2 Sam 2:1 - BAEBOLO ANZƐƐ BULUKU NWUANZANWUANZA

¹ Ɛhye anzi, Devidi bizale Ɛdɛnkɛma kɛ, “Mengɔ Dwuda azuamgbole ne mɔ bie azo ɔ?” Ɛdɛnkɛma zele ye kɛ, “Kɔ.” Devidi bizale kɛ, “Boni azo a mengɔ a?” Ɛdɛnkɛma buale ye kɛ, “Kɔ Hibulɔn.”

2 Sam 2:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:18

Yemɔti Ebilam dudule ye ndanlɛ sua ne na ɔhɔdɛnlanle Mameli oku mbaka ne mɔ mɔɔ wɔ Hibulɔn la anwo. Na ɛkɛ ne, ɔzile azukponle ɔmanle Ɛdɛnkɛma.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:2

Gyekɔbo nwunle bɛ la ɔhanle kɛ, “Nyamenle ɛlɔnema ɛne!” Yemɔti ɔvɛlɛle ɛleka ne Meehaneeyem.

2 Sam 15:7

Ɛvolɛ nna pɛle nu la Abesalɛm zele belemgbunli ne kɛ, “Nana, mesɛlɛ wɔ, maa me adenle maa mengɔ Hibulɔn mengɔnye me ɛwɔkɛ mɔɔ membɔle Ɛdɛnkɛma la.

2 Sam 2:11

na ɔdɛnlanle Hibulɔn ɔziele Dwuda ɛvolɛ nsuu nee foa.

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

2 Sam 5:23

Na Devidi bizale Ɛdɛnkɛma la, ɔzele ye kɛ, “Mmakɔ ɛ nyunlu; bu bɛ nzi, ɛleka mɔɔ nee ‘belesam’ mbaka ne mɔ anye bɔ zo la.

1 Arl 2:11

Ɔziele Yizilayɛ maanle ne ɛvolɛ abulanla. Devidi dɛnlanle ebia ne azo ɛvolɛ nsuu wɔ Hibulɔn yɛɛ ɔdɛnlanle zolɛ ɛvolɛ abulasa nee nsa wɔ Gyɛlusalɛm.

1 Edk 29:7

sesale ninyɛne ɛhye mɔ manle kɛ bɛva bɛzi Ɛzonlenlɛ Sua ne: ezukoa nvutuke mɔɔ bo tɔno ɛya ko abulasuu, dwɛtɛ fufule mɔɔ bo tɔno ɛya nsa abulanla, kɔbele asɛɛ tɔno ɛya nsia abulanwiɔ, yɛɛ mbulalɛ mɔɔ bo tɔno apenle nsa ɛya nna la.

2 Edk 11:10

Zɔla, Ayegyalɔn, yɛɛ Hibulɔn. Azuamgbole ɛhye mɔ a bɛbɔle nwolɛ bane wɔ Dwuda nee Bɛngyaman maanzinli ne mɔ anu a.

Edwɛndolɛ Buluku ne 143:8

Maa mende wɔ ɛhulolɛ kpundii ne anwo bie nwonlomɔ mangyee ne, ɔluakɛ wɔ nuhua yɛɛ me rɛle wɔ a. Kilehile me adenle mɔɔ menva zo la, ɔluakɛ wɔmɔ ala a me nye la ɛ nwo zo a.

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Yizikeɛle Buluku ne 36:37

Awulae Nyamenle ne se, “Eza mebamaa Yizilayɛma abiza me bɛamaa meayɛ ɛhye meamaa bɛ. Mebamaa bɛ nwo azo kɛ mboane ekpunli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:22

Bɛhɔle azɛlɛ ne nyiakɛ na bɛhɔle Hibulɔn, ɛleka mɔɔ ɛnee menli kakanyinlima bie mɔɔ bɛfɛlɛ bɛ Anakema la abo zo amra, Ahaeman, Hyihyae, yɛɛ Talimae de la. (Bɛkyekyele Hibulɔn ɔlile ɛvolɛ nsuu kolaa na bɛakyekye Zowan mɔɔ wɔ Yigyibiti la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Dwɔhyua Buluku ne 15:13

Kɛmɔ Ɛdɛnkɛma zele Dwɔhyua la, ɔvale Dwuda abusua ekpunli ne azɛlɛ ne bie ɔmanle Kalɛbe mɔɔ le Gyɛfɛni mɔɔ ɔdaye ɔbɔ Dwuda abusua ne bie la ara ne. Kalɛbe nyianle Hibulɔn, suakpole ne mɔɔ le Enake ɔ ze Aaba ɛdeɛ la.

Maanlebuvolɛma Buluku ne 1:1

Dwɔhyua wule la, Yizilayɛma bizale Ɛdɛnkɛma kɛ, “Nwane yɛɛ ɛlumua ɛhɔteta Keenama ɔ nee bɛ ɛho a?”

1 Sam 10:22

yemɔti bɛbizale Ɛdɛnkɛma kɛ, “Awie bieko tɛbɔ ɛkɛ ɔ?” Ɛdɛnkɛma zele kɛ, “Sɔɔlo vea ninyɛne edukue ne anzi nehane.”

1 Sam 23:2

Yemɔti Devidi bizale Ɛdɛnkɛma kɛ, “Me nee Filisitiama ɛhɔho ɔ?” Ɛdɛnkɛma zele Devidi kɛ, “Kɔ kɔho tia Filisitiama na die Kiayela.”

1 Sam 23:4

Yemɔti Devidi eza bizale Ɛdɛnkɛma bieko, na Ɛdɛnkɛma zele ye kɛ, “Dwazo kɔ Kiayela, ɔluakɛ mebaye Filisitiama meamaa wɔ.”

1 Sam 30:31

yɛɛ Hibulɔn la. Ɔvale bie ɔhɔmanle menli mɔɔ wɔ ɛleka biala mɔɔ ɔ nee ye ɛlɔnema hɔkpɔsale la.