2 Sam 2:13 - BAEBOLO ANZƐƐ BULUKU NWUANZANWUANZA

¹³ Dwowabe mɔɔ ɔ nli a le Zɛluaya la nee Devidi mgbanyima ne mɔ noko hɔyiale bɛ wɔ Gebɛyɔn nzubula ne azo na bɛdɛnlanle aze. Ekpunli ko wɔ nzubula ne anzi foa ko yɛɛ ekpunli ko noko wɔ ye foa ko.

2 Sam 2:13 ပူးပေါင်းရင်းမြစ်များ

2 Sam 2:18

Ɛnee Zɛluaya amra mrenya nsa ne, Dwowabe, Abehyae nee Asahɛle wɔ ɛkɛ ne. Asahɛle anwo yɛ ndɛ tɛla ɛhoayelɛ nu kɛtɛboɛ.

2 Sam 20:23

Dwowabe nea Yizilayɛ ɛlɔnema ne anwo zo. Bɛnaya nea belemgbunli ne sinzavolɛma anwo zo;

2 Sam 20:8

Mɔɔ bɛhɔdwule bolɛ kpole ne mɔɔ wɔ Gebɛyɔn la anwo la, Ameesa rayiale bɛ adenle. Dwowabe wula konle tɛladeɛ, ɔhye akyeso na konle dadeɛ mɔɔ wɔ boa nu la zia nuhua. Mɔɔ ɔkɔ ɔ nyunlu la, ɔyele dadeɛ ne ɔvile ye boa ne anu.

2 Sam 23:24

Menli mɔɔ boka katakyiema “Abulasa Ne” anwo la ɛne: Dwowabe adiema nrenya Asahɛle Dodo mɔɔ vi Bɛtelɛhɛm la ara nrenya Ɛleheenan Hyama nee Yilaeka mɔɔ vi Hɛlɔdo la Hilɛze mɔɔ vi Pɛlɛte Yekɛhye mɔɔ vi Tɛkowa la ara nrenya Ayela Abayizɛ mɔɔ vi Anato Mɛbɛnae mɔɔ vi Huhya Zalemɔn mɔɔ vi Aho Meehalae mɔɔ vi Nɛtɔfa Beeyana mɔɔ vi Nɛtɔfa la ara nrenya Hilɛbe Relaebeeyae mɔɔ vi Gebɛya na ɔvi Bɛngyaman abusua ekpunli ne anu la ara nrenya Yeteyae Bɛnaya mɔɔ vi Paeleetɔn Hedeeyae mɔɔ vi mbɔnza ne mɔ mɔɔ zua Geeyahye la anu la Ebayalebɔn mɔɔ vi Aaleba Azemeevɛte mɔɔ vi Bahulem Yilayaba mɔɔ vi Hyeeyalebɔn Gyahyɛn amra mrenya ne mɔ Dwɔnatan Hyama mɔɔ vi Hɛla Hyɛlaa mɔɔ vi Hɛla la ara nrenya Ehayam Ahahyebae mɔɔ vi Meeyaka la ara nrenya Yilefɛlɛte Ahetɔfɛle mɔɔ vi Gaelo la ara nrenya Yilayam Hɛzelo mɔɔ vi Kamɛle Peeyalae mɔɔ vi Arelabe Neetan mɔɔ vi Zoba la ara nrenya Ayegale Beenae mɔɔ vi Gaade Zilɛke mɔɔ vi Amɔn Neehalae mɔɔ vi Bilo mɔɔ yemɔ a soa Zɛluaya ara Dwowabe konle ninyɛne ne la Ayela nee Gɛlɛbe mɔɔ vi Gyatɛɛ Hɛtenli Yulaya Bɛ muala bɛle katakyiema abulasa nee nsuu.

2 Sam 8:16

Zɛluaya ara Dwowabe a nea ɛlɔnema ne anwo zo a; Gyɛhɔhyafate mɔɔ ɔ ze a le Ahaelɛde la a le maanle ne kɛlɛhɛlɛvolɛ a;

1 Arl 1:7

Ɔzuzule nwolɛ ɔhilele raalɛ Zɛluaya ara Dwowabe nee sɛlɛvolɛ Abayata. Bɛ mu nwiɔ bɛliele nzuzulɛ ne bɛdole nu na bɛzile ye adua na eza bɛlile ɔ nzi.

1 Arl 2:5

“Mɔɔ tɔ zolɛ bieko la a le kɛ, ɛdawɔ ɛze mɔɔ Zɛluaya ara Dwowabe vale yɛle me na ɔhunle Yizilayɛ safohyenle mgbanyinli nwiɔ ne mɔɔ le Abenɛɛ ara Nɛɛ nee Gyita ara Ameesa la. Ɔhunle menli nwiɔ ɛhye wɔ anzonudwolɛ mekɛ nu ɔziele menli mɔɔ Abenɛɛ nee Ameesa hunle bɛ wɔ konle nu la abo zo; ɔmanle mengyinlanle gyinlabelɛ ɛtane, na kɛkala nwolɛ ngyelelɛ ɛdo me.

1 Edk 11:6

Akee Devidi zele kɛ, “Awie biala mɔɔ kɛlumua kɛhu Gyibɛsenli la mebayɛ ye me ɛlɔnema ne safohyenlema kpanyinli. Na Zɛluaya ara Dwowabe lumuale hunle bie, na bɛyɛle ye ɛlɔnema ne safohyenlema kpanyinli.”

1 Edk 2:16

Eza ɔwole mralɛ mraalɛ nwiɔ. Bɛmɛ a le Zɛluaya nee Abegeli. Gyɛsi ara raalɛ Zɛluaya wole mrenya nsa. Bɛmɛ a le Abehyae, Dwowabe, yɛɛ Asahɛle.

Gyɛlɛmaya Buluku ne 41:12

Yemɔti bɛvale bɛ ɛlɔnema ne amuala bɛdoale ye kɛ bɛ nee ye kaho, na bɛhɔdole ye wɔ Gebɛyɔn azule kpole ne anloa.

1 Sam 26:6

Akee Devidi bizale Ahemɛlɛke, Hɛtenli ne nee Dwowabe adiema nrenya Abehyae (Bɛ nli a le Zɛluaya) kɛ, “Bɛ nuhua boni a nee me kɛhɔ Sɔɔlo azokoɛleɛ ne a?” Na Abehyae zele kɛ, “Medame a me nee wɔ kɔ a.”