Mekɛ mɔɔ Devidi wɔ Hibulɔn la, menli dɔɔnwo mɔɔ ze konle nye zo la rabokale ye ɛlɔnema ne anwo kɛ bɛbaboa bɛamaa bɛadu Sɔɔlo na bɛava belemgbunlililɛ ne bɛamaa Devidi, kɛmɔ Ɛdɛnkɛma ɛwɔkɛ ne se la. Bɛ dodo ɛne: Dwudama: menli apenle nsia, ɛya mɔtwɛ mɔɔ to atwɛ na bɛdɛ enyinlike; Semɛyɔnoma: menli apenle nsuu, ɛya ko; Livaema: menli apenle nna, ɛya nsia; Aalɔn abo zo amra mɔɔ li Gyɛhɔyada anzi la le apenle nsa, ɛya nsuu; Kpavolɛ katakyie Zeedɔko sua nu amra: menli abulanwiɔ nee nwiɔ; Bɛngyamanema (Sɔɔlo ɔdaye ye mbusuafoɔ): menli apenle nsa (menli ɛhye mɔ anu dɔɔnwo kpalɛ lile Sɔɔlo anzi); Yifelaemma: apenle ngoko abulanwiɔ, ɛya mɔtwɛ, mɔɔ di munli wɔ bɛ mbusua ekpulike ne mɔ anu la; Manasɛ Adɔleɛma: menli apenle ngoko bulu nee mɔtwɛ. Bɛkpale nu bɛyele bɛ kɛ bɛhɔboa bɛmaa bɛzie Devidi belemgbunli. Yesakaama: safohyenlema ɛya nwiɔ nee bɛ ɛlɔnema mɔɔ wɔ bɛ bo la. (Safohyenlema ɛhye mɔ ze debie mɔɔ ɔwɔ kɛ Yizilayɛma yɛ a, yɛɛ eza bɛze mekɛ kpalɛ mɔɔ ɔwɔ kɛ bɛfa bɛyɛ la.) Zɛbulɛnema: menli apenle ngoko abulanlu mɔɔ di nɔhalɛ; bɛlɛ konle ninyɛne biala na bɛboa bɛ nwo bɛwie. Nafetalaema: safohyenlema apenle, nee ɛlɔnema apenle ngoko abulasa nee nsuu mɔɔ dedɛ enyinlike nee atwɛ. Danema: menli apenle ngoko abulanwiɔ nee mɔtwɛ, ɛya nsia; Ahyama: menli apenle ngoko abulanla mɔɔ gyi ye mrenyazo Mbusua ekpunli ekpunli mɔɔ wɔ Dwɔdan Aduduleɛ, Wulubɛn, Gaade, yɛɛ Manasɛ Aduduleɛ amra, bɛ muala bɛlua menli apenle ngoko ɛya ko abulanwiɔ (120,000) mɔɔ kola fa konle debie biala ko la.
2 Sam 2:3 - BAEBOLO ANZƐƐ BULUKU NWUANZANWUANZA3 Devidi vale ye ɛlɔnema ne, bɛ mraalɛ nee bɛ awuke nu amra kɔsɔɔti nee bɛ nwo ninyɛne, ɔ nee bɛ hɔle Hibulɔn. အခန်းကိုကြည့်ပါ။ |
2 Sam 2:3
7 ပူးပေါင်းရင်းမြစ်များ
ကြော်ငြာတွေ