2 Sam 20:2 - BAEBOLO ANZƐƐ BULUKU NWUANZANWUANZA

² Yemɔti Yizilayɛma kpole Devidi na bɛlile Hyiba anzi. Na Dwudama lile bɛ belemgbunli ne anzi vi Dwɔdan ne anloa hɔle Gyɛlusalɛm.

2 Sam 20:2 ပူးပေါင်းရင်းမြစ်များ

2 Sam 19:15

Yemɔti belemgbunli ne rale Azule Dwɔdan ne anloa, na Dwudama mɔɔ ɛnee ɛra Gelegale la rayiale ye kɛ bɛbava ye bɛapɛ Azule Dwɔdan ne.

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Sam 20:21

Ɔnle nɔhalɛ. Tɛ yɛ adwenle mɔɔ yɛlɛ ye la ɛne. Nrenya bie mɔɔ bɛfɛlɛ ye Hyiba mɔɔ vi Yifelaem awoka ne mɔ azo lɔ la ɛbɔ ɔ bo kɛ ɔko yeatia Belemgbunli Devidi na yenriandi yeravea ɛke. Bɛye ɔ ngomekye ala bɛmaa me na menwɔye me nwo wɔ suakpole ye azo.” Raalɛ ne zele Dwowabe kɛ, “Nea, bɛbavuandi ɔ ti ne bɛado bane ne anzi bɛamaa wɔ.”

2 Sam 20:3

Akee Devidi hɔle ye sua nu wɔ Gyɛlusalɛm. Belemgbunli ne manle ye mgbɔnla bulu ne mɔɔ ɔgyakyile bɛ ɔ nzi kɛ bɛzinza ye suakunlu ɛkɛ ne la sua na ɔmanle bɛzinzale bɛ. Ɔnleanle bɛ gyɛlɛɛnye, noko yeanva ɔ nwo yeanga biala fee. Bɛwulale bɛ sua nu na bɛmanle bɛyɛle kɛ asɛɛ bɛle ahunlanvolɛ mraalɛ la toonwo bɛwule.

1 Arl 12:20

Yizilayɛma amuala dele kɛ Gyɛlɔbowam ɛzia ɔ nzi vi Yigyibiti ɛra la bɛvɛlɛle ye wɔ bɛ ayia bo na bɛvale ye bɛziele Yizilayɛ belemgbunli. Biala anli Devidi abo zo amra ne anzi kɛ Dwuda abusua ekpunli ne anu amra ne mɔ ala.

2 Edk 10:17

na Rilihɔbowam lile Yizilayɛma mɔɔ wɔ Dwuda maanle nu la angome anwo zo belemgbunli.

Edwɛndolɛ Buluku ne 62:9

Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.