2 Sam 2:8 - BAEBOLO ANZƐƐ BULUKU NWUANZANWUANZA

⁸ Nɛɛ ara nrenya Abenɛɛ mɔɔ nea Sɔɔlo ɛlɔnema ne anwo zo la ɛva Sɔɔlo ara nrenya Yehyebɔhyɛte ɛnriandi ɛhɔpɛ Azule Dwɔdan ne ɛhɔ Meehaneeyem;

2 Sam 2:8 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:2

Gyekɔbo nwunle bɛ la ɔhanle kɛ, “Nyamenle ɛlɔnema ɛne!” Yemɔti ɔvɛlɛle ɛleka ne Meehaneeyem.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:3

Gyekɔbo zoanle menli manle bɛlumuale ɔ nyunlu wɔ ɔ diema Yisɔ anwo lɔ wɔ Siyɛ azɛlɛ zo, wɔ Yidɔm maanle nu.

2 Sam 17:24

Akee Devidi rale Meehaneeyem. Abesalɛm nee Yizilayɛma kɔsɔɔti pɛle Dwɔdan ne.

2 Sam 2:29

Aledwolɛ ne kɔsɔɔti Abenɛɛ nee ye ɛlɔnema ne diale vale Dwɔdan Bɔnza hɔpɛle Azule Dwɔdan ne. Alehyenlɛ ne anu eza bɛdiale toonwo na nzinlii bɛradwule Meehaneeyem.

2 Sam 2:7

Bɛgyinla kpundii na bɛmia bɛ nwo. Bɛ Belemgbunli Sɔɔlo ɛwu, na Dwudama ɛzie me belemgbunli.”

2 Sam 3:38

Belemgbunli zele ye mgbanyima ne kɛ, “Bɛnze kɛ belemgbunli ra nee sonlakpole ɛwu Yizilayɛ maanle ye anu ɛnɛ kenle ye ɔ?

2 Sam 3:6

Mɔɔ Devidi ɛlɔnema ne nee Sɔɔlo ɛlɔnema ne konle ne anu yɛle se la, Abenɛɛ tumi ne akee yɛle kpole kpalɛ wɔ Sɔɔlo abo zo amra ne avinli.

1 Edk 8:33

Nɛɛ ara a le Kehye, yɛɛ Kehye ara a le Belemgbunli Sɔɔlo. Sɔɔlo wole mrenya nna: Dwɔnatan, Malekaehyua, Abenadabe, yɛɛ Ɛhyebeeyale.

1 Edk 9:39

Nɛɛ wole Kehye, yɛɛ Kehye wole Belemgbunli Sɔɔlo. Sɔɔlo wole mrenya nna: Dwɔnatan, Malekaehyua, Abenadabe, yɛɛ Ɛhyebeeyale.

Dwɔhyua Buluku ne 21:38

Gaade maanzinli nu noko, bɛnyianle azuamgbole nna: Releemɔto mɔɔ wɔ Geleade (ɔle ɛvealeka), nee nwolɛ adidileka, Meehaneeyem,

1 Sam 14:50

Bɛfɛlɛ ɔ ye Ahenoam; ɔle Ahaemaze ara raalɛ. Safohyenle kpanyinli mɔɔ nea ye ɛlɔnema ne anwo zo la a le ɔ wuvuanyi Nɛɛ ara Abenɛɛ.

1 Sam 17:55

Mɔɔ Sɔɔlo nwunle kɛ Devidi ɛlɛkɔ ɔ nee Filisitianli ne ahɔho la, ɔbizale Abenɛɛ mɔɔ nea ye ɛlɔnema ne mɔ anwo zo la kɛ, “Nwane ara a le kpavolɛ ɛhye?” Abenɛɛ buale ye kɛ, “Nana, metane wɔ kɛ menze.”

1 Sam 26:14

na ɔdeanle nu ɔzele Sɔɔlo ɛlɔnema ne nee Abenɛɛ kɛ, “Abenɛɛ, ɛte me ne ɔ?” Abenɛɛ bizale kɛ, “Nwane a ɛlɛteɛdea nu adunwue belemgbunli la?”