2 Sam 19:9 - BAEBOLO ANZƐƐ BULUKU NWUANZANWUANZA

⁹ Butule dɔle Yizilayɛ mbusua ekpunli ekpunli ne mɔ avinli. Bɛzele kɛ, “Belemgbunli ne liele yɛ vile yɛ kpɔvolɛma asa anu, ɔliele yɛ ɔvile Filisitiama asa anu; na kɛkala, yenriandi Abesalɛm na yegyakyi maanle ne yedo ye ɛkɛ.

2 Sam 19:9 ပူးပေါင်းရင်းမြစ်များ

2 Sam 15:14

Mɔɔ Devidi dele la ɔzele ye mgbanyima kɔsɔɔti mɔɔ nee ye wɔ Gyɛlusalɛm ɛkɛ ne la kɛ, “Bɛha bɛ nwo bɛmaa yɛye yɛ nwo zo na anrɛɛ Abesalɛm kɛbɔ yɛ bo zo bɔkɔɔ. Bɛha bɛ nwo na anrɛɛ ɔkɛbu yɛ nyunlu ɔkɛmaa munzule kɛdo yɛ na ɔkɛbɔ suakpole ye tɔɔ!”

2 Sam 18:17

Bɛyele Abesalɛm funli ne na bɛvuandinle ye bɛdole kuma kpole bie anu wɔ kpɔkɛ ne anu. Bɛhuohuanle awolɛ edukue kpole bie ɔ nwo zo. Na Yizilayɛma kɔsɔɔti guale ɛbɔ nu. Ko biala hɔle ɔdaye ye sua zo.

2 Sam 19:10

Abesalɛm noko mɔɔ yɛziele ye yɛ belemgbunli la ɛwu konle nu. Duzu ati yɛɛ bɛnrɛmaa yɛnrɛhɔva Belemgbunli Devidi yɛnrɛra ɛ?”

2 Sam 19:40

Belemgbunli ne hɔle Gelegale; Kyemeham nee ye a hɔle a. Dwudama kɔsɔɔti nee Yizilayɛma anu foa ko lile ɔ nzi hɔzɔhonle ye.

2 Sam 22:44

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

2 Sam 5:20

Yemɔti Devidi hɔle Beeyale Pɛleezem na ɔlile Filisitiama anwo zo konim. Ɔzele kɛ, “Ɛdɛnkɛma ɛbɔ me kpɔvolɛma asande wɔ me nyunlu kɛ azule mɔɔ ɛyi ɛbu aze la.” Yemɔti bɛfɛlɛ ɛleka zɔhane Beeyale Pɛleezem.

Edwɛndolɛ Buluku ne 18:43

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:24

Na menganle mengilele bɛ kɛ, ‘Awie biala ɛva ye nvutuke anwoneɛ biala mɔɔ ɔlɛ la ɔmaa me.’ Yemɔti bɛvale bɛmanle me; menvuandinle menguale senle nu na ɛnlankɛ ɛhye a vindele nu a.”

1 Sam 17:50

Yemɔti, Devidi vale totoabɔ mgbane hunle Golayate na ɔlile ɔ nwo zo konim. Devidi anva dadeɛ, ɔvale ɔ sa mgbane.

1 Sam 18:25

Na Sɔɔlo zele kɛ, “Bɛhɔze Devidi kɛ, belemgbunli ɛmkpondɛ agyalɛ ne anwo debie biala. Ɔkpondɛ kɛ ɔsenra ye kpɔvolɛma ne, yemɔti mɔɔ ɔkpondɛ la a le Filisitiama ɛya ko mrenyanu ati nwoma ne mɔ.” (Sɔɔlo kpondɛ kɛ ɔyɛ ɛhye amaa Filisitiama anyia Devidi ahu ye.)

1 Sam 19:5

Ɔvale ye ngoane ɔdole nzeleba ɔhunle Golayate, na Ɛdɛnkɛma lile konim manle Yizilayɛma kɔsɔɔti. Ɛnwunle ye la, ɛlile fɛlɛko, na duzu ati bɔbɔ yɛɛ akee ɛkpondɛ kɛ ɛku Devidi mgbane gyɛne ne ala, ɛka mogya mɔɔ ɛnli fɔlɛ la ɛgua ɛ?”