2 Sam 19:16 - BAEBOLO ANZƐƐ BULUKU NWUANZANWUANZA

¹⁶ Gila ara Hyemɛyae mɔɔ le Bɛngyamanenli na ɔvi Bahulem la nee Dwudama a rale rayiale Belemgbunli Devidi a.

2 Sam 19:16 ပူးပေါင်းရင်းမြစ်များ

2 Sam 3:16

Na mɔɔ bɛ nee Maekale kɔ la, ɔ hu vale ɛzunlɛ doale ye toonwo ɔhɔdwule Bahulem. Na Abenɛɛ zele ye kɛ, “Sia ɛ nzi!” Na Paleteɛle ziale.

1 Arl 2:8

“Akee Bɛngyamanenli Gila ara Hyemɛyae mɔɔ vi Bahulem la ɔdaye ɔwɔ ɛkɛ. Kenle mɔɔ mengɔle Meehaneeyem la ɔbɔle me sasa kpole bie, noko me nee ye yiale Azule Dwɔdan ne anloa la menvale Ɛdɛnkɛma menganle ndane kɛ menrɛhu ye.

Dwobu Buluku ne 2:4

Na Seetan buale Ɛdɛnkɛma kɛ, “Ɔle zɔhane, na ye nwonane ne noko ɛ! Sonla kɛhulo kɛ ɔkɛdɛnla ngoane nu tɛla kɛ ɔkɛminli anwonyia biala mɔɔ ɔlɛ la.

Edwɛkpa ne kɛmɔ Mateyu hɛlɛle la 5:25

“Saa awie sɛma wɔ a, ɛ nee ye bɛziezie edwɛkɛ ne ndɛndɛ kolaa na bɛadwu ndɛnebualɛ ɛleka ne, amaa yeanye wɔ yeammaa ndɛnebuavolɛ ne na ndɛnebuavolɛ ne ava wɔ amaa sinzavolɛma kɛ bɛdo wɔ efiade.

1 Sam 10:8

Ɛbalumua me nyunlu wɔ Gelegale, na mebarayia wɔ ɛkɛ na mearabɔ ɛyelalɛ nee anzonudwolɛ azu. Anrɛɛ kendɛ me ɛkɛ ne kenle nsuu kɔkpula kɛ menwɔrahile wɔ deɛ mɔɔ ɔwɔ kɛ ɛyɛ la.”