2 Sam 2:26 - BAEBOLO ANZƐƐ BULUKU NWUANZANWUANZA

²⁶ Akee Abenɛɛ deanle nu vɛlɛle Dwowabe na ɔzele ye kɛ, “Anzɛɛ ɔnle kɛ konle dadeɛ ne da koonwu ɔ? Anzɛɛ ɛnze kɛ konle nzi lɛ ɛkpɔlɛ ɔ? Kenlenzu yɛɛ ɛkɛmaa wɔ ɛlɔnema ne kɛgyakyi bɛ mediema ne mɔ mgbaliko ɛdulɛ a?”

2 Sam 2:26 ပူးပေါင်းရင်းမြစ်များ

2 Sam 11:25

Devidi zele soanvolɛ ne kɛ, “Kɔze Dwowabe kɛ ɔmmadi nyane, ɔluakɛ konle nu, kɛ ɔkɛyɛ biala la sonla kɛwu ala. Se ye kɛ ɔmia ɔ nwo kpalɛ na ɔva suakpole ne.”

2 Sam 2:14

Abenɛɛ zele Dwowabe kɛ, “Maa yɛmaa yɛ mgbavolɛ ne bie mɔ ɛraho ye menli nwiɔ nwiɔ, ko ɛvi wɔ ekpunli ne anu na ko noko ɛvi me ekpunli ye anu na yɛnlea.” Dwowabe buale kɛ, “Maa bɛrɛla.”

2 Sam 2:16

Bɛgyinlanle ye nwiɔ nwiɔ, ko biala nee ye sonla, na akee bɛbɔle ye zo. Ko biala zɔle ɔ gɔnwo ati na ɔvale ye konle dadeɛ ne ɔwɔle ɔ nvenle. Na bɛdabɛ menli abulanwiɔ nee nna ne, bɛgulule nu bɛguale aze bɛwule. Yemɔti Gebɛyɔn ɛleka zɔhane, bɛfɛlɛ ye “Dadeɛ Azɛlɛ.”

2 Sam 2:25

Bɛngyaman abusua ekpunli ne anu amra boɔboale bɛ nloa zuanle Abenɛɛ anzi, bɛyɛle ɛlɔne ko na bɛhɔvole boka bie azo.

2 Sam 2:27

Na Dwowabe zele kɛ, “Meka tease Nyamenle ne kɛ, saa wɔanga ɛ nloa edwɛkɛ a anrɛɛ me ɛlɔnema ne badu mediema ne mɔ mgbaliko toonwo ɛhyema nwonlomɔ.”

Dwobu Buluku ne 18:2

“Dwobu, na kenlenzu yɛɛ ɛ nloa kɛpe a? Dwenle nwo, na maa yɛdayɛ yɛha bie.

Dwobu Buluku ne 19:2

“Duzu ati a ɛlɛfa ɛdendɛlɛ ngome wɔahu me ɛvɛlɛ ɛ?

Edwɛndolɛ Buluku ne 4:2

Kenlenzu a bɛkɛgyakyi me nyunlu aze ɛgualɛ a, ebiamɔ? Kenlenzu a bɛkɛgyakyi mgbane mgbane ɛhanlɛ nee adalɛ nzi ɛlilɛ a?

Mrɛlɛbulɛ Buluku ne 17:14

Mgbonde bo ɛbɔlɛ le kɛ azuledukuelɛ, yemɔti twe ɛ nwo kolaa na butule ne abɔ ɔ bo.

Ayezaya Buluku ne 1:20

Na saa bɛkpo na bɛte atua a bɛbawu dadeɛ nloa. Medame Ɛdɛnkɛma a meha a.”

Gyɛlɛmaya Buluku ne 12:12

Menli ɛra ɛsɛlɛ ne awoka ne mɔ azo, bɛzɛkye ɛkɛ kɔsɔɔti; ɔluakɛ medame Ɛdɛnkɛma, me dadeɛ ɛlɛdi gyima wɔ azɛlɛ ne azo kɔsɔɔti; awie biala ɛnlɛ anzonudwolɛ.

Gyɛlɛmaya Buluku ne 2:30

Bɛ mra ne mɔ ɛmaa mevɛ mgbane; medea bɛ, noko bɛande folɛ. Bɛdabɛ a bɛhu bɛ Nyamenle kpɔmanvolɛma ne mɔ kɛ awenade mɔɔ asa ɛha nane la.

Gyɛlɛmaya Buluku ne 4:21

Menea konle fɛlɛnra ne meahɔdwu kenlenzu, na mendie aweɛne tendenle ne ane ɔhɔdwu kenlenzu?

Gyɛlɛmaya Buluku ne 46:10

Kenle ne le medame Tumivolɛ Awulae Nyamenle me kenle, ɔle nzenralɛlilɛ kenle; mebali me kpɔvolɛma nzenralɛ. Dadeɛ bali bɛ antɛnlɛma; bɛ mogya bavɔ ye soonwu, ɔluakɛ Tumivolɛ Awulae Nyamenle bɔ azu wɔ sɔlɔ maanle nu, wɔ Azule Yufileti ne anloa.

Gyɛlɛmaya Buluku ne 46:14

“Bɛha ye wɔ Yigyibiti, na bɛbɔ ye nolo wɔ Megedɔlo; bɛbɔ ye nolo wɔ Mɛmefese yɛɛ Tapanehizi, bɛha kɛ, ‘Bɛdwazo bɛboɔboa bɛ nwo, ɔluakɛ bɛ muala bɛbawu konle nu.’

Hozia Buluku ne 11:6

Konle bava bɛ azuamgbole ne mɔ aze, abubu bɛ azuamgbole nlenkɛ mgbole ne mɔ.

Ɛzoanvolɛma Gyima ne 7:26

Ye alehyenlɛ nu ɔnwunle kɛ Yizilayɛma nwiɔ ɛlɛko, ɔhɔle kɛ ɔkakpɔda, na ɔzele bɛ kɛ, ‘O, ebiamɔ! Bɛle mediema; duzu ati a bɛlɛko bɛayɛ bɛ nwo asa ɛ?’