2 Sam 2:23 - BAEBOLO ANZƐƐ BULUKU NWUANZANWUANZA

²³ Noko Asahɛle amkponle na ɔvoanle Abenɛɛ ndinlizo. Abenɛɛ dole ye atwɛ ne abo ne ɔ nzi wɔle Asahɛle akunlu manle atwɛ ne vindele ɔ nzi. Asahɛle dɔle aze na ɔwule. Menli mɔɔ rale ɛleka mɔɔ Asahɛle honle dɔle la gyinlanle ɛkɛ ne koonwu.

2 Sam 2:23 ပူးပေါင်းရင်းမြစ်များ

2 Sam 2:24

Na Dwowabe nee Abehyae bɛdabɛ bɛbelele bɛzile Abenɛɛ zo, na mɔɔ ɔka ekyii na sɛnzɛne ne adɔ la, bɛdwule Amaa boka ne mɔɔ wɔ Gaya aduduleɛ wɔ Gebɛyɔn fienemgbole nu adenle zo la azo.

2 Sam 20:10

Ameesa annwu dadeɛ ne mɔɔ wɔ Dwowabe asa bɛne ne anu la, yemɔti Dwowabe vale dadeɛ ne wɔle Ameesa akunlu tulule ye anyalɛ manle ɔwule. Yeanwɔ ye fane nwiɔ. Akee Dwowabe nee ɔ diema Abehyae hɔle zolɛ voanle Hyiba.

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

2 Sam 3:30

Yemɔti Dwowabe nee ɔ diema Abehyae zenrale Abenɛɛ kɛ ɔhunle bɛ diema Asahɛle wɔ Gebɛyɔn konle ne anu la.

2 Sam 4:6

Ɛnee anlenkɛ sinzavolɛ raalɛ ne ɛlɛkpa ma nu na ɔdaye noko ɔ nye wuanenle ye manle ɔvale nu ɔlafele. Rilikabe nee ɔ diema Beeyana yɛle nyaa wolole suakunlu ɛkɛ ne.

2 Sam 5:6

Belemgbunli Devidi nee ye ɛlɔnema hɔtetale Gyɛlusalɛm. Gyibɛsema mɔɔ lɛ maanle ne la dwenlenle kɛ Devidi ɛnrɛhola suakpole ne anwo zo konim di, yemɔti bɛzele ye kɛ, “Ɛ gyakɛ ba ɛnrɛtia sua ye azo. Anyenzinliravolɛma nee abuburama a baha wɔ ado ɛbɔ nu a.”