2 Sam 19:1 - BAEBOLO ANZƐƐ BULUKU NWUANZANWUANZA

¹ Bɛhanle bɛhilele Dwowabe kɛ, “Devidi ɛlɛdi nyane na ɔlɛsu ɔ ra Abesalɛm.”

2 Sam 19:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:35

Ɔ mra mrenya ne mɔ nee ɔ mra mraalɛ ne mɔ amuala rakyekyele ɔ rɛle, noko yeamkponle na ɔhanle kɛ, “Kyɛkyɛ, mebava nyane meawu meahɔ ɛbolɔ lɔ meahɔdo me ra ne.” Na ɔ ze hɔle zolɛ zunle ye.

2 Sam 18:12

Na nrenya ne buale Dwowabe kɛ, “Saa bɛmaa me dwɛtɛ fufule ngoko apenle bɔbɔ a, menrɛdende me sa wɔ belemgbunli ne ara ne anwo, ɔluakɛ yɛ muala yɛdele ye yɛ nzo nu kɛ belemgbunli ɛlɛka ahile ɛdawɔ, Abehyae nee Yetae kɛ, ‘Bɛnlea me ti na bɛnwu kakula Abesalɛm anwunvɔne.’

2 Sam 18:14

Dwowabe zele kɛ, “Menlɛ ɛ nwo alagye.” Ɔvale atwɛ nsa ɔhɔwowɔle Abesalɛm akɛnra azo wɔ mekɛ mɔɔ ɛnee ɔ nye gyi zo na ɔtɛsinze oku baka ne azo la.

2 Sam 18:20

Dwowabe buale ye kɛ, “Kyɛkyɛ, ɛnva nrɛlaleɛ biala ɛngɔ ɛnɛ. Maa ɔyɛ na kenle fofolɛ, ɔboalekɛ ɛnɛ kenle ye, belemgbunli ara nrenya ɛwu.”

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

2 Sam 18:5

Na ɔzele Dwowabe, Abehyae nee Yetae kɛ, “Bɛnlea me ti na bɛ nee kakula Abesalɛm ɛli ye bɛtɛɛ.” Na mɔɔ belemgbunli ne hanle wɔ Abesalɛm anwo hilele safohyenlema ne la, menli ne kɔsɔɔti dele.

2 Sam 19:2

Yemɔti kenle ko ne konimlilɛ ne hakyile nyanelilɛ manle menli ne kɔsɔɔti, ɔluakɛ bɛdele kɛ, “Belemgbunli ɛlɛdi ɔ ra ne ewule ne anwo nyane.”

Mrɛlɛbulɛ Buluku ne 17:25

Ralɛ nrenya koasea maa ɔ ze di nyane yɛɛ ɔyɛ ɛnwonle ɔmaa ɔ nli mɔɔ wole ye la.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.