2 Sam 2:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma ɛhile ye ɛhulolɛ kpole ne nee ye kpalɛyɛlɛ ne wɔ bɛ nwo zo. Ɛhye mɔɔ bɛyɛ la ati, medame noko mebayɛ bɛ boɛ.

2 Sam 2:6 ပူးပေါင်းရင်းမြစ်များ

2 Sam 10:2

Belemgbunli Devidi zele kɛ, “Me nee Neehahye ara nrenya Heenɛn badila nɔhalɛ agɔnwolɛ, kɛmɔ ɔ ze nee me dilale la.” Yemɔti Devidi zoanle menli manle bɛhɔyɛle ye gyakɔ nee ɔ ze. Mɔɔ Devidi soanvolɛma ne dwule Amɔn maanle nu la,

2 Sam 15:20

Anoma ala a ɛdwule ɛke a. Duzu ati a ɔwɔ kɛ mefa wɔ mekɔduolua nu wɔ mekɛ mɔɔ ɛleka mumua ne mɔɔ melɛkɔ la, medame menze la a? Fa ɛ mediema ne mɔ sia kɔ. Ɛdɛnkɛma ɛhile ye ɛhulolɛ kpole ne ɛmaa wɔ na ɔ nee wɔ ɛlua kɛnlɛma.”

2 Sam 2:7

Bɛgyinla kpundii na bɛmia bɛ nwo. Bɛ Belemgbunli Sɔɔlo ɛwu, na Dwudama ɛzie me belemgbunli.”

2 Sam 9:3

Belemgbunli ne bizale ye kɛ, “Awie tɛbɔ Sɔɔlo abusua ne anu mɔɔ ɔwɔ kɛ meyɛ ahunlunyele memaa ye, kɛmɔ menvale membɔle ɛwɔkɛ la ɔ?” Zaeba buale belemgbunli ne kɛ, “Dwɔnatan ara nrenya ko tɛbɔ ɛkɛ, na kɛkala ɔle abubura.”

2 Sam 9:7

Devidi zele ye kɛ, “Mmasulo; ɔlua ɛ ze Dwɔnatan ati mebayɛ ahunlunyele meamaa wɔ. Eza mebava ɛ nlenya Sɔɔlo azɛlɛ ne kɔsɔɔti meamaa wɔ. Akee ɔvi ɛnɛ mɔɔ kɔ la, me nee wɔ badɛnla ɛkponle ko anwo yɛado ɛsalɛ.”

Edwɛndolɛ Buluku ne 57:3

Ɔbazoa yeamaa bɛvi anwuma bɛaralie me, ɔbamaa nyiane ahu menli mɔɔ sisi me la. Nyamenle bamaa ye ɛhulolɛ kpundii ne nee ye nɔhalɛlilɛ ne ara me nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:6

Ɛdɛnkɛma akee zenle ɔ nyunlu ɛkɛ na ɔhanle kɛ, “Medame a mele Ɛdɛnkɛma a, Ɛdɛnkɛma mɔɔ mele anwunvɔnezelɛ nee atiakunlukɛnlɛma Nyamenle, menva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi me tɛkɛɛ.

Mrɛlɛbulɛ Buluku ne 14:22

Bɛdabɛ mɔɔ bɛbɔ adwenle ɛtane la yɛ ɛtane; bɛdabɛ mɔɔ bɛdwenle kpalɛ la menli bu bɛ yɛɛ bɛdi nɔhalɛ bɛkile bɛ.

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Edwɛkpa ne kɛmɔ Mateyu hɛlɛle la 5:7

“Nyilalɛ ɛha bɛdabɛ mɔɔ bɛse anwunvɔne la; Nyamenle baze bɛdabɛ noko anwunvɔne!

Dwɔhyua Buluku ne 2:14

Yizilayɛma nwiɔ ne zele ye kɛ, “Mɔɔ kɛhu wɔ la ɛhu yɛ! Mɔɔ yɛrayɛ la, saa wɔanga wɔangile awie biala a, yɛbɔ ɛwɔkɛ kɛ, saa Ɛdɛnkɛma fa azɛlɛ ye maa yɛ a, yɛkɛyɛ wɔ boɛ.”

Wulu 1:8

Nawome zele ahunlanvolɛ mraalɛ ne mɔ kɛ, “Bɛzia, awie biala ɛhɔ ɔ nli sua nu. Ɛdɛnkɛma nee bɛ ɛdɛnla gyɛlɛɛnye, kɛmɔ bɛ nee me nee menli mɔɔ ɛwu ɛhɔ la dɛnlanle la.