2 Sam 19:20 - BAEBOLO ANZƐƐ BULUKU NWUANZANWUANZA

²⁰ ɔluakɛ menwu ye wienyi kɛ meyɛ ɛtane; yemɔti a mera la. Mame a mele sonla mɔɔ ɛlumua ɛvi Dwosefi abusua ekpunli ne anu ɛra kɛ meba mearayia me awulae belemgbunli a.”

2 Sam 19:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:14

Na Yizilayɛ denrɛle ɔ sa kɛ ɔyileyila bɛ, ɔdole ɔ sa ɔbɛkale nu, ɔvale ɔ sa fema ne ɔdole Yifelaem mɔɔ le kakula la ati zo, na yeava ɔ sa bɛne ne yeado Manasɛ mɔɔ le kpanyinli la ati zo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:20

Yemɔti ɔyileyilale ngakula ne mɔ kenle ko ne ɔzele kɛ, “Bɛ duma nu yɛɛ Yizilayɛma balua ayila menli na bɛaha kɛ, ‘Nyamenle ɛmaa bɛyɛ kɛ Yifelaem nee Manasɛ la.’ ” Gyekɔbo luale adenle zɛhae azo vale Yifelaem yɛle Manasɛ kpanyinli.

2 Sam 16:5

Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

2 Sam 19:21

Zɛluaya ara Abehyae zele kɛ, “Ɛhye ɔdaye bɛgyinla nwolɛ ɔ? Ɔwɔ kɛ bɛku Hyemɛyae kɛ ɔbɔle sonla mɔɔ Ɛdɛnkɛma ɛkpokpa ye nwole ɛzie ye belemgbunli la sasa a.”

2 Sam 19:9

Butule dɔle Yizilayɛ mbusua ekpunli ekpunli ne mɔ avinli. Bɛzele kɛ, “Belemgbunli ne liele yɛ vile yɛ kpɔvolɛma asa anu, ɔliele yɛ ɔvile Filisitiama asa anu; na kɛkala, yenriandi Abesalɛm na yegyakyi maanle ne yedo ye ɛkɛ.

1 Arl 12:20

Yizilayɛma amuala dele kɛ Gyɛlɔbowam ɛzia ɔ nzi vi Yigyibiti ɛra la bɛvɛlɛle ye wɔ bɛ ayia bo na bɛvale ye bɛziele Yizilayɛ belemgbunli. Biala anli Devidi abo zo amra ne anzi kɛ Dwuda abusua ekpunli ne anu amra ne mɔ ala.

1 Arl 12:25

Akee Belemgbunli Gyɛlɔbowam kyekyele Hyikɛm sua ne mɔɔ wɔ Yifelaem awoka ne mɔ azo la kpalɛ na ɔdɛnlanle ɛkɛ; nzinlii ɔdule ɛkɛ ɔhɔkyekyele Pɛnuwɛle sua ne.

Gyɛlɛmaya Buluku ne 22:23

O Lɛbanɔnoma, mɔɔ bɛde sida azua nu a, nyane to bɛ a ɛkponlenlɛ mɔɔ bɛbakponle la bayɛ kɛ raalɛ mɔɔ ɛhɔ ahonleɛ la.

Hozia Buluku ne 5:15

“Mebahwe me nwo meavi menli ne anwo kɔkpula mekɛ mɔɔ bɛkɛnwu bɛ ɛtane mɔɔ bɛyɛ, na wɔ bɛ amaneɛnwunlɛ ne anu, bɛkɛkpondɛ me bo zo la.”

Hozia Buluku ne 5:3

Meze Yifelaem, yɛɛ Yizilayɛ ɛnvea me nye zo. Na kɛkala, wɔmɔ Yifelaem, wɔbɔ tuutuu ɛbɛla, evinli ɛha Yizilayɛ.”