ Abehyae anyunlu, na bɛhɔnwenwenle suakpole ne azo. Na Dwowabe vi konle ne anloa ziale hɔle Gyɛlusalɛm.

2 Sam 11:11

Yulaya buale kɛ, “Nana, Yizilayɛma nee Dwudama wɔ konle nloa. Nyamenle Ngyekyeleɛ Ɛlɛka ne nee bɛ a wɔ lɔ a; me Safohyenle Kpanyinli Dwowabe nee ye boavolɛma la kpatawienyi nu. Duzu ati a ɔwɔ kɛ mame mekɔ sua nu, mekɔdi meno, na me nee me ye da ɛ? Meka ɛ ti metane wɔ kɛ menrɛyɛ nyɛleɛ mɔɔ le zɛhae la fee.”

2 Sam 18:12

Na nrenya ne buale Dwowabe kɛ, “Saa bɛmaa me dwɛtɛ fufule ngoko apenle bɔbɔ a, menrɛdende me sa wɔ belemgbunli ne ara ne anwo, ɔluakɛ yɛ muala yɛdele ye yɛ nzo nu kɛ belemgbunli ɛlɛka ahile ɛdawɔ, Abehyae nee Yetae kɛ, ‘Bɛnlea me ti na bɛnwu kakula Abesalɛm anwunvɔne.’

2 Sam 18:2

Ɔvale ekpunli ko ɔwulale Dwowabe asa anu; ɔvale ekpunli ne mɔɔ tɔ zo nwiɔ la ɔwulale Dwowabe adiema nrenya Zɛluaya ara Abehyae asa anu yɛɛ ɔvale ekpunli ne mɔɔ tɔ zolɛ nsa la ɔwulale Gatenli Yetae asa anu. Akee belemgbunli ne zele menli ne kɛ, “Medame mumua ne me nee bɛ bahɔ.”

2 Sam 19:7

Dwazo na kɔdendɛ ɛdendɛlɛ kɛnlɛma kile wɔ menli ne. Na anrɛɛ meka Ɛdɛnkɛma kɛ, saa wɔangɔ a, ɛnɛ nɔe toonwo mɔɔ aleɛ kahye la sonla kokye bɔbɔ ɛnrɛha ɛ nwo ɛke. Na anrɛɛ ɛhye bayɛ munzule kpole adɛla munzule mɔɔ sumunli kɛ ɛbɔle ye wɔ mgbavolɛ nu bɛra ɛ nwo zo la amuala.”

2 Sam 2:18

Ɛnee Zɛluaya amra mrenya nsa ne, Dwowabe, Abehyae nee Asahɛle wɔ ɛkɛ ne. Asahɛle anwo yɛ ndɛ tɛla ɛhoayelɛ nu kɛtɛboɛ.

2 Sam 21:17

Na Zɛluaya ara Abehyae raboale ye; ɔtetale Filisitianli kakanyinli ne na ɔhunle ye. Akee Devidi menli ne hanle ndane dole ɔ nwo kɛ, “Ɔvi ɛnɛ mɔɔ kɔ la, ɛngɔ konle bieko, anrɛɛ ɛkɛmaa Yizilayɛ kɛnlaneɛ ne kɛnlu.”

2 Sam 23:18

Dwowabe adiema Abehyae (mɔɔ bɛ nli a le Zɛluaya la) a le katakyiema “Abulasa Ne” kpanyinli a. Ɔvale ye atwɛ ne ɔ nee menli ɛya nsa honle ɔhunle bɛ kɔsɔɔti na ɔnyianle duma kpole wɔ bɛdabɛ “Abulasa Ne” anu.

2 Sam 3:30

Yemɔti Dwowabe nee ɔ diema Abehyae zenrale Abenɛɛ kɛ ɔhunle bɛ diema Asahɛle wɔ Gebɛyɔn konle ne anu la.

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

1 Arl 1:33

Na belemgbunli ne zele bɛ kɛ, “Bɛva Sɔlɔmɔn bɛdɛnla medame mumua ne me ɛkpɔnwɔndua ne azo na bɛva me sonvolɛma ne mɔ bɛboka ɔ nwo bɛ nee ye ɛhɔ Gaehɔn.

1 Edk 11:20

Dwowabe adiema Abehyae a li Katakyiema “Abulasa Ne” ati a. Ɔvale atwɛ ɔhunle menli ɛya nsa, na ɔliele duma.

1 Edk 18:12

Abehyae mɔɔ ɔ nli a le Zɛluaya la nee Yidɔmma honle wɔ Ngyenle Bɔnza ne anu na ɔhunle bɛ nuhua apenle ngoko bulu nee mɔtwɛ.

Gyɛlɛmaya Buluku ne 8:14

Nyamenle menli ne bizale kɛ, “Duzu ati a yɛtɛte ɛke a? Bɛdwazo bɛmaa yɛhɔ azuamgbole ne mɔ mɔɔ bɛbɔ nwolɛ bane la azo yɛhɔwu yɛgua ɛkɛ. Ɛdɛnkɛma yɛ Nyamenle ne ɛbua yɛ ewule fɔlɛ kɛ yɛwu; yemaa yɛ pɔezen nzule kɛ yɛnlo, ɔboalekɛ yɛyɛ ɛtane yɛtia ye.

Edwɛkpa ne kɛmɔ Maake hɛlɛle la 3:24

Saa maanle ko anu amra kyɛ bɛ nwo nu na bɛko bɛtia bɛ nwo a, maanle ne ɛngyinla,

1 Sam 26:6

Akee Devidi bizale Ahemɛlɛke, Hɛtenli ne nee Dwowabe adiema nrenya Abehyae (Bɛ nli a le Zɛluaya) kɛ, “Bɛ nuhua boni a nee me kɛhɔ Sɔɔlo azokoɛleɛ ne a?” Na Abehyae zele kɛ, “Medame a me nee wɔ kɔ a.”