2 Sam 19:21 - BAEBOLO ANZƐƐ BULUKU NWUANZANWUANZA

²¹ Zɛluaya ara Abehyae zele kɛ, “Ɛhye ɔdaye bɛgyinla nwolɛ ɔ? Ɔwɔ kɛ bɛku Hyemɛyae kɛ ɔbɔle sonla mɔɔ Ɛdɛnkɛma ɛkpokpa ye nwole ɛzie ye belemgbunli la sasa a.”

2 Sam 19:21 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”

2 Sam 16:13

Yemɔti Devidi nee ye menli ne zɔle bɛ adendulɛ ne azo. Mɔɔ bɛlɛkɔ la ɛnee Hyemɛyae lua boka ne anye anwo ɔlɛ sasabɔlɛ ne ɔzi ye zo, ɔkpa ye awolɛ na ɔfuandi anwea ɔgua bɛ nwo.

2 Sam 16:5

Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

2 Sam 16:9

Zɛluaya ara Abehyae zele belemgbunli ne kɛ, “Duzu ati bɔbɔ yɛɛ twea funli ɛhye kɛbɔ Nana aholoba ɛ? Nana, maa mengɔnli ɔ ti ne antɛnlɛma memaa ye.”

Edwɛndolɛ Buluku ne 84:9

O Nyamenle, nea yɛ enyinlike ne; nea sonla ne mɔɔ wɔkpa nu wɔye ye la.

Gyɛlɛmaya Awolɛyelɛ 4:20

Mɔɔ Ɛdɛnkɛma ɛye ye ɛmaa yɛ, na ɔle yɛ ɛnwomenle la, bɛhye ye bɛ ɛhane nu. Yemɔ a yɛhanle ɔ nwo edwɛkɛ kɛ, “Saa yɛwɔ ɔ bo a, yɛnzulo maanle maanle ne mɔ” a.