2 Sam 18:7 - BAEBOLO ANZƐƐ BULUKU NWUANZANWUANZA

⁷ Na Devidi asa azo ne mɔ lile Yizilayɛma anwo zo konim; bɛhunle bɛ nuhua dɔɔnwo kpalɛ mɔɔ kɛdwu apenle ngoko abulanwiɔ la kenle ko ne.

2 Sam 18:7 ပူးပေါင်းရင်းမြစ်များ

2 Sam 15:6

Ɛhye yɛɛ Abesalɛm yɛle manle Yizilayɛma kɔsɔɔti mɔɔ rale belemgbunli ɛkɛ ne kɛ ɔziezie bɛ edwɛkɛ ɔmaa bɛ la a. Ɛhye manle Yizilayɛma kɔsɔɔti hulole Abesalɛm edwɛkɛ.

2 Sam 18:6

Devidi ɛlɔnema ne hɔtetale Yizilayɛma na bɛ nee bɛ honle wɔ Yifelaem kpɔkɛ ne anu.

2 Sam 18:8

Konle ne dɛlɛle kpɔkɛ ne anu ɛleka biala, na menli dɔɔnwo wule kpɔkɛ ne anu dɛlale menli mɔɔ dɔle dadeɛ nloa la.

2 Sam 2:17

Kenle ko ne konle ne yɛle ɛzulolɛ. Devidi ɛlɔnema ne lile Abenɛɛ nee Yizilayɛ ɛlɔnema ne anwo zo konim.

2 Sam 2:26

Akee Abenɛɛ deanle nu vɛlɛle Dwowabe na ɔzele ye kɛ, “Anzɛɛ ɔnle kɛ konle dadeɛ ne da koonwu ɔ? Anzɛɛ ɛnze kɛ konle nzi lɛ ɛkpɔlɛ ɔ? Kenlenzu yɛɛ ɛkɛmaa wɔ ɛlɔnema ne kɛgyakyi bɛ mediema ne mɔ mgbaliko ɛdulɛ a?”

2 Sam 2:31

Na ɛnee Devidi ɛlɔnema ne ɛhu Abenɛɛ ɛlɔnema mɔɔ vi Bɛngyaman abusua ekpunli ne anu la ɛya nsa abulasia.

Edwɛndolɛ Buluku ne 144:10

wɔmɔ mɔɔ ɛmaa arelemgbunli di konim, wɔmɔ mɔɔ ɛdie wɔ sonvolɛ Devidi a,

Mrɛlɛbulɛ Buluku ne 11:21

Nwu ye kɛ sonla mɔɔ di ɛtane la ɛnrɛva ɔ nwo dwɔɔ, na bɛdabɛ mɔɔ bɛbɔ tenlene ɛbɛla la anwo bavi nu.

Mrɛlɛbulɛ Buluku ne 24:21

Me ra nrenya, sulo Ɛdɛnkɛma na di belemgbunli eni, yɛɛ mmatu biala anloa ɛto,