2 Sam 19:22 - BAEBOLO ANZƐƐ BULUKU NWUANZANWUANZA

²² Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

2 Sam 19:22 ပူးပေါင်းရင်းမြစ်များ

2 Sam 16:10

Na belemgbunli ne zele Abehyae nee ɔ diema Dwowabe kɛ, “Bɛmɛ Zɛluaya amra, ɛhye ɛnle bɛ edwɛkɛ. Saa Ɛdɛnkɛma yɛɛ ɛze ye kɛ ɔbɔ Devidi sasa a ɛnee nwane a lɛ adenle kɛbiza ye kɛ, ‘Duzu ati a wɔyɛ ɛhye ɛ?’ ”

2 Sam 16:5

Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

2 Sam 16:9

Zɛluaya ara Abehyae zele belemgbunli ne kɛ, “Duzu ati bɔbɔ yɛɛ twea funli ɛhye kɛbɔ Nana aholoba ɛ? Nana, maa mengɔnli ɔ ti ne antɛnlɛma memaa ye.”

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

Ayezaya Buluku ne 16:5

akee bɛbava ɛhulolɛ kpundii bɛazie ebia; ahenle mɔɔ badɛnla zolɛ la vi Belemgbunli Devidi abusua nu. Ɔbava nɔhalɛlilɛ yeazie menli ne, ɔbayɛ sonla mɔɔ kulo tenleneyɛlɛ, yɛɛ ɔbava pɛlepɛlelilɛ yeabua ndɛne.)

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

1 Sam 11:13

Sɔɔlo zele kɛ, “Bɛmmaku awie biala ɛnɛ, ɔluakɛ ɛnɛ a le kenle mɔɔ Ɛdɛnkɛma ɛlie Yizilayɛ ɛzie aze a.”

1 Sam 26:11

Ɛdɛnkɛma ɛkpa ɛgua kɛ menwɔva me sa menwɔha sonla mɔɔ ɔdaye yeye ye yezie ye belemgbunli la. Maa yɛdu ye atwɛ ne mɔɔ gyi ɔ ti sɔlɔ la na yɛva ye nzule dwora ne yɛhɔ.”

1 Sam 26:8

Na Abehyae zele Devidi kɛ, “Ɛnɛ demua ye, Nyamenle ɛye wɔ kpɔvolɛ ne ɛwula ɛ sa nu, maa menwɔ ye atwɛ na membɔ ye pemgbɛne azɛlɛ ne anwo; mewɔ ye kokye ala, menrɛdia zolɛ nwiɔ.”

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”