2 Sam 20:10 - BAEBOLO ANZƐƐ BULUKU NWUANZANWUANZA

¹⁰ Ameesa annwu dadeɛ ne mɔɔ wɔ Dwowabe asa bɛne ne anu la, yemɔti Dwowabe vale dadeɛ ne wɔle Ameesa akunlu tulule ye anyalɛ manle ɔwule. Yeanwɔ ye fane nwiɔ. Akee Dwowabe nee ɔ diema Abehyae hɔle zolɛ voanle Hyiba.

2 Sam 20:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:8

Ɛhye anzi Keen zele ɔ diema Ebɛle kɛ, “Maa yɛhɔ ɛbɔ nu.” Bɛhɔle la, Keen holole ɔ diema Ebɛle anwo zo na ɔhunle ye.

2 Sam 2:23

Noko Asahɛle amkponle na ɔvoanle Abenɛɛ ndinlizo. Abenɛɛ dole ye atwɛ ne abo ne ɔ nzi wɔle Asahɛle akunlu manle atwɛ ne vindele ɔ nzi. Asahɛle dɔle aze na ɔwule. Menli mɔɔ rale ɛleka mɔɔ Asahɛle honle dɔle la gyinlanle ɛkɛ ne koonwu.

2 Sam 20:9

Na Dwowabe bizale Ameesa kɛ, “Me diema, wɔ agbɔkɛ nu ɛ?” Dwowabe vale ɔ sa fema ne zɔle Ameesa akɛsa kɛ asɛɛ ɔfo ɔ nloa anwo.

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

1 Edk 12:2

Bɛvi Bɛngyaman abusua ekpunli ne anu na bɛle Sɔɔlo ɔdaye ɔ nwo amra mɔɔ ze ɛda to kpalɛ a; eza bɛkola bɛfa bɛ sa bɛne anzɛɛ fema bɛto totoabɔ.

Gyɛlɛmaya Buluku ne 41:2

Yehyemeeyɛle nee menli bulu ne dwazole Gɛdalaya anwo zo, bɛhwenle bɛ dadeɛ ne mɔ bɛhunle ye. Gɛdalaya a Babelonia belemgbunli ne ɛyɛ ye amɛnlado wɔ Dwuu maanle ne anu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:20

“Saa sonla kpɔ awie na ɔwɔ ye dadeɛ anzɛɛ ɔsia ye ɔfuandi debie ɔbɔ ye ɔku ye,

Maanlebuvolɛma Buluku ne 3:15

Yizilayɛma zunle vɛlɛle Ɛdɛnkɛma. Na Ɛdɛnkɛma yele Yihɛde, mɔɔ le Gila ara nrenya ne mɔɔ asa le bɛne, mɔɔ vi Bɛngyaman abusua ekpunli ne anu la manle ɔliele bɛ. Yizilayɛma duale adwule manle Yihɛde kɛ ɔva ɔhɔmaa Mowabe Belemgbunli Ɛgelɔn.

Maanlebuvolɛma Buluku ne 3:21

na Yihɛde nee ye yɛle kyɛlɛ, na ɔvale ɔ sa bɛne ɔhwenle dadeɛ ne wɔ ye ɛzɔlɛ nwo ɔwɔle belemgbunli ne akunlu.

1 Sam 26:8

Na Abehyae zele Devidi kɛ, “Ɛnɛ demua ye, Nyamenle ɛye wɔ kpɔvolɛ ne ɛwula ɛ sa nu, maa menwɔ ye atwɛ na membɔ ye pemgbɛne azɛlɛ ne anwo; mewɔ ye kokye ala, menrɛdia zolɛ nwiɔ.”