2 Sam 19:14 - BAEBOLO ANZƐƐ BULUKU NWUANZANWUANZA

¹⁴ Devidi edwɛkɛ ne hanle Dwudama kɔsɔɔti ahonle na bɛmanle bɛhɔzele belemgbunli ne kɛ, “Ɛ nee wɔ mgbanyima ne mɔ kɔsɔɔti bɛzia bɛrɛla sua nu.”

2 Sam 19:14 ပူးပေါင်းရင်းမြစ်များ

2 Sam 17:25

(Abesalɛm ɛyɛ Ameesa ɛlɔnema ne anwo zo neavolɛ yeva yehakyi Dwowabe. Ameesa le Yehyemeeyɛlenli Gyitɛ ara nrenya; ɔ nli a le Neehahye ara raalɛ Abegeli mɔɔ ɔ diema raalɛ a le Dwowabe ɔ nli Zɛluaya la.)

2 Sam 20:4

Akee belemgbunli ne zele Ameesa kɛ, “Memaa wɔ kenle nsa, boɔboa Dwudama kɔsɔɔti anloa na ɛdawɔ noko boka nwolɛ bɛrɛla.”

2 Sam 22:44

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

2 Sam 3:9

Ɛdɛnkɛma bɔle Devidi ɛwɔkɛ kɛ ɔbalie belemgbunli maanle ne yeavi Sɔɔlo nee ɔ bo zo amra asa anu, na yeazie Devidi Yizilayɛ nee Dwuda belemgbunli, ɔvi maanle ne ati mɔɔ kɔdwu ɔ bo la. Saa meannea meammaa ɛwɔkɛ ɛhye anyɛ zɔhane a Nyamenle ɛhu me.”

2 Sam 5:1

Akee Yizilayɛ mbusua ekpunli ekpunli ne mɔ kɔsɔɔti rale Devidi anwo ɛkɛ wɔ Hibulɔn razele ye kɛ, “Nea, yɛ muala yɛle menli ko.

Ɛzoanvolɛma Gyima ne 4:32

Diedima ne amuala lile ahua wɔ ahonle nee adwenle nu. Bɛ nuhua biala anva ye debie biala ambɔ ye ɛbolɛ na bɛ nee bɛ gɔnwo mɔ hyɛle debie biala mɔɔ ko lɛ ye la.

Maanlebuvolɛma Buluku ne 20:1

Akee Yizilayɛma kɔsɔɔti, ɔvi Dan mɔɔ kɔ Biyɛhyiba nee Geleade la yɛle ko na bɛrayiale nu wɔ Mezepa wɔ Ɛdɛnkɛma duma nu.