2 Sam 18:9 - BAEBOLO ANZƐƐ BULUKU NWUANZANWUANZA

⁹ Arɛlevilɛ nu ala, Abesalɛm hɔkponzale Devidi ɛlɔnema ne bie mɔ. Ɛnee ɔde ɛkpɔnwɔndua zo, na ɛkpɔnwɔndua ne nriandile hɔvale baka kpole bie mɔɔ bɛfɛlɛ ye oku la abo, na Abesalɛm akɔme hɔtosale baka ne ngane ne bie takola avinli manle ɔzinzele anwomanyunlu, na ɛkpɔnwɔndua ne wɔlɔle ɔ nwo hɔle.

2 Sam 18:9 ပူးပေါင်းရင်းမြစ်များ

2 Sam 13:29

Kɛmɔ Abesalɛm zele bɛ la, sonvolɛma ne mɔ yɛle ye zɔhane ala. Na Devidi amra ne mɔ mɔɔ hale la vole bɛ mgbɔnwɔ ne mɔ azo nriandile hɔle.

2 Sam 14:26

Ɔ ti enrinli le buzuu yɛɛ nuhua pi. Yemɔti ɛvolɛ biala ɔpepɛ, amaa yeanyɛ ɛnlomboɛ somaa yeammaa ye. Ɔpepɛ enrinli ne na ɔsuzu a ɔto tone nu kilo nwiɔ, kɛmɔ belemgbunli nzuzudeɛ ne kile la.

2 Sam 17:23

Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

2 Sam 18:10

Nrenya bie nwunle ye na ɔrabɔle Dwowabe amaneɛ kɛ, “Yɛmenle, menwunle kɛ Abesalɛm zinze oku baka bie azo.”

2 Sam 18:14

Dwowabe zele kɛ, “Menlɛ ɛ nwo alagye.” Ɔvale atwɛ nsa ɔhɔwowɔle Abesalɛm akɛnra azo wɔ mekɛ mɔɔ ɛnee ɔ nye gyi zo na ɔtɛsinze oku baka ne azo la.

2 Sam 18:8

Konle ne dɛlɛle kpɔkɛ ne anu ɛleka biala, na menli dɔɔnwo wule kpɔkɛ ne anu dɛlale menli mɔɔ dɔle dadeɛ nloa la.

Dwobu Buluku ne 31:3

Asoo munzule ɛndo menli mɔɔ ɛnle tenlene la, yɛɛ nyane ɛndo amumuyɛma?

Mrɛlɛbulɛ Buluku ne 20:20

Saa sonla wa ɔ ze anzɛɛ ɔ nli amonle a, ye kɛnlaneɛ banlu yeamaa awozinli kabii ava ye.

Mrɛlɛbulɛ Buluku ne 30:17

Awie biala mɔɔ si ɔ ze amgbu na ɔmbu ɔ nli bie la, mbɔnza nu ahɔhɔsɛlɛ badudu ɔ nye na mgbɔtɛ arali.

Gyɛlɛmaya Buluku ne 48:44

Ɛdawɔ mɔɔ ɛkɛnriandi ɛzulolɛ ne la, ɛbahɔdɔ kuma ne anu, yɛɛ ɛdawɔ mɔɔ ɛkɛvo kuma ne ɛkɛvinde file zo la, ɛbahɔdɔ ɛhane nu, ɔluakɛ medame, mebamaa ɛhye mɔ asisi Mowabema anwo zo wɔ mekɛ mɔɔ mebadea bɛ la. Medame Ɛdɛnkɛma a mese a.

Edwɛkpa ne kɛmɔ Mateyu hɛlɛle la 27:5

Dwudase vuandinle ezukoa ne guale Ɛzonlenlɛ Sua ne anu na ɔhɔle ɔhɔzɔle ɔ kɔme nyɛma.

Edwɛkpa ne kɛmɔ Maake hɛlɛle la 7:10

Mosisi hanle kɛ, ‘Di ɛ ze nee ɛ nli eni’, na ‘Awie biala mɔɔ kɛyɛ ɔ ze anzɛɛ ɔ nli aholoba la, bɛhu ye.’

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Mɛla 21:23

ɔnle kɛ bɛmaa ye funli ne kenda baka ne azo aledwolɛ ne amuala. Ɔwɔ kɛ bɛye ye bɛsie ye kenle ko ne ala. Ɔluakɛ awie mɔɔ bɛkɛhenda ye bɛkɛhu ye la ɛbɔ Nyamenle anwo ebele na yeva munzule yeha azɛlɛ ne. Ɔnle kɛ bɛmaa ɔkenda ɛkɛ ne ɔsɛkye azɛlɛ ne mɔɔ Ɛdɛnkɛma bɛ Nyamenle ne bava amaa bɛ kɛ bɛ ɛdeɛ ɔ la.

Mɛla 27:16

“ ‘Munzule ɛha sonla mɔɔ yeanli ɔ ze nee ɔ nli eni la.’ “Menli ne amuala baha kɛ, ‘Amen!’

Mɛla 27:20

“ ‘Munzule ɛha sonla mɔɔ kɛva ɔ ze aye la, ɔboalekɛ ɛnee yekpa ɔ ze anwo!’ “Menli ne amuala baha kɛ ‘Amen!’