2 Sam 2:9 - BAEBOLO ANZƐƐ BULUKU NWUANZANWUANZA

⁹ na yehɔzie ye Geleade, Ahya, Gyɛzɛli, Yifelaem, Bɛngyaman nee Yizilayɛ maanle ne kɔsɔɔti belemgbunli.

2 Sam 2:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 30:13

Na Liya hanle kɛ, “Fɛlɛko ɛyi me! Ɔluakɛ mraalɛ bavɛlɛ me fɛlɛko;” yemɔti ɔdonle ye Ahya.

2 Sam 2:10

Yehyebɔhyɛte lile ɛvolɛ abulanla la yɛɛ bɛziele ye Yizilayɛ belemgbunli a, na ɔziele maanle ne ɛvolɛ nwiɔ. Dwuda abusua ekpunli ne lile nɔhalɛ manle Devidi,

2 Sam 3:6

Mɔɔ Devidi ɛlɔnema ne nee Sɔɔlo ɛlɔnema ne konle ne anu yɛle se la, Abenɛɛ tumi ne akee yɛle kpole kpalɛ wɔ Sɔɔlo abo zo amra ne avinli.

Edwɛndolɛ Buluku ne 108:8

Geleade le me ɛdeɛ; Manasɛ le me ɛdeɛ; Yifelaem le me bulalɛ kyɛlɛ; Dwuda le me tumi kpɔma;

Dwɔhyua Buluku ne 16:5

Azɛlɛ mɔɔ bɛvale bɛmanle Yifelaem abusua ekpunli ne la ɛne: bɛ ɛweɛne ne mɔ bɔ ɔ bo wɔ Atalo Ada ɔkɔ aduduleɛ, ɔdwu Sɔlɔ Bɛte Hɔlɔn,

Dwɔhyua Buluku ne 16:8

Ɔdwu Tapua a ɛweɛne ne fa adɔleɛ na ɔkɔ Kana Azule ne anloa, toonwo ɔkɔgua Mɛdetɛlenia Nyevile ne anloa. Yifelaem abusua ekpunli ne, azɛlɛ mɔɔ bɛvale bɛmanle bɛ la ɛne.

Dwɔhyua Buluku ne 16:9

Bɛvale azua nee namunamu mɔɔ wɔ Manasɛ ɛweɛne zo la noko bɛmanle Yifelaem abusua ekpunli ne.

Dwɔhyua Buluku ne 17:1

Bɛpɛle Dwɔdan Adɔleɛ azɛlɛ ne bie bɛmanle Dwosefi ara kpanyinli Manasɛ abusua ekpunli ne anu amra ne bie mɔ. Geleade ɔ ze Meekɛ le Manasɛ ara nrenya kpanyinli, yɛɛ ɔle katakyie wɔ ɛlɔne avinli. Yemɔti bɛvale Geleade nee Beehyan mɔɔ wɔ Dwɔdan Aduduleɛ la bɛmanle ye.

Dwɔhyua Buluku ne 18:11

Bɛngyaman abusua ekpunli ne a bɛlumuale bɛmanle ye azɛlɛ ne bie a. Bɛ azɛlɛ ne la Dwuda nee Dwosefi mbusua ekpunli ne ɛdeɛ ne mɔ avinli.

Dwɔhyua Buluku ne 18:20

Azule Dwɔdan ne a le aduduleɛ ɛweɛne ne a. Azɛlɛ ne mɔɔ Bɛngyaman abusua ekpunli ne nyianle ye yɛle bɛ ɛdeɛ la ɛweɛne ne ɛne.

Dwɔhyua Buluku ne 19:18

Ye tɛtɛlɛ vale azua ɛhye mɔ: Gyɛzɛli, Kɛsɛlo, Hyunɛm,

Dwɔhyua Buluku ne 22:9

Yemɔti Wulubɛn, Gaade, yɛɛ Manasɛ Aduduleɛ mbusua ekpunli ne mɔ ziale hɔle bɛ maanle nu. Bɛgyakyile Yizilayɛma mɔɔ hale la wɔ Hyaelo, wɔ Keena azɛlɛ zo, na bɛbɔle ɔ bo kɛ bɛkɔ bɛdabɛ bɛ maanle nu wɔ Geleade. Azɛlɛ ɛhye a Ɛdɛnkɛma luale Mosisi anwo zo vale manle bɛ a.

Maanlebuvolɛma Buluku ne 1:32

Ahya abusua ekpunli ne anu amra dɛnlanle Keenama mɔɔ de maanle ne anu la avinli. Bɛandu bɛ.

1 Sam 29:1

Filisitiama boɔboale bɛ ɛlɔnema kɔsɔɔti anloa wɔ Efɛke. Yizilayɛma noko boɔboale bɛ nloa wɔ azudenle ne mɔɔ wɔ Gyɛzɛli Bɔnza ne anu la anloa.