Akee Gyɛhɔyada vale Dwowahye vindele, ɔzoale ye belemgbunli kyɛlɛ ne na ɔvale mɛla buluku ne mɔɔ maa ye belemgbunlililɛ ne di munli la ɔmanle ye. Akee bɛguale nwole wɔ Dwowahye ati zo na bɛziele ye belemgbunli. Menli ne bɔle bɛ sa nu na bɛdeanle nuhua kɛ, “Belemgbunli ɛnyi ɛhyɛ!”
Menganle mengilele bɛ kɛ me Nyamenle ne li me nzi na menganle edwɛkɛ mɔɔ belemgbunli ne hanle hilele me la mengilele bɛ. Na bɛzele me kɛ, “Bɛmaa yɛdwazo yɛyɛ bane ne mɔ boɛ.” Na bɛboɔboale bɛ nwo kɛ bɛbɔ gyima ne abo.
Mɔɔ Yizilayɛma mɔɔ wɔ Gyɛzɛli Bɔnza ne anzi lɔ mɔɔ di kɔ Azule Dwɔdan aduduleɛ la dele kɛ Yizilayɛ ɛlɔnema ne ɛgua ɛbɔ nu na bɛhu Sɔɔlo nee ɔ mra ne mɔ la, bɛvile bɛ azua ne mɔ azo bɛguale ɛbɔ nu. Na Filisitiama radɛnlanle azua ne mɔ azo.